ആക്സിസ് ബാങ്ക് സിഎഫ്ഒ ജയറാം ശ്രീധരൻ രാജിവച്ചു

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

ആക്സിസ് ബാങ്ക് ഗ്രൂപ്പ് എക്സിക്യൂട്ടീവ്, ചീഫ് ഫിനാൻഷ്യൽ ഓഫീസറുമായ (സിഎഫ്ഒ) ജയറാം ശ്രീധരൻ രാജിവച്ചു. മറ്റ് തൊഴിൽ അവസരങ്ങൾ നേടുന്നതിന് വേണ്ടിയാണ് അദ്ദേഹം ബാങ്കിന്റെ സേവനങ്ങളിൽ നിന്ന് രാജിവച്ചതെന്ന് ആക്സിസ് ബാങ്ക് പ്രസ്താവനയിൽ അറിയിച്ചു. ശ്രീധരൻ മൂന്ന് മാസത്തെ നോട്ടീസ് കാലയളവിൽ ബാങ്കിന്റെ ഗ്രൂപ്പ് എക്സിക്യൂട്ടീവ്, ചീഫ് ഫിനാൻഷ്യൽ ഓഫീസർ സ്ഥാനത്ത് തന്നെ തുടരുമെന്നും ആക്സിസ് ബാങ്ക് കൂട്ടിച്ചേർത്തു.

 

ജയറാം ശ്രീധരന് പകരക്കാരനെ കണ്ടെത്തുന്നതിനായുള്ള നടപടികൾ സ്വീകരിച്ചതായും ബാങ്ക് വ്യക്തമാക്കി. ഗ്രൂപ്പ് എക്സിക്യൂട്ടീവ്, ചീഫ് ഫിനാൻഷ്യൽ ഓഫീസർ എന്നീ നിലകളിൽ ജയറാം ശ്രീധരൻ നൽകിയ വിലമതിക്കാനാവാത്ത സംഭാവനകളെക്കുറിച്ചും ബാങ്ക് പ്രസ്താവനയിൽ രേഖപ്പെടുത്തി. ഭാവിയിൽ അദ്ദേഹത്തിന് ഏറ്റവും മികച്ചത് നേരുന്നുവെന്ന് ആക്സിസ് ബാങ്ക് പ്രസ്താവനയിൽ പറഞ്ഞു.

റിസർവ് ബാങ്കിൽ ചീഫ് ഫിനാൻഷ്യൽ ഓഫീസർ ഒഴിവ്

ആക്സിസ് ബാങ്ക് സിഎഫ്ഒ ജയറാം ശ്രീധരൻ രാജിവച്ചു

റിച്ച്മണ്ട് ആസ്ഥാനമായുള്ള ഉപഭോക്തൃ ബാങ്കായ ക്യാപിറ്റൽ വൺ ഫിനാൻഷ്യൽയിൽ നിന്ന് 2010 ജൂണിലാണ് അദ്ദേഹം ആക്സിസ് ബാങ്കിൽ ജോലിയിൽ പ്രവേശിക്കുന്നത്. മുമ്പ് ഐസിഐസിഐ ബാങ്കിലും പ്രവർത്തിച്ചിട്ടുണ്ട്. ബാങ്കിംഗ്, ധനകാര്യ സേവന മേഖലയിൽ രണ്ട് പതിറ്റാണ്ടോളം പരിചയ സമ്പത്തുള്ള ജയറാം ശ്രീധരനെ 2015 ഒക്ടോബറിലാണ് ആക്സിസ് ബാങ്ക് നിലവിലെ സ്ഥാനത്തേക്ക് ഉയർത്തിയത്.

തുടക്കത്തിൽ ആക്സിസ് ബാങ്കിലെ റീട്ടെയിൽ വായ്പ, പേയ്‌മെന്റ് വിഭാഗം പ്രസിഡന്റായിരുന്നു അദ്ദേഹം. ഐഐടി ഡൽഹിയിൽ നിന്ന് ബിരുദവും ഐ‌ഐ‌എം കൊൽക്കത്തയിൽ നിന്ന് ബിരുദാനന്തര ബിരുദവുമാണ് ഇദ്ദേഹം നേടിയിട്ടുള്ളത്.

കിടിലന്‍ നേട്ടവുമായി ആക്സിസ് ബാങ്ക്; ഒന്നാം പാദത്തില്‍ ബാങ്കിലേക്ക് ഒഴുകിയെത്തിയത് 1,370 കോടി രൂപ

English summary

ആക്സിസ് ബാങ്ക് സിഎഫ്ഒ ജയറാം ശ്രീധരൻ രാജിവച്ചു

Axis Bank Group Executive and Chief Financial Officer (CFO) Jairam Sreedharan has resigned. Read in malayalam.
Story first published: Saturday, December 7, 2019, 9:51 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X