പ്രധാനമന്ത്രിയുടെ മുദ്ര ലോണ്‍ പദ്ധതി: വാര്‍ഷിക ലക്ഷ്യം ഒരു ലക്ഷം കോടി രൂപ അകലെ

By
Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

ദില്ലി: ചെറുകിട സംരംഭകര്‍ക്ക് വായ്പ ലഭ്യമാക്കുന്ന പ്രധാനമന്ത്രിയുടെ മുദ്ര ലോണ്‍ പദ്ധതി വാര്‍ഷിക ലക്ഷ്യം കൈവരിക്കണമെങ്കില്‍ ഇനിയും ഒരു ലക്ഷം കോടി രൂപ വായ്പ നല്‍കണമെന്ന് കണക്കുകള്‍. സാമ്പത്തിക വര്‍ഷം അവസാനിക്കാന്‍ ഇനി വെറും ഒരു വര്‍ഷം മാത്രം ബാക്കിയിരിക്കെ ബാങ്കുകള്‍ എത്ര കഠിനാധ്വാനം ചെയ്താലും ലക്ഷ്യം കൈവരിക്കാനാവില്ലെന്നാണ് വിലയിരുത്തല്‍.

 
പ്രധാനമന്ത്രിയുടെ മുദ്ര ലോണ്‍ പദ്ധതി: വാര്‍ഷിക ലക്ഷ്യം ഒരു ലക്ഷം കോടി രൂപ അകലെ

2018-19 സാമ്പത്തിക വര്‍ഷത്തേക്ക് മുദ്ര പദ്ധതിക്കായി മൂന്ന് ലക്ഷം കോടി രൂപയാണ് മാറ്റിവച്ചിരുന്നത്. എന്നാല്‍ ഫെബ്രുവരി 22 വരെയുള്ള കണക്കുകള്‍ പ്രകാരം 2,10,759 കോടി രൂപ മാത്രമേ പദ്ധതി പ്രകാരം വിതരണം ചെയ്തിട്ടുള്ളൂ. 3.89 കോടി പേര്‍ക്കാണ് ഈ വര്‍ഷം മുദ്ര ലോണ്‍ അനുവദിച്ചതെന്നും ധനകാര്യമന്ത്രാലയത്തിന്റെ കണക്കുകള്‍ വ്യക്തമാക്കുന്നു. 2015ല്‍ ആരംഭിച്ച ശേഷം മുദ്രലോണ്‍ വാര്‍ഷിക ലക്ഷ്യം കൈവരിക്കാതിരിക്കുന്ത് ഇതാദ്യമായാണ്.

2017-18 വര്‍ഷം 2,46,437 കോടി രൂപയായിരുന്നു പദ്ധതി പ്രകാരം വായ്പ അനുവദിച്ചത്. വാര്‍ഷിക ലക്ഷ്യത്തേക്കാള്‍ കൂടുതലായിരുന്നു ഇത്. 2019-20 വര്‍ഷത്തെ ബജറ്റില്‍ മുദ്ര പദ്ധതിയില്‍ 15.56 കോടി വായ്പകള്‍ അനുവദിച്ചതായും ഇതിനായി 7.23 ലക്ഷം കോടി രൂപ വിതരണം ചെയ്തതായും ധനകാര്യമന്ത്രി വ്യക്തമാക്കിയിരുന്നു.

പ്രധാനമന്ത്രിയുടെ മുദ്ര ലോണ്‍ പദ്ധതി: വാര്‍ഷിക ലക്ഷ്യം ഒരു ലക്ഷം കോടി രൂപ അകലെ

ഈടോ ജാമ്യക്കാരുടെ ആവശ്യമോ ഇല്ലാതെ ചെറുകിട സംരംഭകര്‍ക്ക് വായ്പ നല്‍കുന്നതിന് വേണ്ടിയുള്ള പദ്ധതിയാണ് മൈക്രോ യൂണിറ്റ്‌സ് ഡവലപ്‌മെന്റ് ആന്‍ഡ് റിഫൈനന്‍സി ഏജന്‍സി ലിമിറ്റഡ് എന്ന മുദ്ര (MUDRA). വായ്പയ്ക്ക് സര്‍ട്ടിഫിക്കറ്റ് (നോ ഡ്യൂസ് സര്‍ട്ടിഫിക്കറ്റ്) നിര്‍ബന്ധമില്ല. പണയമായി എന്തെങ്കിലും നല്‍കേണ്ട ആവശ്യവും ഇതിനില്ല. എടുത്ത പണത്തിനുമാത്രം പലിശ നല്‍കിയാല്‍ മതിയെന്നതാണ് ഇതിന്റെ മറ്റൊരു സവിശേഷത. വായ്പ ലളിതമായ തവണകളില്‍ ഉചിതമായ കാലയളവില്‍ തിരികെ അടയ്ക്കാം.

50000 രൂപ വരെയുള്ള ശിശു ലോണ്‍, 50000 രൂപ മുതല്‍ 5 ലക്ഷം രൂപ വരെയുള്ള കിഷോര്‍ ലോണ്‍, 5 ലക്ഷം രൂപ മുതല്‍ 10 ലക്ഷം രൂപ വരെയുള്ള തരുണ്‍ ലോണ്‍ എന്നിങ്ങനെ മൂന്ന് വിധമാണ് മുദ്രാ ലോണ്‍. ഉല്‍പന്ന നിര്‍മ്മാണം, സേവന മേഖല, വ്യാപാര-വാണിജ്യ മേഖല എന്നിങ്ങനെ പ്രധാനമായും മൂന്ന് തരം സംരംഭകര്‍ക്കാണ് മുദ്രാ ലോണ്‍ ലഭ്യമാവുക. കൂടാതെ ഡയറി ബിസിനസ് മീന്‍ വളര്‍ത്തല്‍, കോഴി വളര്‍ത്തല്‍, തേനീച്ച വളര്‍ത്തല്‍, പട്ട് വ്യവസായം മുതലായ വയ്ക്കും മുദ്രാ ലോണ്‍ ലഭ്യമാണ്.

English summary

mudra loan target for fy19

mudra loan target for fy19
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X