കാര്‍ വില്‍പ്പന: ടാറ്റയ്ക്കും മാരുതിക്കും നിലതെറ്റി, പ്രതിസന്ധി രൂക്ഷം

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

വാഹന നിര്‍മ്മാതാക്കളുടെ കഷ്ടകാലം തീരുന്നില്ല. ഫെബ്രുവരി മാസത്തിലും കാര്‍ വില്‍പ്പന നിലതെറ്റി. പോയമാസം 2.3 ശതമാനം ഇടിവാണ് മാരുതി സുസുക്കി നേരിട്ടത്. ജനുവരിയില്‍ നിലമെച്ചപ്പെടുത്തിയതിന് ശേഷമായിരുന്നു കമ്പനിയുടെ വീഴ്ച്ച. ഇതേസമയം, ആള്‍ട്ടോയും പുതിയ എസ്-പ്രെസ്സോയും മാരുതിയെ കാര്യമായി തുണച്ചു. ഇരു മോഡലുകളുടെയും പിന്‍ബലത്തില്‍ 11.1 ശതമാനം വളര്‍ച്ചയാണ് ചെറുകാര്‍ ശ്രേണിയില്‍ കമ്പനി കയ്യടക്കിയത്.

 

കൈ പൊള്ളി

എന്നാല്‍ പ്രചാരമേറിയ വാഗണ്‍ആര്‍, സ്വിഫ്റ്റ്, ബലെനോ, ഡിസൈര്‍ മോഡലുകളില്‍ മാരുതിക്ക് കൈ പൊള്ളി. ഈ കാറുകളുടെ വില്‍പ്പനയില്‍ 3.9 ശതമാനം കുറവാണ് ഇന്ത്യന്‍ നിര്‍മ്മാതാക്കള്‍ നേരിട്ടത്. 2019 ഫെബ്രുവരിയില്‍ 72,678 യൂണിറ്റുകള്‍ വിറ്റിടത്ത് 69,828 യൂണിറ്റുകള്‍ വില്‍ക്കാനേ മാരുതിക്ക് പോയമാസം കഴിഞ്ഞുള്ളൂ.

സിയാസ് ചതിച്ചു

എന്തായാലും യൂട്ടിലിറ്റി വാഹനങ്ങളുടെ കാര്യത്തില്‍ കമ്പനിക്ക് ഒരല്‍പ്പം ആശ്വസിക്കാം. എര്‍ട്ടിഗ, എസ്-ക്രോസ്, വിറ്റാര ബ്രെസ്സ, XL6 മോഡലുകള്‍ ചേര്‍ന്ന് 3.5 ശതമാനം വളര്‍ച്ച മാരുതിക്ക് സമ്മാനിച്ചിട്ടുണ്ട്. യൂട്ടിലിറ്റി ശ്രേണിയില്‍ വില്‍പ്പന 21,894 യൂണിറ്റുകളില്‍ നിന്നും 22,604 യൂണിറ്റുകളായി ഉയര്‍ന്നു. പ്രീമിയം ഫ്‌ളാഗ്ഷിപ്പ് സെഡാന്‍, സിയാസാണ് മാരുതിയെ പിറകോട്ടു വലിച്ച മറ്റൊരു അവതാരം.

ഹ്യുണ്ടായിക്കും വീഴ്ച്

2,544 സിയാസ് യൂണിറ്റുകള്‍ മാത്രമാണ് ഫെബ്രുവരിയില്‍ മാരുതി വിറ്റത്. മുന്‍വര്‍ഷം സിയാസ് വില്‍പ്പന 3,084 യൂണിറ്റ് തൊട്ടിരുന്നു. ഇടിവ് 17.5 ശതമാനം. ഹ്യുണ്ടായിയുടെ കാര്യവും പ്രതിസന്ധിയില്‍ത്തന്നെ. 7.5 ശതമാനം തകര്‍ച്ചയോടെയാണ് ദക്ഷിണകൊറിയന്‍ നിര്‍മ്മാതാക്കള്‍ ഫെബ്രുവരി പിന്നിട്ടത്. കഴിഞ്ഞമാസം 40,010 യൂണിറ്റുകളേ ഹ്യുണ്ടായി ഇന്ത്യന്‍ വിപണിയില്‍ എത്തിച്ചുള്ളൂ. മുന്‍വര്‍ഷം ഇതേകാലയളവില്‍ 43,110 കാറുകള്‍ കമ്പനി വിറ്റിരുന്നു.

Most Read: സീനിയർ സിറ്റിസൺ സേവിംഗ്‌സ് സ്‌കീമിൽ നിക്ഷേപിച്ചാൽ — അറിയണം ഇക്കാരൃങ്ങൾ

ടാറ്റയ്ക്കും തകർച്ച

ടാറ്റ മോട്ടോര്‍സാണ് വാഹന വിപണിയില്‍ നിലംപതിച്ച അടുത്ത നിര്‍മ്മാതാവ്. വില്‍പ്പനയില്‍ 31 ശതമാനം ഇടിവാണ് ടാറ്റയ്ക്ക് സംഭവിച്ചത്. 18,110 യൂണിറ്റുകളില്‍ നിന്നും 12,430 യൂണിറ്റുകളായി കമ്പനിയുടെ വില്‍പ്പന ചുരുങ്ങി. നെക്‌സോണ്‍, ടിയാഗൊ, ടിഗോര്‍ മോഡലുകളുടെ ബിഎസ് VI പതിപ്പ് അവതരിപ്പിച്ചിട്ട് കൂടിയാണ് ടാറ്റയ്ക്ക് ഈ ഗതി.

ഹോണ്ടയുടെ ചിത്രം

Most Read: നെറ്റ്ഫ്ലിക്സ് ഇനി വെറും അഞ്ച് രൂപയ്ക്ക്, പ്ലാനിനെക്കുറിച്ച് നിങ്ങൾ അറിയേണ്ട കാര്യങ്ങൾ

പതിവുപോലെ തകര്‍ച്ചയുടെ പടിവാതില്‍ക്കല്‍ ഹോണ്ടയെയും കാണാം. ഫെബ്രുവരി കണക്കുകളില്‍ 46.26 ശതമാനം തകര്‍ച്ച ഹോണ്ട നേരിടുന്നുണ്ട്. കമ്പനിയുടെ വില്‍പ്പന 13,527 യൂണിറ്റുകളില്‍ നിന്നും 7,269 യൂണിറ്റുകളിലേക്ക് പരിമിതപ്പെട്ടു.

Read more about: sales maruti suzuki tata motors
English summary

കാര്‍ വില്‍പ്പന: ടാറ്റയ്ക്കും മാരുതിക്കും നിലതെറ്റി, പ്രതിസന്ധി രൂക്ഷം

February Car Sales. Read in Malayalam.
Story first published: Monday, March 2, 2020, 17:00 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X