ഇ-കൊമേഴ്‌സ്: കരട് നയത്തില്‍ ഇളവ് വേണമെന്ന് മൈക്രോസോഫ്റ്റ്

By
Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

ദില്ലി: കേന്ദ്ര സര്‍ക്കാര്‍ പ്രസിദ്ധീകരിച്ച ഇ-കൊമേഴ്‌സ് കരട് നയത്തില്‍ ചില ഇളവുകള്‍ ആവശ്യപ്പെട്ട് ടെക്‌നോളജി ഭീമനായ മൈക്രോസോഫ്റ്റ്. ഇന്ത്യയില്‍ നിന്നുള്ള ബിസിനസ് ഡാറ്റകള്‍ രാജ്യത്തു തന്നെ സൂക്ഷിക്കണമെന്ന വ്യവസ്ഥയിലാണ് ഇളവ് ആവശ്യപ്പെട്ടിരിക്കുന്നത്. അതേസമയം, ഉപഭോക്താക്കള്‍ക്ക് മികച്ച സേവനം ഉറപ്പുവരുത്തുന്നതിന് വ്യത്യസ്ത കമ്പനികള്‍ക്കിടയില്‍ ഡാറ്റ പങ്കുവയ്ക്കുന്നതിനോട് തങ്ങള്‍ക്ക് അനുകൂല നിലപാടാണെന്നും മൈക്രോസോഫ്റ്റ് സര്‍ക്കാരിനെ അറിയിച്ചു.

ഇ-കൊമേഴ്‌സ്: കരട് നയത്തില്‍ ഇളവ് വേണമെന്ന് മൈക്രോസോഫ്റ്റ്

 

കരട് നയവുമായി ബന്ധപ്പെട്ട് വിളിച്ചുചേര്‍ത്ത കമ്പനികളുടെ യോഗത്തിലാണ് മൈക്രോസോഫ്റ്റ് തങ്ങളുടെ നിലപാട് വ്യക്തമാക്കിയത്. ഫെബ്രുവരി 23നാണ് കേന്ദ്ര മന്ത്രാലയം പുതിയ ഇ-കൊമേഴ്‌സ് നയത്തിന്റെ കരട് പ്രസിദ്ധീകരിച്ചത്. ഇ കൊമേഴ്‌സ് പ്ലാറ്റ്‌ഫോമുകള്‍, സോഷ്യല്‍ മീഡിയ തുടങ്ങിയവയിലെ ഇന്ത്യക്കാരെ കുറിച്ചുള്ള വിവരങ്ങള്‍ രാജ്യാതിര്‍ത്തി വിട്ടുപോവരുതെന്നും അത് ഇന്ത്യയിലെ തന്നെ സര്‍വറുകളില്‍ സൂക്ഷിക്കണമെന്നും കരടില്‍ നിര്‍ദ്ദേശമുണ്ട്.

ഇ-കൊമേഴ്‌സ്: കരട് നയത്തില്‍ ഇളവ് വേണമെന്ന് മൈക്രോസോഫ്റ്റ്

ഡാറ്റ സൂക്ഷിപ്പുമായി ബന്ധപ്പെട്ട വ്യവസ്ഥകള്‍ ഇന്ത്യയിലെ വിദേശ സ്റ്റാര്‍ട്ടപ്പുകളെ ദോഷകരമായി ബാധിക്കുമെന്നും യോഗത്തില്‍ വിമര്‍ശനമുയര്‍ന്നു. സ്റ്റാര്‍ട്ടപ്പുകളെ വിദേശ കമ്പനികള്‍ ഏറ്റെടുക്കുകയോ ഫണ്ട് നല്‍കുകയോ ചെയ്യണമെങ്കില്‍ ഡാറ്റ കൈമാറ്റം ആവശ്യമാണ്. ഉപഭോക്താവിന്റെ അനുവാദത്തോടെയാണെങ്കില്‍ പോലും മൂന്നാം കക്ഷിക്ക് ഡാറ്റ കൈമാറ്റം ചെയ്യരുതെന്ന കരട് നയത്തിലെ നിബന്ധന സ്റ്റാര്‍ട്ടപ്പുകള്‍ക്ക് തിരിച്ചടിയാവുമെന്നും യോഗത്തില്‍ സംസാരിച്ചവര്‍ അഭിപ്രായപ്പെട്ടു.

സ്ത്രീകളുടെ അക്കൗണ്ടിലേയ്ക്ക് മാസം 6000 രൂപ; മി​നി​മം വ​രു​മാ​ന പ​ദ്ധ​തി​യെക്കുറിച്ച് അറിയാം

മൂന്നാം കക്ഷിയെന്ന പ്രയോഗത്തിലെ അവ്യക്തതയും യോഗത്തില്‍ വിമര്‍ശിക്കപ്പെട്ടു. ഇതുപ്രകാരം ഇന്ത്യയില്‍ നിന്ന് മൈക്രോസോഫ്റ്റ്, ആമസോണ്‍ തുടങ്ങിയ കമ്പനികള്‍ക്ക് വിദേശത്തുള്ള തങ്ങളുടെ മാതൃ കമ്പനിയിലേക്കോ സഹോദര സ്ഥാപനങ്ങളിലേക്കോ വിവരങ്ങള്‍ കൈമാറുന്നതു പോലും വിലക്കപ്പെടും. ആര്‍ട്ടിഫിഷ്യല്‍ ഇന്റലിജന്‍സ് തുടങ്ങിയ മേഖലകളില്‍ പ്രവര്‍ത്തിക്കുന്ന കമ്പനികള്‍ക്ക് ഡാറ്റ കൈമാറ്റം ഇല്ലാതെ ബിസിനസ് സാധ്യമല്ലെന്നും യോഗത്തില്‍ അഭിപ്രായമുയര്‍ന്നു.

ഇ-കൊമേഴ്‌സ്: കരട് നയത്തില്‍ ഇളവ് വേണമെന്ന് മൈക്രോസോഫ്റ്റ്

 

ഇന്ത്യയിലെ കമ്പനികളുമായി ബന്ധമുള്ള വിദേശ സ്ഥാപനങ്ങളിലേക്ക് ഡാറ്റ കൈമാറ്റം അനുവദിക്കണമെന്നാണ് മൈക്രോസോഫ്റ്റ് ഉള്‍പ്പെടുയുള്ള കമ്പനികള്‍ ആവശ്യപ്പെട്ടത്. അതേസമയം, ആമസോണ്‍, മൈക്രോസോഫ്റ്റ്, നെറ്റ്ഫ്‌ളിക്‌സ്, ഒല, ഊബര്‍ തുടങ്ങിയ കമ്പനികള്‍ ഇന്ത്യയില്‍ പ്രാദേശിക സര്‍വര്‍ സ്ഥാപിച്ച് ഡാറ്റ സൂക്ഷിക്കണമെന്ന നിര്‍ദ്ദേശത്തോട് എതിര്‍പ്പു പ്രകടിപ്പിച്ചിട്ടില്ല.

English summary

microsoft seeks easing of e commerce norms

microsoft seeks easing of e commerce norms
Company Search
Enter the first few characters of the company's name or the NSE symbol or BSE code and click 'Go'
Thousands of Goodreturn readers receive our evening newsletter.
Have you subscribed?

Find IFSC

We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more