ഇപിഎഫ് പിന്‍വലിക്കുന്നതില്‍ നിയന്ത്രണം വരുന്നു; പലിശ നിരക്കില്‍ മാറ്റമുണ്ടായേക്കില്ല

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

ദില്ലി: എംപ്ലോയിസ് പ്രൊവിഡന്റ് ഫണ്ടില്‍ നിന്നുള്ള പിന്‍വലിക്കലില്‍ ചില നിയന്ത്രണങ്ങള്‍ വന്നേക്കും. പെന്‍ഷന്‍ ഫണ്ടില്‍ നിന്നുള്ള പണം വേഗത്തില്‍ പിന്‍വലിക്കാന്‍ ഇനി സാധിച്ചേക്കില്ല. ഇത് സംബന്ധിച്ച് ശ്രീനഗറില്‍ ചേരുന്ന ഇപിഎഫ്ഒ ട്രസ്റ്റീസ് യോഗം തീരുമാനമെടുത്തേക്കും. കൂടാതെ ഈ വര്‍ഷത്തെ പലിശ നിരക്ക് നിജപ്പെടുത്തുകയും ചെയ്യുമെന്നാണ് വിവരം. പുതിയ തൊഴില്‍ ചട്ടത്തിന് കീഴിലാണ് മാറ്റങ്ങള്‍ വരുത്താന്‍ നീക്കം നടക്കുന്നത്. തുടര്‍ച്ചയായി പിഎഫ് ഫണ്ട് പിന്‍വലിക്കുന്നത് തടയുക എന്ന ഉദ്ദേശവുമുണ്ട്.

 

ഇപിഎഫ് പിന്‍വലിക്കുന്നതില്‍ നിയന്ത്രണം വരുന്നു; പലിശ നിരക്കില്‍ മാറ്റമുണ്ടായേക്കില്ല

പിഎഫ് അംഗങ്ങളുടെ പെന്‍ഷന്‍ തുക ഉയര്‍ത്തുകയാണ് സര്‍ക്കാരിന്റെ ലക്ഷ്യമെന്ന് ബന്ധപ്പെട്ടവര്‍ പറയുന്നു. ജോലിയില്‍ നിന്ന് ഒഴിഞ്ഞാല്‍ രണ്ടു മാസം കഴിഞ്ഞാല്‍ പെന്‍ഷന്‍ ഫണ്ട് പിന്‍വലിക്കാമെന്നാണ് നിലവിലുള്ള രീതി. ഇത് രണ്ടു വര്‍ഷം വരെ പിന്‍വലിക്കാന്‍ സാധിക്കില്ല എന്ന തരത്തിലേക്ക് മാറ്റാനാണ് ആലോചന. പുതിയതായി അംഗങ്ങളാകുന്നവര്‍ക്ക് പ്രത്യേക പെന്‍ഷന്‍ അക്കൗണ്ടുകള്‍ ഒരുക്കുന്നത് സംബന്ധിച്ച ചര്‍ച്ചകളും നടക്കുന്നുണ്ട്. ഇവര്‍ക്ക് പുതിയ ഫോര്‍മുല അടിസ്ഥാനമാക്കിയാകും പെന്‍ഷന്‍ ഫണ്ടിലേക്ക് പണം മാറ്റിവെക്കുക.

പവന് 520 രൂപ കുറഞ്ഞു; സ്വര്‍ണം മാര്‍ച്ചിലെ ഏറ്റവും കുറഞ്ഞ നിരക്കില്‍

ജോലി മാറുമ്പോള്‍ പെന്‍ഷന്‍ ഫണ്ട് പിന്‍വലിക്കുന്ന രീതിയാണ് ഇപ്പോഴുള്ളത്. അതാകട്ടെ, പെന്‍ഷന്‍ ലഭിക്കുന്ന വേളയില്‍ കുറഞ്ഞ തുക മാത്രം കിട്ടാന്‍ കാരണമാകും. അതേസമയം, ജോലിയില്ലാതെ രണ്ടു വര്‍ഷത്തെ ഇടവേളയുണ്ടെങ്കില്‍ മാത്രമേ പെന്‍ഷന്‍ ഫണ്ട് പിന്‍വലിക്കാന്‍ അനുവദിക്കൂ എന്നാണ് വരാന്‍ പോകുന്ന പുതിയ രീതി. ഇത് സംബന്ധിച്ച് ഉടന്‍ ഔദ്യോഗിക തീരുമാനമെടുക്കും.

അതേസമയം, നടപ്പു സാമ്പത്തിക വര്‍ഷത്തേക്കുള്ള ഇപിഎഫ് പലിശ നിരക്ക് ഇന്ന് പ്രഖ്യാപിക്കും. 8.3 ശതമാനത്തിനും 8.5 നുമിടയിലാകുമെന്നാണ് സൂചന. പിഎഫ് സെന്‍ട്രല്‍ ബോര്‍ഡ് ട്രസ്റ്റീസ് യോഗമാണ് തീരുമാനമെടുക്കുക. ഇപിഎഫിന്റെ സാമ്പത്തിക ഭദ്രത പരിശോധിച്ച ശേഷമാകും തീരുമാനം. കഴിഞ്ഞ സാമ്പത്തിക വര്‍ഷം 8.5 ശതമാനമായിരുന്നു പലിശ നിരക്ക്. അതു തുടര്‍ന്നേക്കുമെന്ന വിവരങ്ങളും പുറത്തുവരുന്നുണ്ട്.

English summary

EPFO mulls Pension Fund Withdrawal restriction for Members

EPFO mulls Pension Fund Withdrawal restriction for Members
Story first published: Thursday, March 4, 2021, 12:49 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X