സംസ്ഥാനത്ത് പെട്രോൾ, ഡീസൽ വില ഇന്ന് വീണ്ടും ഉയര്ന്നു. പെട്രോളിന് 21 പൈസയും, ഡീസലിന് 22 പൈസയുമാണ് ഇന്ന് വര്ദ്ധച്ചത്. ഇതോടെ തിരുവനന്തപുരത്ത് പെട്രോളിന് 82.81 രൂപയും, ഡീസലിന് 76.63 രൂപയുമാണ് വില കൂടിയത്.
കൊച്ചിയില് പെട്രോളിന് 81.47 രൂപയും, ഡീസലിന് 75.38 രൂപയുമാണ് വില, കോഴിക്കോട് പെട്രോളിന് 81.72 രൂപയും, ഡീസലിന് 75.04 രൂപയുമാണ് നിരക്ക്. രാജ്യാന്തര വിപണിയില് എണ്ണവില ഉയരുന്നതിനൊപ്പം രൂപയുടെ മൂല്യം ഇടിയുന്നതാണ് വില ഉയരാന് കാരണം.
ഇന്ധന വില എത്ര കൂടിയാലും എക്സൈസ് നികുതി കുറക്കില്ലെന്ന നിലപാടിലാണ് കേന്ദ്രം. ഡീസൽ ചരിത്രത്തിലെ ഏറ്റവും ഉയർന്ന നിരക്കാണ് ഇപ്പോഴത്തേത്. അഞ്ചു മാസത്തിനിടെ പെട്രോളിന് 4.66 രൂപയും ഡീസലിന് 6.35 രൂപയുമാണ് കൂടിയത്.
രാജ്യത്ത് തുടർച്ചയായ 13-ാം ദിവസമാണ് ഇന്ധനവില കുതിപ്പ് തുടരുന്നത്. അതേ സമയം സമ്മർദിത പ്രകൃതി വാതകം (സി.എൻ.ജി), സബ്സിഡി രഹിത എൽ.പി.ജി, പൈപ്പ്ഡ് നാച്വറൽ ഗ്യാസ് (പി.എൻ.ജി) എന്നിവക്കും വില കുത്തനെ കൂട്ടി. ഗ്യാസ് (പി.എൻ.ജി) എന്നിവക്കും വില കുത്തനെ കൂട്ടി. രൂപയുടെ മൂല്യം വീണ്ടും ഇടിയുകയും പെട്രോൾ ഡീസൽ വില വർദ്ധിക്കുകയും ചെയ്താൽ തീർച്ചയായും വിലക്കയറ്റവും രൂക്ഷമാകും.
malayalam.goodreturns.in