മസാല ബോണ്ട് വിറ്റഴിക്കൽ: മുഖ്യമന്ത്രിയുടെ യാത്രാ ചെലവ് 16 ലക്ഷം, സർക്കാരിന്റെ മൊത്തം ചെലവ് 2.29 കോടി

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

മസാല ബോണ്ട് വിറ്റഴിക്കലുമായി ബന്ധപ്പെട്ട് സര്‍ക്കാരിനും കിഫ്ബിയ്ക്കും ചെലവായത് 2.29 കോടി രൂപയെന്ന് ധനവകുപ്പ്. ലണ്ടന്‍ സ്റ്റോക്ക് എക്സ്ചേഞ്ച് ഓപ്പണ്‍ ചെയ്യുന്ന ചടങ്ങില്‍ പങ്കെടുക്കാനായി മുഖ്യമന്ത്രിയും സംഘവും യാത്ര ചെയ്ത ഇനത്തില്‍ 16ലക്ഷത്തിലേറെ രൂപ ചെലവായതായി ധനവകുപ്പ് വ്യക്തമാക്കി. ബാക്കി തുക ബോണ്ടുകള്‍ വിറ്റഴിക്കാന്‍ വിവിധ ഏജന്‍സികള്‍ക്ക് നൽകിയ ഫീസ് ഇനത്തിലാണ് ചെലവായിരിക്കുന്നത്. 1.83 കോടി രൂപയാണ് ഇത്തരത്തിൽ ഫീസ് ഇനത്തിൽ ചെലവായതെന്ന് ധനവകുപ്പ് വ്യക്തമാക്കി.

പ്രതിപക്ഷത്തിനുള്ള മറുപടി
 

പ്രതിപക്ഷത്തിനുള്ള മറുപടി

ലണ്ടന്‍, സിങ്കപ്പൂര്‍ സ്റ്റോക്ക് എക്സ്ചേഞ്ചുകള്‍ വഴി കിഫ്ബിയുടെ മസാല ബോണ്ടുകള്‍ വിറ്റഴിക്കാനായി ചെലവിട്ട തുകയുടെ വിശദാംശങ്ങളാണ് നിയമസഭയില്‍ ധനവകുപ്പ് അവതരിപ്പിച്ചത്. പ്രതിപക്ഷ എംഎല്‍എമാര്‍ ഉന്നയിച്ച ചോദ്യത്തിന് മറുപടിയായാണ് ധനവകുപ്പ് ചെലവിന്റെ കണക്കുകൾ നല്‍കിയത്. മസാല ബോണ്ടുകള്‍ വഴി ഇതുവരെ 2150 കോടി രൂപയാണ് കിഫ്ബി സമാഹരിച്ചത്.

റിങ് ദ ബെല്‍ ചടങ്ങ്

ലണ്ടന്‍ സ്റ്റോക്ക് എക്സ്ചേഞ്ചിന്‍റെ ക്ഷണമനുസരിച്ച് 'റിങ് ദ ബെല്‍' ചടങ്ങില്‍ പങ്കെടുക്കാനായി മുഖ്യമന്ത്രിയും സംഘവും യാത്ര ചെയ്ത ഇനത്തില്‍ കിഫ്ബി 12,98,243 രൂപയാണ് ചെലവിട്ടത്. സര്‍ക്കാര്‍ 3,65000 രൂപയും ചെലവിട്ടു. ആകെ ചെലവായത് 16,63,243 രൂപ. വിൽപ്പനയ്ക്ക് തുടക്കമിടുന്ന ചടങ്ങാണ് റിങ് ദ ബെല്‍. ആദ്യമായാണ് ഒരു ഇന്ത്യൻ മുഖ്യമന്ത്രി ലണ്ടൻ സ്റ്റോക്ക് എക്സ്ചേഞ്ചിൽ വ്യാപാരത്തിന് തുടക്കമിടാൻ എത്തുന്നത്.

ഏജൻസികൾക്ക് നൽകിയ ഫീസ്

മസാല ബോണ്ട് വില്‍പനയ്ക്കായി ബാങ്കുകള്‍ക്കും അനുബന്ധ ഏജന്‍സികള്‍ക്കും ഫീസായി നല്‍കിയത് 1,65,68,330 രൂപയാണ്. ആക്സിസ് ബാങ്ക്, ഡിഎല്‍എ, പിപ്പര്‍ യു കെ എന്നീ കമ്പനികള്‍ക്കാണ് മസാല ബോണ്ട് വില്‍പന നടത്തിയ ഇനത്തില്‍ ഏറ്റവുമധികം കമ്മീഷന്‍ നല്‍കിയത്. ഈ കമ്പനികള്‍ വഴിയാണ് ഏറ്റവുമധികം മസാല ബോണ്ടുകള്‍ വില്‍പന നടത്തിയതെന്നും കിഫ്ബി അധികൃതര്‍ വ്യക്തമാക്കി.

എന്താണ് മസാല ബോണ്ട്?

നിക്ഷേപം ആകർഷിക്കാനായി ഇന്ത്യൻ രൂപയിൽ വിദേശത്ത് ഇറക്കുന്ന കടപ്പത്രമാണ് മസാല ബോണ്ട്. ഇന്ത്യൻ രൂപയുടെ മൂല്യത്തിന് അനുസരിച്ചാണ് മസാല ബോണ്ടിന്റെ വിനിമയം നടക്കുന്നത്. അതായയത് രൂപയുടെ മൂല്യം കൂടുന്നതിനും കുറയുന്നതിനും അനുസരിച്ച് മസാല ബോണ്ടിന്റെ മൂല്യത്തിലും വ്യത്യാസമുണ്ടാകും. 2016ലാണ് റിസര്‍വ് ബാങ്ക് മസാല ബോണ്ട് സമ്പ്രദായത്തിന് അനുമതി നല്‍കിയത്.

malayalam.goodreturns.in

English summary

Sale of Masala bond: CM's travel costs Rs 16 lakh

The Finance Department said it had spent Rs 2.29 crore on the government and Kifbi in connection with the sale of masala bonds.
Story first published: Friday, June 14, 2019, 15:45 [IST]
Company Search
Enter the first few characters of the company's name or the NSE symbol or BSE code and click 'Go'
Thousands of Goodreturn readers receive our evening newsletter.
Have you subscribed?

Get Latest News alerts from Malayalam Goodreturns

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more