ഓഹരി സൂചികകൾ ഇന്ന് റെക്കോർഡ് നേട്ടത്തിൽ ക്ലോസ് ചെയ്തു. ഇതാദ്യമായാണ് സെന്സെക്സ് 38,000 കടക്കുന്നത്. നിഫ്റ്റിയും 11,450 പോയിന്റിന് മുകളിലെത്തി. രണ്ട് സൂചികകളും റെക്കോർഡ് ഉയർച്ചയിലാണ് ഇന്ന് വ്യാപാരം അവസാനിപ്പിച്ചത്.
സെൻസെക്സ് 136.81 പോയന്റ് ഉയർന്ന് 38024.37ലും നിഫ്റ്റി 21.60 പോയിന്റ് ഉയർന്ന് 11,191.60 ലുമാണ് ക്ലോസ് ചെയ്തത്. 1,336 കമ്പനികളുടെ ഓഹരികള് നേട്ടത്തിലും 1,327 ഓഹരികള് നഷ്ടത്തിലുമായിരുന്നു. 148 ഓഹരികൾ മാറ്റമില്ലാതെ തുടർന്നു.
ബാങ്ക് ഓഹരികളാണ് ഇന്ന് മികച്ച നേട്ടമുണ്ടാക്കിയത്. അതിൽ തന്നെ പൊതുമേഖലാ ബാങ്കുകൾ വൻ നേട്ടമുണ്ടാക്കികൊണ്ടാണ് കുതിപ്പ് തുടർന്നത്. ഐസിഐസിഐ ബാങ്ക്, ആക്സിസ് ബാങ്ക്, എസ്ബിഐ എന്നിവയുടെ ഓഹരികൾ ഉയർന്ന നേട്ടം കൈവരിച്ചു. ഭാരതി എയർടെൽ, ഒ.എൻ.ജി.സി, ടൈറ്റാൻ എന്നിവയാണ് കനത്ത നഷ്ടം നേരിട്ട ഓഹരികൾ.
ലോഹം, എനര്ജി തുടങ്ങിയ വിഭാഗങ്ങളും മികച്ച പ്രകടനം തന്നെയാണ് ഇന്ന് കാഴ്ച്ച വച്ചത്. നിഫ്റ്റി മെറ്റൽ സൂചിക ഒരു ശതമാനം ഉയർന്നാണ് ക്ലോസ് ചെയ്തത്. വേദാന്തയുടെ ഉയർച്ച സൂചികയുടെ നേട്ടത്തിന് പ്രധാന കാരണമായി.
malayalam.goodreturns.in