തുടർച്ചയായ നാലാം ദിവസവും ഇന്ത്യൻ ഓഹരി വിപണി റെക്കോർഡ് നേട്ടത്തിൽ ക്ലോസ് ചെയ്തു. ഐടി, ഊർജം, മെറ്റൽ, ഫാർമ സ്റ്റോക്കുകൾ എന്നിവയ്ക്ക് പിന്തുണയോടെ സെൻസെക്സും നിഫ്റ്റിയും ഉയർന്ന നേട്ടമുണ്ടാക്കിയത്.
സെൻസെക്സ് 112.18 പോയിന്റ് ഉയർന്ന് 37606.58 ലും നിഫ്റ്റി 37 പോയിന്റ് ഉയർന്ന് 11356.50 ലുമാണ് ക്ലോസ് ചെയ്തത്. ബിഎസ്ഇയിലെ 1458 കമ്പനികളുടെ ഓഹരികള് നേട്ടത്തിലും 1163 ഓഹരികള് നഷ്ടത്തിലുമായിരുന്നു. 165 ഓഹരികളിൽ ഇന്ന് മാറ്റമുണ്ടാക്കിയില്ല.
റിലയൻസ് ഇൻഡസ്ട്രീസ്, ഹീറോ മോട്ടോകോർപ്പ്, എച്ച്.യു.എൽ, അദാനി പോർട്ട്സ്, ടെക്ക് മഹീന്ദ്ര, ഡോ. റെഡ്ഡിസ് ലാബ്സ് എന്നിവയാണ് ഇന്ന് ഏറ്റവും മികച്ച നേട്ടമുണ്ടാക്കിയ ഓഹരികൾ.
എന്നാൽ ആക്സിസ് ബാങ്ക്, എച്ച്ഡിഎഫ്സി, എസ്ബിഐ, ടാറ്റ മോട്ടോഴ്സ്, വേദാന്ത, ഐടിസി, ഐസിഐസിഐ ബാങ്ക്, ടിസിഎസ് തുടങ്ങിയ ഓഹരികള് നഷ്ടത്തിലായിരുന്നു. നാളെ നടക്കാനിരിക്കുന്ന ആര്ബിഐയുടെ വായ്പ നയ പ്രഖ്യാപനത്തില് പ്രതീക്ഷയര്പ്പിച്ചാണ് വിപണി ഇന്ന് നേട്ടത്തില് ക്ലോസ് ചെയ്തത്.
malayalam.goodreturns.in