ഉയർന്ന ക്രെഡിറ്റ് സ്കോർ ഉണ്ടായിരുന്നിട്ടും നിങ്ങൾക്ക് വായ്പ ലഭിച്ചില്ലേ? ഇതാകാം കാരണം

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

നിങ്ങൾ വായ്പയ്ക്ക് അപേക്ഷിക്കുമ്പോൾ വായ്പ അംഗീകരിക്കുന്നതിന് മുമ്പായി അപേക്ഷകൻ മുഴുവൻ പലിശയോടെ സമയബന്ധിതമായി വായ്പ തിരിച്ചടയ്ക്കാൻ കഴിയുമോ എന്ന് ബാങ്കുകൾ വിലയിരുത്തും. ക്രെഡിറ്റ് സ്കോർ വായ്പ യോഗ്യതയുടെ ഒരു പ്രാഥമിക സൂചകമാണ്. കാരണം ഇത് ഒരു അപേക്ഷകന്റെ മുമ്പത്തെ വായ്പകൾ എങ്ങനെ തിരിച്ചടച്ചു എന്നതിന്റെ വ്യക്തമായ സൂചനകൾ നൽകുന്നു. ചിലപ്പോൾ, ഉയർന്ന ക്രെഡിറ്റ് സ്കോർ ഉണ്ടായിരുന്നിട്ടും, ചില വ്യക്തിയുടെ വായ്പാ അപേക്ഷ നിരസിക്കപ്പെടാറുണ്ട്. ഇതിന് പിന്നിലെ കാരണങ്ങൾ പരിശോധിക്കാം.

പ്രതിമാസ വരുമാനം
 

പ്രതിമാസ വരുമാനം

വായ്പാ അപേക്ഷയിലെ ഏറ്റവും പ്രധാനപ്പെട്ട മാനദണ്ഡമാണിത്. വായ്പ അപേക്ഷകന്റെ പ്രതിമാസ വരുമാനം, വരുമാന സ്രോതസിന്റെ സ്ഥിരത, ആശ്രിതരുടെ എണ്ണം എന്നിവ കണക്കിലെടുത്ത് അപേക്ഷകന്റെ തിരിച്ചടവ് ശേഷി വിലയിരുത്തും. നിങ്ങളുടെ ക്രെഡിറ്റ് സ്കോർ ഉയർന്നതാണെങ്കിൽ പോലും സ്ഥിരമായ പ്രതിമാസ വരുമാനമില്ലെങ്കിൽ നിങ്ങളുടെ വായ്പാ അപേക്ഷ നിരസിക്കാനുള്ള സാധ്യതയുണ്ട്. പ്രതിമാസ വരുമാനം കുറവാണെങ്കിലും അപേക്ഷ നിരസിച്ചേക്കാം.

ലോണെടുത്ത് കാ‌‍ർ വാങ്ങാം, കാർ ലോണിന് ഏറ്റവും കുറഞ്ഞ പലിശ നിരക്ക് ഈ ബാങ്കുകളിൽ

വരുമാന ഇഎംഐ അനുപാതം

വരുമാന ഇഎംഐ അനുപാതം

വായ്പാ അപേക്ഷ അംഗീകരിക്കുമ്പോൾ ബാങ്കുകൾ പരിഗണിക്കുന്ന മറ്റൊരു വശമാണിത്. ഒരു വായ്പക്കാരന്റെ നിലവിലുള്ള ഇഎംഐ തിരിച്ചടവ് തുക അവരുടെ പ്രതിമാസ ശമ്പളത്തിന്റെ 50 ശതമാനത്തിൽ താഴെയാണെങ്കിൽ പുതിയ വായ്പ അംഗീകാരത്തിനുള്ള സാധ്യത കൂടുതലാണ്. നിങ്ങളുടെ പ്രതിമാസ വരുമാനത്തിന്റെ 50% അല്ലെങ്കിൽ അതിൽ കൂടുതലുള്ള ഇഎംഐ നിങ്ങൾ ഇതിനകം അടയ്ക്കുകയാണെങ്കിൽ, ഉയർന്ന ക്രെഡിറ്റ് സ്കോർ ഉണ്ടെങ്കിലും പുതിയ വായ്പാ അപേക്ഷ നിരസിക്കപ്പെടാം.

വായ്‌പയ്‌ക്ക് അപേക്ഷിക്കാൻ പ്ലാനുണ്ടോ? അതിന് മുൻപ് സൗജന്യമായി കെഡിറ്റ് സ്‌കോർ പരിശോധിച്ചാലോ?

പ്രായം

പ്രായം

വായ്പ അംഗീകാരത്തിന്റെ മറ്റൊരു പ്രധാന ഘടകം കടം വാങ്ങുന്നയാളുടെ പ്രായമാണ്. ഒരു വ്യക്തിയുടെ സാമ്പത്തിക സ്ഥിരതയും വായ്പാ കാലാവധിയും നിർണ്ണയിക്കാൻ പ്രായം കണക്കാക്കുന്നു. ഉയർന്ന പ്രായമുള്ളവർക്ക് (60 വയസ്സിനു മുകളിൽ) വ്യക്തികൾക്ക് വായ്പയ്ക്ക് അംഗീകാരം ലഭിക്കുന്നില്ല. ചില സമയങ്ങളിൽ വിരമിക്കൽ പ്രായം അടുക്കുന്ന ആളുകൾക്ക് 15-25 വർഷത്തെ കാലാവധിയോടെ 50 ലക്ഷം രൂപയ്ക്ക് മുകളിലുള്ള ഭവനവായ്പയോ മറ്റ് വായ്പയോ എടുക്കാൻ കഴിയില്ല, കാരണം വിരമിച്ചുകഴിഞ്ഞാൽ തങ്ങൾക്ക് ഇഎംഐ അടയ്ക്കാനാവില്ലെന്ന് ബാങ്കുകൾ കരുതുന്നു.

വായ്പ ലഭിക്കൽ ഇനി അത്ര എളുപ്പമല്ല, ബാങ്കുകൾ വായ്പ മാനദണ്ഡങ്ങൾ കർശനമാക്കു

ജോലി പരിചയവും പതിവ് തൊഴിൽ മാറ്റങ്ങളും

ജോലി പരിചയവും പതിവ് തൊഴിൽ മാറ്റങ്ങളും

മിക്ക ബാങ്കുകളും വായ്പക്കാർക്ക് കുറഞ്ഞത് രണ്ട് വർഷത്തെ പ്രവൃത്തി പരിചയം ആവശ്യപ്പെടുന്നു. നിങ്ങളുടെ കരിയർ ആരംഭിച്ച് രണ്ട് വർഷത്തെ പ്രവൃത്തി പരിചയം പോലും ഇല്ലെങ്കിൽ, നിങ്ങളുടെ വായ്പാ അപേക്ഷ നിരസിക്കാനുള്ള സാധ്യത വളരെ കൂടുതലാണ്. പതിവ് തൊഴിൽ മാറ്റങ്ങൾ പലപ്പോഴും അസ്ഥിരമായ ഒരു കരിയറിന്റെ അടയാളമായി കണക്കാക്കപ്പെടുന്നു. അതിനാൽ അത്തരം വ്യക്തികളെ ക്രെഡിറ്റ് യോഗ്യത കുറഞ്ഞവരായി കണക്കാക്കുന്നു.

English summary

Did you not get a loan despite having a high credit score? This may be the reason ഉയർന്ന ക്രെഡിറ്റ് സ്കോർ ഉണ്ടായിരുന്നിട്ടും നിങ്ങൾക്ക് വായ്പ ലഭിച്ചില്ലേ? ഇതാകാം കാരണം

Banks will assess whether the applicant can repay the loan on time with full interest before approving the loan when you apply for the loan. Read in malayalam.
Story first published: Wednesday, September 16, 2020, 15:15 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X