ഇന്ത്യയിലെ വാഹന വിപണി 21 വർഷത്തിനിടയിലെ ഏറ്റവും വലിയ തകർച്ചയിൽ

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

ഓഗസ്റ്റിൽ ഇന്ത്യയിലെ വാഹന വിൽപ്പന ഏറ്റവും വലിയ തകർച്ചയിൽ. പാസഞ്ചർ വാഹനങ്ങൾ, ഇരുചക്രവാഹനങ്ങൾ എന്നിവയുൾപ്പെടെ എല്ലാ മേഖലകളിലെയും വാഹന വിൽപ്പനയിൽ വൻ ഇടിവാണ് രേഖപ്പെടുത്തിയിരിക്കുന്നത്. 1997-98 കാലഘട്ടത്തിൽ സൊസൈറ്റി ഓഫ് ഇന്ത്യൻ ഓട്ടോമൊബൈൽ മാനുഫാക്ചറേഴ്സ് (സിയാം) മൊത്ത വാഹന വിൽപ്പന ഡാറ്റ രേഖപ്പെടുത്താൻ തുടങ്ങിയതിനുശേഷം രാജ്യത്തെ മൊത്തത്തിലുള്ള വാഹന വിൽപ്പനയിലെ ഏറ്റവും വലിയ ഇടിവാണ് ഇപ്പോൾ രേഖപ്പെടുത്തിയിരിക്കുന്നതെന്ന് റിപ്പോർട്ടുകൾ.

കണക്കുകൾ ഇങ്ങനെ
 

കണക്കുകൾ ഇങ്ങനെ

സിയാം പുറത്തുവിട്ട കണക്കുകൾ പ്രകാരം പാസഞ്ചർ വെഹിക്കിൾസ് (പിവി), ഇരുചക്ര, വാണിജ്യ വാഹനങ്ങൾ (സിവി) എന്നിവയുൾപ്പെടെയുള്ള വാഹന വിൽപ്പന കഴിഞ്ഞ മാസം 18,21,490 യൂണിറ്റായിരുന്നു. 2018 ഓഗസ്റ്റിൽ ഇത് 23,82,436 യൂണിറ്റായിരുന്നു. 23.55 ശതമാനത്തിന്റെ കുറവാണുണ്ടായിരിക്കുന്നത്. ജൂലൈയിൽ മൊത്ത വാഹന വിൽപ്പനയിൽ 19 വർഷത്തിനിടയിലെ കുത്തനെയുള്ള ഇടിവ് രേഖപ്പെടുത്തി. കഴിഞ്ഞ മാസം 18.71 ശതമാനം ഇടിഞ്ഞ് 18,25,148 യൂണിറ്റായി. 2018 ജൂലൈയിൽ ഇത് 22,45,223 യൂണിറ്റായിരുന്നു.

മോശം പ്രകടനം

മോശം പ്രകടനം

ആഭ്യന്തര പിവി വിൽപ്പന ഓഗസ്റ്റിലെ ഏറ്റവും മോശം ഇടിവാണ് രേഖപ്പെടുത്തിയത്. മുൻ‌ വർഷത്തെ 2,87,198 ൽ നിന്ന് 31.57 ശതമാനം ഇടിഞ്ഞ് 1,96,524 യൂണിറ്റായി. ഓഗസ്റ്റിൽ പിവി വിൽപ്പനയിലുണ്ടായ ഇടിവ് തുടർച്ചയായ പത്താം മാസത്തെ ഇടിവാണ്. എല്ലാ വാഹന വിഭാഗങ്ങളും

കഴിഞ്ഞ മാസത്തിൽ വിൽപ്പനയിൽ ഇടിവാണ് രേഖപ്പെടുത്തിയത്.

വായ്പയെടുത്ത് കാർ വാങ്ങിയവർക്ക് ആശ്വാസം; എസ്ബിഐ തിരിച്ചടവ് കാലാവധി നീട്ടി

കമ്പനികളുടെ നഷ്ടം

കമ്പനികളുടെ നഷ്ടം

പാസഞ്ചർ വെഹിക്കിൾസ് വിഭാഗത്തിൽ വിപണിയിലെ പ്രമുഖരായ മരുതി സുസുക്കി ഇന്ത്യ 36.14 ശതമാനം ഇടിഞ്ഞ് 93,173 യൂണിറ്റിലെത്തി. ഹ്യൂണ്ടായ് മോട്ടോർ ഇന്ത്യ ലിമിറ്റഡും (എച്ച്എം‌എൽ) 16.58 ശതമാനം ഇടിഞ്ഞ് 38,205 യൂണിറ്റായി ചുരുങ്ങി. മഹീന്ദ്ര ആൻഡ് മഹീന്ദ്ര 31.58 ശതമാനം ഇടിഞ്ഞ് 13,504 യൂണിറ്റിലെത്തി. ചെന്നൈ ആസ്ഥാനമായുള്ള ടിവിഎസ് മോട്ടോർസിന്റെ വിൽപ്പന 20.37 ശതമാനം ഇടിഞ്ഞ് 2,19,528 യൂണിറ്റായി.

ഇന്ത്യയിൽ പെട്രോൾ, ഡീസൽ വാഹനങ്ങൾ നിരോധിക്കും!! എന്ന് മുതൽ?

ഇരുചക്രവാഹന വിൽപ്പന

ഇരുചക്രവാഹന വിൽപ്പന

കഴിഞ്ഞ മാസം മൊത്തം ഇരുചക്രവാഹന വിൽപ്പന 22.24 ശതമാനം ഇടിഞ്ഞ് 15,14,196 യൂണിറ്റിലെത്തിയിരുന്നു. കഴിഞ്ഞ വർഷം ഇത് 19,47,304 യൂണിറ്റായിരുന്നു. വാണിജ്യ വാഹന വിൽപ്പന 38.71 ശതമാനം ഇടിഞ്ഞ് 51,897 യൂണിറ്റിലെത്തി. 2018 ഓഗസ്റ്റിൽ ഇത് 84,668 യൂണിറ്റായിരുന്നു. കഴിഞ്ഞ മാസം മോട്ടോർ സൈക്കിൾ വിൽപ്പന 22.33 ശതമാനം ഇടിഞ്ഞ് 9,37,486 യൂണിറ്റായി. കഴിഞ്ഞ വർഷം ഇത് 12,07,005 യൂണിറ്റായിരുന്നു. സ്കൂട്ടർ വിൽപ്പന 22.19 ശതമാനം ഇടിഞ്ഞ് 5,20,898 യൂണിറ്റായി. കഴിഞ്ഞ ഓഗസ്റ്റിൽ ഇത് 6,69,416 യൂണിറ്റായിരുന്നു. മൊത്തം ഇരുചക്ര വാഹന ചില്ലറ വിൽപ്പന 3.4 ശതമാനം ഇടിഞ്ഞ് 12,42,452 യൂണിറ്റായി. മുൻ‌വർഷം ഇത് 12,86,176 യൂണിറ്റായിരുന്നു.

വാഹന ഉടമകൾക്ക് മുട്ടൻ പണി വരുന്നു; രജിസ്ട്രേഷൻ, പുതുക്കൽ നിരക്കുകൾ ഇനി ഇങ്ങനെ

ജിഎസ്ടി കുറയ്ക്കൽ

ജിഎസ്ടി കുറയ്ക്കൽ

വിൽപ്പനയിൽ കനത്ത ഇടിവുണ്ടായതോടെ, വാഹന, ഘടക നിർമ്മാതാക്കൾ വാഹനങ്ങളുടെ ജിഎസ്ടി വെട്ടിക്കുറയ്ക്കാൻ സർക്കാരിനോട് ആവശ്യപ്പെട്ടിട്ടുണ്ട്. നിലവിലെ ജിഎസ്ടിയായ 28 ശതമാനത്തിൽ നിന്ന് 18 ശതമാനമായി കുറയ്ക്കാനാണ് ആവശ്യപ്പെട്ടിരിക്കുന്നത്. കനത്ത മാന്ദ്യത്തിൽ നിന്ന് ഈ മേഖലയെ പുറത്തു കൊണ്ടുവരാൻ ജിഎസ്ടി വെട്ടിക്കുറയ്ക്കൽ സഹായിക്കുമെന്നാണ് ഇവരുടെ പ്രതീക്ഷ. അടുത്ത ജിഎസ്ടി കൗൺസിൽ യോഗം സെപ്റ്റംബർ 20 ന് ഗോവയിൽ നടക്കും.

malayalam.goodreturns.in

English summary

ഇന്ത്യയിലെ വാഹന വിപണി 21 വർഷത്തിനിടയിലെ ഏറ്റവും വലിയ തകർച്ചയിൽ

India's auto sales fell in August including passenger vehicles and two-wheelers, declined sharply. Read in malayalam.
Story first published: Monday, September 9, 2019, 15:35 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more