പ്രവര്‍ത്തന ലാഭം ഉയര്‍ത്തി ഫെഡറല്‍ ബാങ്ക്; ആദ്യ പാദത്തില്‍ 22 ശതമാനം വര്‍ദ്ധന

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

ദില്ലി: സാമ്പത്തിക വര്‍ഷത്തെ ആദ്യ പാദത്തില്‍ വമ്പന്‍ പ്രവര്‍ത്തന ലാഭവുമായി ഫെഡറല്‍ ബാങ്ക്. 1,135 കോടി രൂപ ബാങ്കിന്റെ ആദ്യ പാദത്തിലെ പ്രവര്‍ത്തന ലാഭം. ഇതിന് മുമ്പത്തെ സാമ്പത്തിക വര്‍ഷത്തില്‍ 932.38 കോടി രൂപയായിരുന്നു പ്രവര്‍ത്തന ലാഭം. ഈ വര്‍ഷം 22 ശതമാനമാണ് വര്‍ദ്ധിച്ചത്. എന്നാല്‍ നിഷ്‌ക്രിയ ആസ്തി നേരിടാനുള്ള നീക്കിയിരിപ്പ് കൂടിയതിനാല്‍ അറ്റാദായം 8.4% കുറഞ്ഞ് 367.29 കോടി രൂപയായി. മുന്‍ വര്‍ഷം ഇതേ പാദത്തില്‍ 400.77 കോടിയായിരുന്നു അറ്റാദായം.

 
പ്രവര്‍ത്തന ലാഭം ഉയര്‍ത്തി ഫെഡറല്‍ ബാങ്ക്; ആദ്യ പാദത്തില്‍ 22 ശതമാനം വര്‍ദ്ധന

അതേസമയം, ബാങ്കിന്റെ മൊത്തം വരുമാനം 4005.86 കോടിയായി ഉയര്‍ന്നിട്ടുണ്ട്. മൊത്തം കിട്ടാക്കടം മൊത്തം വായ്പകളുടെ 3.50% ആണ്. ഏപ്രില്‍ജൂണ്‍ പാദത്തിലെ കിട്ടാക്കടം 1.23%. ഇതിനായുള്ള നീക്കിയിരിപ്പ് 641.83 കോടിയാണ്. മൊത്തം ബിസിനസ് 2,99,158.36 കോടി രൂപയിലെത്തി; 8.30 % വളര്‍ച്ച. അറ്റ പലിശ വരുമാനം 9.41% വര്‍ധിച്ച് 1,418 കോടി രൂപയായി. കൊവിഡ് കാലത്തെ വെല്ലുവിളിയിലാണ് ബാങ്കിന്റെ ഈ നേട്ടം.

ബാങ്കിന്റെ ഈ നേട്ടത്തില്‍ പ്രതികരിച്ച് മാനേജിങ് ഡയറക്ടറും സിഇഒയുമായ ശ്യാം ശ്രീനിവാസന്‍ രംഗത്തെത്തി. വലിയ വെല്ലുവിളികള്‍ നിറഞ്ഞ സാമ്പത്തിക കാലാവസ്ഥയിലാണ് ചരിത്രത്തിലെ ഏറ്റവും ഉയര്‍ന്ന ത്രൈമാസ പ്രവര്‍ത്തന ലാഭം നേടാന്‍ സാധിച്ചതെന്ന് അദ്ദേഹം പറഞ്ഞു. ഇന്ത്യയിലേക്കുള്ള വ്യക്തിഗത റെമിറ്റന്‍സിന്റെ 18.20 ശതമാനം ഫെഡറല്‍ ബാങ്ക് വഴിയാണ് എന്നത് പ്രവാസികള്‍ക്കു തങ്ങളോടുള്ള താല്‍പര്യത്തിന്റെ മികച്ച ഉദാഹരണമാണെന്നും അദ്ദേഹം വ്യക്തമാക്കി.

English summary

Federal Bank has reported an operating profit of Rs 1,135 crore in first quarter of current fiscal

Federal Bank has reported an operating profit of Rs 1,135 crore in first quarter of current fiscal
Story first published: Saturday, July 24, 2021, 20:39 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X