ഡിസംബര്‍ പാദത്തില്‍ കുതിച്ചുച്ചാട്ടം നടത്തി ബജാജ് ഓട്ടോ; അറ്റാദായം 30 ശതമാനം വര്‍ധിച്ചു

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts
Read more about: bajaj

രാജ്യത്തെ പ്രമുഖ ഇരുചക്ര വാഹന നിര്‍മാതാക്കളായ ബജാജ് ഓട്ടോ ഡിസംബര്‍ പാദത്തിലെ സാമ്പത്തിക ഫലം പുറത്തുവിട്ടു. ഒക്ടോബര്‍ - ഡിസംബര്‍ കാലയളവില്‍ കമ്പനിയുടെ അറ്റാദായം 29.7 ശതമാനം വര്‍ധിച്ച് 1,716.26 കോടി രൂപ രേഖപ്പെടുത്തി. മുന്‍വര്‍ഷം ഇതേകാലത്ത് 1,322.4 കോടി രൂപയായിരുന്നു അറ്റാദായം. സെപ്തംബര്‍ പാദത്തിലെ കണക്കുമായി താരതമ്യം ചെയ്താല്‍ 43.74 ശതമാനം വര്‍ധനവ് ഡിസംബറില്‍ കമ്പനി കയ്യടക്കിയത് കാണാം. സെപ്തംബര്‍ പാദത്തില്‍ 1,193.97 കോടി രൂപയായിരുന്നു കമ്പനി കുറിച്ച അറ്റാദായം.

 

വരുമാനത്തിന്റെ കാര്യത്തിലും ബജാജ് ഓട്ടോ കുതിച്ചുച്ചാട്ടം നടത്തി. 8,909.88 കോടി രൂപയാണ് കമ്പനിയുടെ മൊത്തം വരുമാനം; വാര്‍ഷികാടിസ്ഥാനത്തിലുള്ള വളര്‍ച്ച 16.62 ശതമാനം. മുന്‍ സാമ്പത്തികവര്‍ഷം ഡിസംബര്‍ പാദത്തില്‍ 7,639.66 കോടി രൂപയായിരുന്നു ഇത്.

ഡിസംബര്‍ പാദത്തില്‍ കുതിച്ചുച്ചാട്ടം നടത്തി ബജാജ് ഓട്ടോ; അറ്റാദായം 30 ശതമാനം വര്‍ധിച്ചു

പലിശ, നികുതി, മൂല്യത്തകര്‍ച്ച എന്നിവയ്ക്ക് മുന്‍പുള്ള കമ്പനിയുടെ പ്രവര്‍ത്തന വരുമാനം 26.5 ശതമാനം വര്‍ധനവോടെ 1,730 കോടി രൂപയിലാണ് എത്തിനില്‍ക്കുന്നത്. ഇതേസമയം, മാര്‍ജിന്‍ 150 ബേസിസ് പോയിന്റ് കൂടി 19.4 ശതമാനത്തിലെത്തി. കാര്യക്ഷമമായ പ്രവര്‍ത്തനവും മികവാര്‍ന്ന ഉത്പന്നനിരയുമാണ് മാര്‍ജിനെ സ്വാധീനിച്ചതെന്ന് ബജാജ് ഓട്ടോ ഔദ്യോഗിക പ്രസ്താവനയില്‍ അറിയിച്ചു.

2020 ഡിസംബര്‍ 31 വരെയുള്ള കണക്കു പ്രകാരം കമ്പനിയുടെ മിച്ചം പണം 16,891 കോടി രൂപ തൊട്ടിട്ടുണ്ട്. സെപ്തംബര്‍ പാദത്തില്‍ ഇത് 16,240 കോടി രൂപയും മാര്‍ച്ച് പാദത്തില്‍ 14,322 കോടി രൂപയുമായിരുന്നു.

വില്‍പ്പനയുടെ കാര്യമെടുത്താല്‍ ഡിസംബര്‍ പാദത്തില്‍ 13.06 ലക്ഷം വാഹന യൂണിറ്റുകളാണ് കമ്പനി വിറ്റത്. ഇതില്‍ 6.19 ലക്ഷം ആഭ്യന്തര വിപണിയിലും 6.87 ലക്ഷം യൂണിറ്റുകള്‍ വിദേശ വിപണികളിലും കമ്പനിയെത്തിച്ചു. മുന്‍ സാമ്പത്തികവര്‍ഷം ഇതേ കാലത്ത് 12.02 ലക്ഷം യൂണിറ്റായിരുന്നു കമ്പനിയുടെ വില്‍പ്പന.

കണ്ടെയ്‌നറുകളുടെ ലഭ്യതക്കുറവുണ്ടായിട്ടും എക്കാലത്തേയും ഉയര്‍ന്ന കയറ്റുമതി വില്‍പ്പനയാണ് പോയപാദത്തില്‍ കുറിച്ചതെന്ന് ബജാജ് ഓട്ടോ വ്യക്തമാക്കി. കഴിഞ്ഞ ത്രൈമാസ പാദത്തിലെ വില്‍പ്പന മുന്‍നിര്‍ത്തി ആഭ്യന്തര ഇരുചക്ര വാഹന വിപണിയില്‍ ബജാജ് ഓട്ടോയുടെ വിഹിതം 17.5 ശതമാനത്തില്‍ നിന്നും 18.6 ശതമാനമായി ഉയര്‍ന്നതും കാണാം.

English summary

Bajaj Auto Q3 Results: Net Profit Increases 30 Per Cent To Rs 1,716 Crore

Bajaj Auto Q3 Results: Net Profit Increases 30 Per Cent To Rs 1,716 Crore. Read in Malayalam.
Story first published: Thursday, January 21, 2021, 19:22 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X