സ്വര്ണ വിലയില് ഇന്ന് നേരിയ കുറവ്. പവന് 80 രൂപയാണ് ഇന്ന് കുറഞ്ഞത്. മൂന്ന് ദിവസത്തിന് ശേഷമാണ് പവന്റെ വിലയില് മാറ്റമുണ്ടാകുന്നത്. 22,440 രൂപയാണ് പവന്റെ ഇന്നത്തെ വില. ഗ്രാമിന് 10 രൂപ കുറഞ്ഞ് 2,805 രൂപയിലാണ് വ്യാപാരം പുരോഗമിക്കുന്നത്.
വെള്ളിയാഴ്ച പവന് 80 രൂപയുടെ കുറവ് രേഖപ്പെടുത്തിയിരുന്നു. ഒരു മാസത്തെ ഏറ്റവും ഉയര്ന്ന നിരക്കിലാണ് സംസ്ഥാനത്ത് കഴിഞ്ഞ ദിവസം വ്യാപാരം നടന്നത്. പവന് 200 രൂപയും, ഗ്രാമിന് 25 രൂപയും വര്ദ്ധിച്ചിരുന്നു.
യു.എ.ഇ വിപണിയില് സ്വര്ണവിലയിൽ വൻ ഇടിവാണ് രേഖപ്പെടുന്നത്. രൂപയുടെ വിനിമയ മൂല്യം ഇടിഞ്ഞതിനു വഴിയൊരുക്കിയ അമേരിക്കന് ഡോളറിന്റെ മികവ് തന്നെയാണ് സ്വര്ണ വിപണിയിലെ വിലയിടിവിന് കാരണം. സ്വര്ണം 22 കാരറ്റ് ഗ്രാമിന് 136.75 ദിര്ഹമാണ് ദുബായ് വിപണിയിലെ നിരക്ക്. 24 കാരറ്റ് ഗ്രാമിന് 145 ദിര്ഹം 75 ഫില്സ്, 21 കാരറ്റ് ഗ്രാമിന് 130 ദിര്ഹം 50 ഫില്സ്, 18 കാരറ്റ് 112 ദിര്ഹം എന്നിങ്ങനെയാണ് കഴിഞ്ഞ ദിവസത്തെ മറ്റു നിരക്കുകള്.
സ്വർണ വില ഇടിഞ്ഞതോടെ ആവശ്യക്കാര്ക്ക് സ്വര്ണം സ്വന്തമാക്കാനുള്ള അപൂര്വ്വ അവസരമായി വിലയിടിവ് മാറിയിട്ടുണ്ട്. അടുത്ത കാലത്തായി സ്വര്ണം വാങ്ങിക്കുന്നവരുടെ എണ്ണം വര്ധിച്ചതും വിപണിക്ക് ഗുണകരമായിട്ടുണ്ട്. അമേരിക്കന് സാമ്പത്തിക രംഗത്തെ മുന്നേറ്റമാണ് ആഗോള തലത്തില് സ്വര്ണ വില കുറയാന് കാരണമെന്ന് വ്യാപാരികള് പറയുന്നു.
malayalam.goodreturns.in