2019ലെ ലോകത്തിലെ ഏറ്റവും ശക്തരായ 100 വനിതകളിൽ ധനമന്ത്രി നിർമ്മല സീതാരാമനും

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

ഫോബ്‌സ് പുറത്തിറക്കിയ 2019ലെ ലോകത്തിലെ ഏറ്റവും ശക്തരായ 100 വനിതകളുടെ പട്ടികയിൽ ഇന്ത്യൻ ധനമന്ത്രി നിർമ്മല സീതാരാമനും. ബയോകോൺ മേധാവി കിരൺ മസുദാർ ഷാ, എച്ച്സിഎൽ എന്റർപ്രൈസ് സിഇഒയും എക്സിക്യൂട്ടീവ് ഡയറക്ടറുമായ റോഷ്നി നാടർ മൽഹോത്ര, ലാൻഡ്മാർക്ക് ഗ്രൂപ്പ് സിഇഒ രേണുക ജഗ്തിയാനി എന്നിവരാണ് പട്ടികയിൽ ഉൾപ്പെട്ടിട്ടുള്ള മറ്റ് ഇന്ത്യൻ വനിതകൾ.

ഏറ്റവും പ്രായം കുറഞ്ഞ വനിത
 

ഏറ്റവും പ്രായം കുറഞ്ഞ വനിത

പരിസ്ഥിതി പ്രവർത്തകയായ ഗ്രെറ്റ തൻ‌ബെർഗാണ് 16-ാം വയസ്സിൽ പട്ടികയിൽ ഇടം നേടിയ ഏറ്റവും പ്രായം കുറഞ്ഞ വനിത. വടക്കേ അമേരിക്കയിൽ നിന്നുള്ളവരാണ് പട്ടികയിൽ ഉൾപ്പെട്ടിട്ടുള്ള ഏറ്റവും കൂടുതൽ വനിതകൾ. 50 ൽ അധികം പേർ ഇവിടെ നിന്നുള്ളവരാണ്. ഏഷ്യ പസഫിക് മേഖലയിൽ നിന്ന് 21 പേർ, യൂറോപ്പിൽ നിന്ന് 18 പേർ, യുകെയിൽ നിന്ന് 5 പേർ, മിഡിൽ ഈസ്റ്റിൽ നിന്ന് 3, ലാറ്റിൻ അമേരിക്കയിൽ നിന്ന് 2 പേർ, ആഫ്രിക്കയിൽ ഒന്ന് ഒരാൾ എന്നിങ്ങനെയാണ് ഫോബ്സ് പട്ടികയിൽ ഇടം നേടിയിരിക്കുന്നത്.

പുതുമുഖങ്ങൾ

പുതുമുഖങ്ങൾ

ധനമന്ത്രി നിർമ്മല സീതാരാമൻ ഉൾപ്പെടെയുള്ള 23 സ്ത്രീകൾ പട്ടികയിൽ ആദ്യമായി ഇടം നേടിയവരാണ്. പട്ടികയിൽ ഉൾപ്പെട്ട നാല് ഇന്ത്യൻ വനിതകളിൽ മുൻ നിരയിലുള്ളത് സീതാരാമനാണ്. 34-ാം സ്ഥാനമാണ് സീതാരാമന്റേത്. ബിസിനസ്, ടെക്നോളജി, ഫിനാൻസ്, മീഡിയ, വിനോദം, രാഷ്ട്രീയം, നയം, ജീവകാരുണ്യം എന്നീ ആറ് വിഭാഗങ്ങളിൽ ഉൾപ്പെട്ടിട്ടുള്ളവരാണ് പട്ടികയിലുള്ള ഏറ്റവും ശക്തരായ സ്ത്രീകൾ.

ഇന്ത്യയിലെ നികുതി പീഡനം ഉടൻ അവസാനിപ്പിക്കും; നിർമ്മല സീതാരാമന്റെ ഉറപ്പ്

കിരൺ മസുംദാർ ഷാ

കിരൺ മസുംദാർ ഷാ

ബയോകോൺ മേധാവി കിരൺ മസുംദാർ ഷാ പട്ടികയിൽ 65-ാം സ്ഥാനത്താണ്. ലോകത്തിലെ ഏറ്റവും ശക്തരായ 100 സ്ത്രീകളിൽ ഉൾപ്പെടുകയും ആഗോള ആരോഗ്യ സംരക്ഷണത്തിൽ സ്വാധീനം ചെലുത്തിയ വ്യക്തിയായി അംഗീകരിക്കപ്പെടുകയും ചെയ്തതിൽ അഭിമാനിക്കുന്നുവെന്ന് കിരൺ മസുംദാർ ഷാ ട്വീറ്റ് ചെയ്തു. 1978 ൽ ഇന്ത്യയിലെ ഏറ്റവും വലിയ ബയോഫാർമസ്യൂട്ടിക്കൽ സ്ഥാപനം സ്ഥാപിച്ച ഇന്ത്യയിലെ ഏറ്റവും ധനികയായ വനിതയാണ് മസൂംദാർ-ഷാ.

റോഷ്നി നാടർ മൽ‌ഹോത്ര

റോഷ്നി നാടർ മൽ‌ഹോത്ര

എച്ച്‌സി‌എൽ കോർപ്പറേഷൻ സിഇഒ റോഷ്നി നാടർ മൽ‌ഹോത്രയ്ക്ക് പട്ടികയിൽ 54-ാം സ്ഥാനമാണുള്ളത്. എച്ച്സി‌എൽ ടെക്നോളജീസിന്റെ വൈസ് ചെയർപേഴ്‌സൺ കൂടിയാണ് ഇവർ. 8.9 ബില്യൺ ഡോളർ ടെക്നോളജി കമ്പനിയുടെ എല്ലാ തന്ത്രപരമായ തീരുമാനങ്ങളിലും റോഷ്നി നാടർ മൽ‌ഹോത്രയുടെ സ്വാധീനമുണ്ട്. ഇന്ത്യയിലെ ചില മികച്ച കോളേജുകളും സ്കൂളുകളും സ്ഥാപിച്ച ശിവ്നാദർ ഫൌണ്ടേഷന്റെ ട്രസ്റ്റി കൂടിയാണ് ഇവർ.

പെൺമക്കൾക്ക് പിതാവിന്റെ സ്വത്തിൽ തുല്യ അവകാശം ചോദിക്കാമോ? എപ്പോൾ? എങ്ങനെ?

രേണുക ജഗ്തിയാനി

രേണുക ജഗ്തിയാനി

പട്ടികയിൽ ഉൾപ്പെട്ട മറ്റൊരു ഇന്ത്യൻ വനിത രേണുക ജഗ്തിയാനിയാണ്. ദുബായ് ആസ്ഥാനമായി പ്രവർത്തിക്കുന്ന മൾട്ടി നാഷണൽ കൺസ്യൂമർ കമ്പനിയായ ലാൻഡ്‌മാർക്ക് ഗ്രൂപ്പിന്റെ ചെയർമാനും സിഇഒയുമായ ജഗ്തിയാനി പട്ടികയിൽ 96-ാം സ്ഥാനത്താണ്. ഭർത്താവ് മിക്കി ജഗ്തിയാനിയാണ് ലാൻഡ്മാർക്ക് ഗ്രൂപ്പ് സ്ഥാപിച്ചത്. 20 വർഷത്തിലേറെയായി, കമ്പനിയുടെ കോർപ്പറേറ്റ് തന്ത്രത്തിനും വിപുലീകരണത്തിനും

രേണുക ജഗ്തിയാനി നേതൃത്വം നൽകി വരുന്നു. കമ്പനിയുടെ മേധാവിയെന്ന നിലയിൽ 50,000 ത്തിലധികം ജീവനക്കാരുടെ മേൽനോട്ടം ജഗ്തിയാനിയാണ് വഹിക്കുന്നത്.

ആദ്യ 10 പേർ

ആദ്യ 10 പേർ

ജർമ്മൻ ചാൻസലർ ആഞ്ചല മെർക്കലാണ് പട്ടികയിൽ ഒന്നാമതെത്തിയത്. ക്രിസ്റ്റിൻ ലഗാർഡ് (2), നാൻസി പെലോസി (3), ഉർസുല വോൺ ഡെർ ലെയ്ൻ (4), മേരി ബാർറ (5), മെലിൻഡ ഗേറ്റ്സ് (6), അബിഗയിൽ ജോൺസൺ (7), അന പട്രീഷ്യ ബോട്ടിൻ (8), ജിന്നി റോമെട്ടി (9), മാരിലിൻ ഹ്യൂസൺ (10) എന്നിവരാണ് ആദ്യ പത്ത് പേരുടെ ലിസ്റ്റിൽ ഇടം നേടിവർ.

ഇന്ദ്ര നൂയി, ലോകത്തിലെ ഏറ്റവും ശക്തയായ വനിതയുടെ നിങ്ങൾക്കറിയാത്ത അഞ്ച് വിജയരഹസ്യങ്ങൾ

English summary

2019ലെ ലോകത്തിലെ ഏറ്റവും ശക്തരായ 100 വനിതകളിൽ ധനമന്ത്രി നിർമ്മല സീതാരാമനും

India's Finance Minister Nirmala Sitharaman has been named as one of the world's 100 Most Powerful Women by Forbes 2019. Read in malayalam
Story first published: Friday, December 13, 2019, 12:08 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more
X