ഐപിഒയിൽ നിക്ഷേപം നടത്തുന്നതിന് മുൻപ് ഇക്കാര്യങ്ങൾ അറിഞ്ഞിരിക്കാം

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

ഓഹരി വിപണിയിൽ നിക്ഷേപത്തിന് ഒരുങ്ങുകയാണോ നിങ്ങൾ? എങ്കിൽ അതിന് ഏറ്റവും അനുയോജ്യമായ സമയം അടുത്തുകൊണ്ടിരിക്കുകയാണ്. ആയിര കണക്കിന് കോടിയുടെ ഓഹരി സമാഹരിക്കാൻ ലക്ഷ്യമിട്ട് നിരവധി കമ്പനികളാണ് വരും ദിവസങ്ങളിൽ വിപണിയിലെത്താൻ പോകുന്നത്. 55,000 കോടി രൂപ ലക്ഷ്യമിട്ട് 30 കമ്പനികൾ ഇതിനോടകം സെബിയിൽ രജിസ്ട്രേഷൻ അടക്കം പൂർത്തിയാക്കി കഴിഞ്ഞു. ഇനി പത്ത് കമ്പനികൾകൂടി സെബിയിൽ പേപ്പർ ജോലികൾ തീർക്കുവാൻ കാത്തുനിൽക്കുന്നു. ഇവരുടെ ലക്ഷ്യം 25,000 കോടി രൂപയാണ്.

 
ഐപിഒയിൽ നിക്ഷേപം നടത്തുന്നതിന് മുൻപ് ഇക്കാര്യങ്ങൾ അറിഞ്ഞിരിക്കാം

ഇനി നിക്ഷേപകരുടെ ഊഴമാണ്. കൃത്യമായ തയാറെടുപ്പുകൾ നിങ്ങളും നടത്തേണ്ടതുണ്ട്. കണക്ക് കൂട്ടിയും കിഴിച്ചും നോക്കി ശരിയായ ഓഹരി സ്വന്തമാക്കാം. എപ്പോഴും പറയുന്നതുപോലെ ഓഹരി വിപണിയിലെ റിസ്ക്കുകളെ മുന്നിൽകണ്ടുകൊണ്ട് വേണം നിക്ഷേപം നടത്താൻ. ഐപിഒ പൂരത്തിന് മുൻപ് നിങ്ങൾ അറിഞ്ഞിരിക്കേണ്ട കാര്യങ്ങൾ...

ഐപിഒ നടത്തുമ്പോള്‍ തന്നെ വാങ്ങിയാല്‍ വന്‍ ലാഭം കിട്ടുമെന്ന ധാരണയൊന്നും വേണ്ട. നിക്ഷേപകര്‍ ആദ്യം തന്നെ ഐപിഒ നടത്തുന്ന കമ്പനികള്‍ സെബിയില്‍ സമര്‍പ്പിക്കുന്ന ഡിആര്‍എച്ച്പി പരിശോധിക്കുക. അതില്‍ നിന്ന് കമ്പനിയുടെ മാനേജ്‌മെന്റിന്റെ ചിത്രം ലഭിക്കും. അവരുടെ പ്രവര്‍ത്തന പാരമ്പര്യം മനസ്സിലാകും. യോഗ്യത അറിയാന്‍ പറ്റും. മാത്രമല്ല, ആ ബിസിനസിന്റെ സാധ്യതയും റിസ്‌കും ഇതില്‍ നിന്ന് വായിച്ച് മനസ്സിലാക്കാന്‍ പറ്റും.

ഭാവിയിലെ സാധ്യതയും റിസ്‌കും അറിയുക. അങ്ങേയറ്റം വെല്ലുവിളികള്‍ നിറഞ്ഞ സാഹചര്യമാണിപ്പോള്‍. അതുകൊണ്ട് ഐപിഒ നടത്തുന്ന കമ്പനികളുടെ മേഖലയിലെ സാഹചര്യങ്ങള്‍, അവരുടെ എതിരാളികള്‍, ഐപിഒ നടത്തുന്ന കമ്പനിയുടെ ഉല്‍പ്പന്നങ്ങള്‍/ സേവനങ്ങള്‍ എന്നിവ എതിരാളികളുടേതിനേക്കാള്‍ എങ്ങനെ മികച്ചു നില്‍ക്കുന്നു, കമ്പനിയുടെ ഭാവി സാധ്യതകള്‍ എന്നിവയെല്ലാം പരിഗണിച്ചശേഷം വേണം നിക്ഷേപം നടത്താന്‍.

സാമ്പത്തിക നില നോക്കുക. ഓരോ വര്‍ഷവും കമ്പനിയുടെ ബിസിനസും വരുമാനവും വര്‍ധിക്കുന്നുണ്ടോയെന്ന് പരിശോധിക്കുക. മാത്രമല്ല, ആ രംഗത്തെ ഇതര കമ്പനികളുമായി താരതമ്യം ചെയ്യുമ്പോള്‍ നല്ല പ്രകടനമല്ലെങ്കില്‍ ഐപിഒയില്‍ ചാടി വീഴേണ്ട. കാരണം ആ കമ്പനി ഒരു അണ്ടര്‍പെര്‍ഫോര്‍മറാകും.

ഓരോ ഐപിഒയ്ക്കും ക്വാളിഫൈഡ് ഇന്‍സ്റ്റിറ്റിയൂഷണല്‍ ബയേഴ്‌സിന്റെ ഭാഗത്തുനിന്നുള്ള പ്രതികരണം എന്താണെന്ന് നോക്കണം. അവര്‍ ഓരോ കമ്പനിയെയും കുറിച്ച് ഗൗരവമായി പഠിക്കാതെ നിക്ഷേപം നടത്തില്ല. നിക്ഷേപക സ്ഥാപനങ്ങളില്‍ നിന്ന് തണുത്ത പ്രതികരണമാണെങ്കില്‍ സാധാരണ നിക്ഷേപകര്‍ ഓടിപ്പിടിച്ച് നിക്ഷേപിക്കാന്‍ പോകേണ്ടതില്ല. അതല്ല നിക്ഷേപക സ്ഥാപനങ്ങളില്‍ നിന്ന് വളരെ മികച്ച പ്രതികരണമാണെങ്കില്‍ കമ്പനിക്ക് സാധ്യതയുണ്ടെന്ന അനുമാനത്തില്‍ എത്തിപ്പെടാം.

Read more about: ipo
English summary

All you need know about before investing in IPO

All you need know about before investing in IPO
Story first published: Sunday, July 11, 2021, 21:16 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X