ജെയ്റ്റ്‌ലിക്ക് സര്‍ജറി, താല്‍ക്കാലിക ധനമന്ത്രിയായി പിയൂഷ് ഗോയല്‍ ബജറ്റ് അവതരിപ്പിച്ചേക്കും

By
Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

ദില്ലി: കാന്‍സര്‍ ബാധയെ തുടര്‍ന്ന് ന്യുയോര്‍ക്ക് ആശുപത്രിയില്‍ ചികില്‍സയില്‍ കഴിയുന്ന കേന്ദ്ര ധനകാര്യ മന്ത്രി അരുണ്‍ ജെയിറ്റ്‌ലിക്ക് താല്‍ക്കാലിക പകരക്കരനായി റെയില്‍വേ മന്ത്രി പിയൂഷ് ഗോയലിനെ കേന്ദ്രസര്‍ക്കാര്‍ നിയമിച്ചു. പ്രധാനമന്ത്രി നരേന്ദ്രമോദിയുടെ നിര്‍ദ്ദേശപ്രകാരം പ്രസിഡന്റ് രാം നാഥ് കോവിന്ദാണ് ഇതുമായി ബന്ധപ്പെട്ട പ്രഖ്യാപനം നടത്തിയത്. രോഗബാധയെ തുര്‍ന്ന് ജനുവരി 13ന് അമേരിക്കയിലേക്ക് തിരിച്ച ജെയിറ്റ്‌ലി 22നാണ് ശസ്ത്രക്രിയക്ക് വിധേയനായത്.

ജെയ്റ്റ്‌ലിക്ക് സര്‍ജറി, താല്‍ക്കാലിക ധനമന്ത്രിയായി പിയൂഷ് ഗോയല്‍ ബജറ്റ് അവതരിപ്പിച്ചേക്കും

 

അദ്ദേഹം അസുഖം ഭേദമായി തിരികെയെത്തുന്നതു വരെ ധനകാര്യമന്ത്രാലയത്തിന്റെ അധികച്ചുമതലയാണ് ഗോയലിന് നല്‍കിയിരിക്കുന്നത്. ചുരുങ്ങിയത് രണ്ടാഴ്ചയെങ്കിലും വിശ്രമം വേണമെന്ന് ഡോക്ടര്‍മാര്‍ ജെയിറ്റ്‌ലിക്ക് നിര്‍ദ്ദേശം നല്‍കിയിരിക്കുകയാണ്. ഇതോടെ ഫെബ്രുവരി ഒന്നിന് നടക്കുന്ന ഇടക്കാല ബജറ്റ് അവതരണം പിയൂഷ് ഗോയലായിരിക്കും നിര്‍വഹിക്കുകയെന്ന് ഏറെക്കുറെ ഉറപ്പായി. ഈ കാലയളവില്‍ വകുപ്പില്ലാ മന്ത്രിയായി ജെയിറ്റ്‌ലി തുടരും.

വരാനിരിക്കുന്ന പൊതുതെരഞ്ഞെടുപ്പിന് മുന്നോടിയായി അവതരിപ്പിക്കുന്ന ഇടക്കാല ബജറ്റില്‍ കര്‍ഷകര്‍ക്ക് പ്രത്യേക പാക്കേജുകളും മിഡില്‍ക്ലാസിന് വേണ്ടിയുള്ള സുപ്രധാന ആനുകൂല്യങ്ങളും പ്രഖ്യാപിക്കുമെന്നാണ് വിലയിരുത്തപ്പെടുന്നത്. ജെയിറ്റ്‌ലി ഇതിനകം അഞ്ച് തവണ ബജറ്റ് അവതരിപ്പിക്കുകയുണ്ടായി.

ഇത് രണ്ടാംതവണയാണ് പിയൂഷ് ഗോയല്‍ റെയില്‍വേ മന്ത്രാലയത്തിനൊപ്പം ധനകാര്യമന്ത്രാലയത്തിന്റെയും ചുമതല വഹിക്കുന്നത്. കഴിഞ്ഞ മെയില്‍ ജെയിറ്റ്‌ലി കിഡ്‌നി മാറ്റിവയ്ക്കല്‍ ശസ്ത്രക്രിയയ്ക്ക് വിധേയനായപ്പോഴായിരുന്നു ഇത്. അന്ന് 100 ദിവസമാണ് രണ്ട് മന്ത്രാലയത്തിന്റെയും ചുമതല ഗോയല്‍ വഹിച്ചത്. ലോകസഭാ തെരഞ്ഞെടുപ്പിന്റെ പ്രചാരണ പ്രവര്‍ത്തനങ്ങളുടെ ഇന്‍ചാര്‍ജ്ജായി ബിജെപി നേരത്തേ ജെയിറ്റ്‌ലിയെ ചുമതലപ്പെടുത്തിയിരുന്നു.

English summary

Union Railways Minister Piyush Goyal, Now Interim finance minister

Union Railways Minister Piyush Goyal has been given the temporary charge of the Finance and Corporate Affairs ministries.
Company Search
Enter the first few characters of the company's name or the NSE symbol or BSE code and click 'Go'
Thousands of Goodreturn readers receive our evening newsletter.
Have you subscribed?

Find IFSC

We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more