പണമിടപാടുകള്‍ സുതാര്യമാക്കാന്‍ പാന്‍കാര്‍ഡിന് പകരം ഇനി ആധാര്‍

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

രാജ്യത്ത് അമ്പതിനായിരം രൂപയിലധികം വരുന്ന പണമിടപാടുകള്‍ക്ക് ഇനി മുതല്‍ പാന്‍കാര്‍ഡിന് പകരം ആധാര്‍ കാര്‍ഡ് ഹാജരാക്കിയാല്‍ മതിയാകും. ഇതുവരെ പാന്‍കാര്‍ഡ് നിര്‍ബന്ധമായിരുന്ന പലതിനും ഇനി ആധാര്‍ മതിയെന്ന തീരുമാനം നടപ്പാക്കാന്‍ പദ്ധതിയിടുന്നതായി റവന്യു സെക്രട്ടറി അജയ് ഭൂഷണ്‍ പാണ്ഡെ പറഞ്ഞു. പണമിടപാടുകള്‍ക്ക് ആധാര്‍ മതിയെന്നുവരുന്നതോടെ ബാങ്കുകളും ഇതര ധനകാര്യ സ്ഥാപനങ്ങളും ഇടപാടുകളിലും മറ്റും നിരവധി പരിഷ്‌ക്കാരങ്ങള്‍ വരുത്തേണ്ടിവരും. പാന്‍കാര്‍ഡിന് പകരം ആധാര്‍കാര്‍ഡ് ഉപയോഗിച്ചും ആദായനികുതി അടയ്ക്കാമെന്ന ബജറ്റ് പ്രഖാപനത്തിന് തൊട്ടുപിന്നാലെയാണ് പുതിയ തീരുമാനം. രാജ്യത്തെ 22 കോടിയോളം പാന്‍കാര്‍ഡുകള്‍ ഇതിനകം ആധാറുമായി ബന്ധിപ്പിച്ചുകഴിഞ്ഞു.

കേന്ദ്രം നികുതി കൂട്ടുന്നതിന് അനുസരിച്ച് ഇന്ധന വില കുറയ്ക്കില്ലെന്ന് തോമസ് ഐസക്

 

120 കോടിയിലധികം ആളുകള്‍ക്ക് ആധാര്‍ കാര്‍ഡുകളുണ്ടെന്നാണ് കണക്കാക്കുന്നത്. നിലവില്‍ പാന്‍കാര്‍ഡ് ആവശ്യമുളള സാഹചര്യങ്ങളിലും ആദ്യം ആധാര്‍ ഉപയോഗിച്ച ശേഷം പാന്‍കാര്‍ഡ് ജനറേറ്റ് ചെയ്യേണ്ടതുണ്ട്. എന്നാല്‍ ആധാര്‍ മാത്രം മതിയെന്ന നിബന്ധന യാഥാര്‍ത്ഥ്യമാകുന്നതോടെ ഇടപാടുകള്‍ കൂടുതല്‍ എളുപ്പമാകും. ബാങ്ക് അക്കൗണ്ടുകളില്‍ 50,000 രൂപയിലധികം തുക നിക്ഷേപിക്കുമ്പോഴും തിരിച്ചെടുക്കുമ്പോഴുമെല്ലാം ആധാര്‍ ഉപയോഗിച്ചാല്‍ മതിയാകും. ഇടപാടുകള്‍ക്ക് ആധാര്‍ മതിയെന്നു വരുന്നതോടെ പാന്‍കാര്‍ഡ് അപ്രത്യക്ഷമായേക്കുമെന്ന് പറയാനാവില്ല. കാരണം പാന്‍കാര്‍ഡ് ഉപയോഗിക്കുന്നത് സൗകര്യമായി കരുതുന്ന ധാരാളം പേരുണ്ട്. അതുപോലെ ആധാറും. രണ്ടിലേത് വേണമെന്ന് തെരഞ്ഞെടുക്കാനുളള സ്വാതന്ത്ര്യം വ്യക്തികളില്‍ നിക്ഷിപ്തമായിരിക്കുമെന്ന് മാത്രം.

പണമിടപാടുകള്‍ സുതാര്യമാക്കാന്‍ പാന്‍കാര്‍ഡിന് പകരം ഇനി ആധാര്‍

നിലവില്‍ പണമിടപാടുകള്‍ നടത്തുമ്പോള്‍ കളളപ്പണത്തിന്റെ വരവ് തടയുന്നതിന് പാന്‍കാര്‍ഡ് അത്യാവശ്യമാണ്. അതായത് 50,000 രൂപയിലധികം വരുന്ന വിദേശയാത്ര, ഹോട്ടല്‍ ബില്ലുകള്‍ എന്നിവയ്ക്കും പത്തു ലക്ഷം രൂപയിലധികം വരുന്ന വസ്തു വില്പനയ്ക്കും പാന്‍കാര്‍ഡ് കൂടിയേ തീരൂ. വ്യക്തികളുടെ ബയോമെട്രിക് ഡാറ്റ ഉള്‍ക്കൊളളുന്ന ആധാറിനെ താരതമ്യം ചെയ്യുമ്പോള്‍ പാന്‍കാര്‍ഡില്‍ കൃത്രിമം കാട്ടാനുളള സാധ്യതകള്‍ കൂടുതലാണെന്നാണ് വിലയിരുത്തുന്നത്.

ആദായനികുതി അടയ്ക്കുന്നതിന് പാന്‍കാര്‍ഡ് നിര്‍ബന്ധമില്ലെന്ന് ബജറ്റ് അവതരണത്തിനിടെ വെളളിയാഴ്ചയാണ് കേന്ദ്രധനമന്ത്രി നിര്‍മ്മല സീതാരാമന്‍ പ്രഖ്യാപിച്ചത്. നികുതി ഇടപാടുകള്‍ കൂടുതല്‍ സുതാര്യവും ലളിതവുമാക്കി മാറ്റാനുളള നടപടിയുടെ ഭാഗമായിരുന്നു ഈ തീരുമാനം.

English summary

adhaar can be used for cash transactions beyond 50,000 rupees in place of pancard

adhaar can be used for cash transactions beyond 50,000 rupees in place of pancard
Company Search
Thousands of Goodreturn readers receive our evening newsletter.
Have you subscribed?
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more
X