വീട്ടു ചിലവുകള്‍ കൂടും, പണപ്പെരുപ്പം കഴിഞ്ഞ 10 മാസത്തെ ഏറ്റവും ഉയര്‍ന്ന നിലയില്‍

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

പണപ്പെരുപ്പം രാജ്യത്ത് പിടിമുറുക്കുന്നതായി സൂചന. ഗാര്‍ഹിക ഉപകരണങ്ങള്‍, ഇന്ധനം, ഭക്ഷണ സാധനങ്ങള്‍ തുടങ്ങിയവയുടെ ചില്ലറ നിരക്ക് ഓഗസ്റ്റില്‍ കുത്തനെ വര്‍ധിച്ചു. റിപ്പോര്‍ട്ടുകള്‍ പ്രകാരം കഴിഞ്ഞ പത്തു മാസത്തിനിടെയുള്ള ഏറ്റവും ഉയര്‍ന്ന ചില്ലറ നിരക്ക് വര്‍ധനവായിരിക്കും ഓഗസ്റ്റിലേത്. ജൂലായില്‍ 3.15 ശതമാനമായിരുന്നു ഉപഭോക്തൃ വില സൂചിക. ഓഗസ്റ്റ് മാസം ഇത് 3.23 ശതമാനത്തില്‍ എത്തിയെന്ന് കൊഡാക്ക് ഇന്‍സ്റ്റിറ്റിയൂഷണല്‍ ഇക്വിറ്റീസ് റിസര്‍ച്ച് പറയുന്നു.

കഴിഞ്ഞമാസത്തെ ചില്ലറ പണപ്പെരുപ്പ നിരക്ക് 3.35 ശതമാനം തൊട്ടെന്നും റിപ്പോര്‍ട്ട് അടിവരയിടുന്നുണ്ട്. നേരത്തെ, ജൂണിനെ അപേക്ഷിച്ച് ജൂലായില്‍ ചില്ലറ പണപ്പെരുപ്പ നിരക്ക് നാമമാത്രമായ കുറവ് രേഖപ്പെടുത്തിയിരുന്നു. എന്തായാലും നിലവിലെ സാഹചര്യത്തില്‍ പണപ്പെരുപ്പ് നിരക്ക് നാലു ശതമാനത്തില്‍ താഴെതന്നെ തുടരും.

 

ജൂലായില്‍ വ്യാവസായിക ഉത്പാദനം 2.3 ശതമാനം വളര്‍ച്ച കുറിച്ചെന്നാണ് കൊഡാക്ക് റിപ്പോര്‍ട്ട് പ്രവചിക്കുന്നത്. ജൂണില്‍ ഇത് രണ്ടു ശതമാനമായിരുന്നു വളര്‍ച്ച. 2018 ജൂണില്‍ ഏഴു ശതമാനം കുറിച്ച വ്യവസായിക ഉത്പാദന സൂചിക ഈ വര്‍ഷം രണ്ടു ശതമാനത്തിലേക്ക് കൂപ്പുകുത്തുകയാണുണ്ടായത്. ഖനന, ഉത്പാദന മേഖലകളിലെ പ്രതിസന്ധിയാണ് ഉത്പാദന സൂചിക ഇത്രയേറെ ഇടിയാന്‍ കാരണം.

വീട്ടു ചിലവുകള്‍ കൂടും, പണപ്പെരുപ്പം കഴിഞ്ഞ 10 മാസത്തെ ഏറ്റവും ഉയര്‍ന്ന നിലയില്‍

പ്രാഥമിക ചരക്കുകളുടെ ഉത്പാദനം കേവലം 0.5 ശതമാനം മാത്രമാണ് ജൂണില്‍ വര്‍ധിച്ചത്. മുന്‍വര്‍ഷം ഇതേ കാലയളവില്‍ 9.2 ശതമാനമായിരുന്നു വളര്‍ച്ച. ഇതേസമയം, നിര്‍മ്മാണാവശ്യങ്ങള്‍ക്കുള്ള ചരക്കുകളുടെ ഉത്പാദനം ജൂണില്‍ 1.8 ശതമാനം കീഴ്‌പ്പോട്ടു പോയി. മൂലധന ചരക്കുകളുടെ കാര്യത്തിലും ചിത്രമിതുതന്നെ.

നടപ്പു സാമ്പത്തികവര്‍ഷം ആദ്യപാദത്തെ കണക്കുകള്‍ പുറത്തുവരുമ്പോള്‍ ഇന്ത്യയുടെ ആഭ്യന്തര വളര്‍ച്ച കഴിഞ്ഞ ആറു വര്‍ഷത്തെ ഏറ്റവും കുറഞ്ഞ നിരക്കാണ് രേഖപ്പെടുത്തുന്നത്. നിര്‍മ്മാണ, കാര്‍ഷിക, ഉത്പാദന മേഖലകളിലെ അനിശ്ചിതത്വം ഇന്ത്യയുടെ വളര്‍ച്ചാ നിരക്ക് കുറയാനുള്ള കാരണങ്ങളാണ്.

English summary

പണപ്പെരുപ്പം കഴിഞ്ഞ 10 മാസത്തെ ഏറ്റവും ഉയര്‍ന്ന നിലയില്‍

Inflation Seen At 10-Month High In August. Read in Malayalam.
Story first published: Wednesday, September 11, 2019, 10:52 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more