കാര്‍ വിപണിയില്‍ രാജാവായി മാരുതി, നിലമെച്ചപ്പെടുത്തി മഹീന്ദ്ര — ഡിസംബര്‍ വില്‍പ്പന അറിയാം

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

ഇന്ത്യന്‍ കാര്‍ വിപണിയിലെ കഷ്ടകാലം പതിയെ മായുകയാണ്. കൊവിഡും സാമ്പത്തിക മാന്ദ്യവും പിടിച്ചുകുലുക്കിയെങ്കിലും പോയവര്‍ഷം അവസാനകാലത്ത് വിപണി ഉണര്‍ന്നു. ഡിസംബറില്‍ ഭേദപ്പെട്ട മുന്നേറ്റമാണ് കാര്‍ നിര്‍മ്മാതാക്കളെല്ലാം കാഴ്ച്ചവെച്ചത്. വില്‍പ്പന കണക്കുകള്‍ പരിശോധിച്ചാല്‍ പതിവുപോലെ മാരുതി സുസുക്കി കിരീടമില്ലാത്ത രാജാവായി വിപണിയില്‍ തുടരുന്നത് കാണാം. ഡിസംബറില്‍ 1.40 ലക്ഷം കാറുകള്‍ (കൃത്യമായി പറഞ്ഞാല്‍ 1,40,754 യൂണിറ്റ്) കമ്പനി ഇന്ത്യയില്‍ വിറ്റു.

 

കാര്‍ വിപണിയില്‍ രാജാവായി മാരുതി, നിലമെച്ചപ്പെടുത്തി മഹീന്ദ്ര — ഡിസംബര്‍ വില്‍പ്പന അറിയാം

നിലവില്‍ പ്രതിമാസം ഒരു ലക്ഷം യൂണിറ്റിന് മുകളില്‍ വില്‍പ്പനയുള്ള മറ്റൊരു കാര്‍ നിര്‍മ്മാതാവ് രാജ്യത്തില്ല. വര്‍ഷാവര്‍ഷവും മാസാമാസവുമുള്ള കണക്കുകളില്‍ മാരുതി യഥാക്രമം പതിനഞ്ചും നാലും ശതമാനം വളര്‍ച്ച രേഖപ്പെടുത്തി. ഇതേസമയം, കമ്പനിയുടെ വിപണി വിഹിതം ഒരല്‍പ്പം കുറഞ്ഞെന്ന കാര്യം ഇവിടെ പ്രത്യേകം പരാമര്‍ശിക്കണം. 2019 നവംബറില്‍ 52.3 ശതമാനം വിപണി വിഹിതം കയ്യേറിയിരുന്ന മാരുതിയുടെ ഇപ്പോഴത്തെ പങ്ക് 50.9 ശതമാനമാണ്.

മാരുതി കഴിഞ്ഞാല്‍ ദക്ഷിണ കൊറിയന്‍ കമ്പനിയായ ഹ്യുണ്ടായിയാണ് ഇന്ത്യയില്‍ ഏറ്റവുമധികം കാറുകള്‍ വില്‍ക്കുന്നത്. പോയമാസം 47,400 കാര്‍ യൂണിറ്റുകള്‍ ഇവര്‍ വിറ്റു. നവംബറില്‍ 48,800 യൂണിറ്റുകളുടെ വില്‍പ്പനയായിരുന്നു കമ്പനി രേഖപ്പെടുത്തിയത്. ഇക്കാരണത്താല്‍ മാസാമാസമുള്ള കണക്കില്‍ ഹ്യുണ്ടായി 3 ശതമാനം പിന്നിലായി. എന്തായാലും വര്‍ഷാവര്‍ഷമുള്ള കണക്ക് വിലയിരുത്തിയാല്‍ 25 ശതമാനം വര്‍ധനവ് ഹ്യുണ്ടായിക്കുണ്ട്. 2019 ഡിസംബറില്‍ 37,953 കാറുകളായിരുന്നു കമ്പനി വിറ്റത്. കഴിഞ്ഞ നവംബറില്‍ ഹ്യുണ്ടായിയുടെ വിപണി വിഹിതം 16.2 ശതമാനത്തില്‍ നിന്നും 17.1 ശതമാനമായി ഉയരുകയും ചെയ്തു.

ടാറ്റയാണ് വില്‍പ്പനപ്പട്ടികയില്‍ മൂന്നാമത്. 23,546 ടാറ്റ കാറുകള്‍ ഡിസംബറില്‍ രാജ്യത്ത് വിറ്റുപോയി. മാസാമാസമുള്ള വളര്‍ച്ച 9 ശതമാനം; വര്‍ഷാവര്‍ഷമുള്ള വളര്‍ച്ചയാകട്ടെ 84 ശതമാനവും. കഴിഞ്ഞ നവംബറിലെ കണക്കുകളില്‍ 5.4 ശതമാനം വിപണി വിഹിതമാണ് ടാറ്റയ്ക്കുള്ളത്. 2019 നവംബറില്‍ 8.5 ശതമാനം പങ്ക് ടാറ്റയ്ക്കുണ്ടായിരുന്നു.

ഡിസംബര്‍ വില്‍പ്പനയില്‍ കിയ മോട്ടോര്‍സിനെ പിന്നിലാക്കി മഹീന്ദ്ര നാലാം സ്ഥാനം നേടിയെടുത്തത് കാണാം. പോയമാസം 16,182 കാറുകള്‍ മഹീന്ദ്ര വിറ്റു. അഞ്ചാം സ്ഥാനം അലങ്കരിക്കുന്ന കിയ 11,818 യൂണിറ്റുകളാണ് ഡിസംബറില്‍ ഇന്ത്യയില്‍ വിറ്റത്. നിലവില്‍ രാജ്യത്തെ കാര്‍ വിപണിയില്‍ 4.3 ശതമാനം വിഹിതം കിയക്കുണ്ട്. റെനോ (9,800 യൂണിറ്റ്), ഹോണ്ട (8,638 യൂണിറ്റ്), ടൊയോട്ട (7,487 യൂണിറ്റ്), എംജി മോട്ടോര്‍ (4,010 യൂണിറ്റ്) എന്നിവരാണ് ആദ്യ പത്തിലുള്ള മറ്റു കമ്പനികള്‍.

English summary

Car Sales December 2020: Maruti Asserts Dominance, Mahindra Surpasses Kia Motors

Car Sales December 2020: Maruti Asserts Dominance, Mahindra Surpasses Kia Motors. Read in Malayalam.
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X