ലോണെടുക്കാൻ വരട്ടെ, ജൂണിൽ വായ്പകൾക്ക് പലിശ വീണ്ടും കുറയും

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

റിസർവ് ബാങ്ക് ഓഫ് ഇന്ത്യ (ആർബിഐ) ജൂണിൽ പലിശ നിരക്ക് വീണ്ടും കുറയ്ക്കാൻ സാധ്യത. ഈ വർഷം പണപ്പെരുപ്പം ഉയരുന്നതിന് മുമ്പ് വീണ്ടും പലിശ നിരക്ക് കുറയ്ക്കാൻ സാധ്യതയുണ്ടെന്നാണ് ഐഎച്ച്എസ് മാർക്കിറ്റ് പുറത്തുവിട്ടിരിക്കുന്ന റിപ്പോർട്ട്. സാമ്പത്തിക വളർച്ച കൂട്ടുന്നതിനായി ഫെബ്രുവരി, ഏപ്രിൽ മാസങ്ങളിൽ ആർബിഐ പലിശ നിരക്ക് 0.25 ശതമാനം വീതം കുറച്ചിരുന്നു.

ആഗോള സാമ്പത്തിക നയ നടപടികളുടെ പ്രവണതയും സാമ്പത്തിക പ്രത്യാഘാതവും സംബന്ധിച്ച ലണ്ടനിലെ ആഗോള വിവര ദാതാക്കളുടെ റിപ്പോർട്ടിലാണ് ഇക്കാര്യങ്ങൾ വ്യക്തമാക്കിയിരിക്കുന്നത്. 2020ന്റെ മധ്യത്തോടെ ആർബിഐ സാമ്പത്തിക നയനിലപാട് കൂടുതൽ ശക്തിപ്പെടുത്തുമെന്നും റിപ്പോർട്ടിൽ പറയുന്നു. ആഭ്യന്തര വളർച്ചയും ആഗോള വളർച്ചയും മന്ദഗതിയിലായതിനെ തുടർന്ന് നാണയപ്പെരുപ്പം ആർബിഐയുടെ ലക്ഷ്യത്തേക്കാൾ കുറവാണ്. ഇതാണ് ജൂണിൽ വീണ്ടും പലിശ നിരക്ക് കുറയ്ക്കാനുള്ള സാധ്യത കൂട്ടുന്നത്.

ലോണെടുക്കാൻ വരട്ടെ, ജൂണിൽ വായ്പകൾക്ക് പലിശ വീണ്ടും കുറയും

 

ജൂണിലെ പലിശ നിരക്ക് കുറയ്ക്കലും കൂടി കഴിഞ്ഞാൽ ആർബിഐ ഈ വർഷം റിപ്പോ നിരക്കിൽ മാറ്റം വരുത്തില്ലെന്നാണ് വിലയിരുത്തൽ. വായ്പാ പലിശ നിരക്ക് കുറയ്ക്കുന്നതോടെ ഭവന വായ്പകൾ അടക്കുമുള്ള വായ്പകളുടെ പലിശ നിരക്കിലും കുറവുണ്ടാകും. വരും മാസങ്ങളിൽ ഭക്ഷ്യ - ഇന്ധന വിലയും ഉയരാൻ സാധ്യതയുണ്ടെന്ന് റിപ്പോർട്ടിൽ പറയുന്നു. 2019 ന്റെ രണ്ടാം പകുതിയിൽ പണപ്പെരുപ്പം 5 ശതമാനമാകും.

2019ൽ പണപ്പെരുപ്പം ശരാശരി 4.2 ശതമാനവും 2020ൽ 5.3 ശതമാനവുമാകുമെന്നും റിപ്പോർട്ടിൽ പറയുന്നു. നിലവിൽ ആറ് ശതമാനമാണ് ആർബിഐയുടെ റിപ്പോ നിരക്ക്. രാജ്യത്തെ ബാങ്കുകൾക്ക് റിസർവ് ബാങ്ക് നൽകുന്ന വായ്പയുടെ പലിശയാണ് റിപ്പോ നിരക്ക്. പലിശ ഇനത്തിൽ മാറ്റം വരുത്തുന്നതു വഴി റിവേഴ്സ് റിപ്പോ നിരക്കിലും മാറ്റമുണ്ടാകും. ബാങ്കുകൾ റിസർവ് ബാങ്കിൽ സൂക്ഷിക്കുന്ന പണത്തിന് നൽകുന്ന പലിശയാണ് റിവേഴ്സ് റിപ്പോ.

malayalam.goodreturns.in

English summary

RBI May Cut Interest Rate Again In June

Rbi may cut interest rate again in the next monetary policy meeting. RBI had cut interest rate by 25 basis points each in last two meetings.
Story first published: Thursday, May 9, 2019, 10:32 [IST]
Company Search
Thousands of Goodreturn readers receive our evening newsletter.
Have you subscribed?
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more
X