ചിത്രം മാറുന്നില്ല, ജിഡിപി എസ്റ്റിമേറ്റും 5 ശതമാനം

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

രാജ്യം അഭിമുഖീകരിക്കുന്ന സാമ്പത്തിക മാന്ദ്യം മുന്‍നിര്‍ത്തി ജിഡിപി, ദേശീയ വരുമാനം എന്നിവയുടെ ആദ്യ മുന്‍കൂര്‍ എസ്റ്റിമേറ്റ് കണക്കുകള്‍ കേന്ദ്ര സര്‍ക്കാര്‍ പുറത്തുവിട്ടു. സ്റ്റാറ്റിസ്റ്റിക്‌സ് മന്ത്രാലയം നല്‍കിയ വിവരം പ്രകാരം നടപ്പു സാമ്പത്തിക വര്‍ഷം ഇന്ത്യയുടെ മൊത്ത ആഭ്യന്തര ഉത്പാദന (ജിഡിപി) വളര്‍ച്ച അഞ്ചു ശതമാനമായിരിക്കും. വളര്‍ച്ച കണക്കാക്കുന്ന മറ്റൊരു മാനദണ്ഡമായ ഗ്രോസ് വാല്യൂ ആഡഡ് (ജിവിഎ) നിരക്കാകട്ടെ 4.9 ശതമാനത്തിലും എത്തിനില്‍ക്കുന്നു. ഒരു വ്യവസായത്തിലോ മേഖലയിലോ മൊത്തം ഉല്‍പ്പാദിപ്പിച്ച സാധനങ്ങളുടെയും സേവനങ്ങളുടെയും മൂല്യമാണ് ജിവിഎ.

ഉത്പാദന മേഖലയില്‍ സംഭവിച്ച മാന്ദ്യമാണ് ജിഡിപി വളര്‍ച്ച ഇത്രയേറെ ഇടിയാന്‍ കാരണം. 2019-20 സാമ്പത്തിക വര്‍ഷം ഉത്പാദന മേഖലയിലെ വളർച്ച രണ്ടു ശതമാനമായി കൂപ്പുകുത്തുമെന്നാണ് കണക്കാക്കുന്നത്. മുന്‍ സമ്പാത്തിക വര്‍ഷം 6.2 ശതമാനമായിരുന്നു ഉത്പാദന മേഖലയുടെ വളര്‍ച്ച. കാര്‍ഷിക, കെട്ടിട നിര്‍മ്മാണ, വൈദ്യുത, പാചക വാതക, ജലവിതരണ മേഖലകളിലും മാന്ദ്യത്തിന്റെ പ്രതിഫലനം ദൃശ്യമാണ്. ഖനനം, പ്രതിരോധം, പൊതുഭരണം തുടങ്ങിയ മേഖലകള്‍ നാമമാത്രമായ വളര്‍ച്ച രേഖപ്പെടുത്തിയിട്ടുണ്ട്.

ചിത്രം മാറുന്നില്ല, ജിഡിപി എസ്റ്റിമേറ്റും 5 ശതമാനം

 

വ്യവസായിക ഉത്പാദന സൂചിക (ഏപ്രില്‍ - ഒക്ടോബര്‍), തിരഞ്ഞെടുത്ത വ്യവസായ മേഖലകളുടെ സമ്പദ് വളര്‍ച്ച (ആദ്യ രണ്ടു പാദം), കാര്‍ഷിക ഉത്പാദന എസ്റ്റിമേറ്റ്, കേന്ദ്ര-സംസ്ഥാന അക്കൗണ്ടുകള്‍, റെയില്‍വേ വരുമാനം, വാഹന വില്‍പ്പന, കാര്‍ഗോ വരുമാനം തുടങ്ങിയ സൂചികകള്‍ അടിസ്ഥാനപ്പെടുത്തിയാണ് സ്റ്റാറ്റിസ്റ്റിക്‌സ് മന്ത്രാലയത്തിന്റെ ജിഡിപി എസ്റ്റിമേറ്റ്. നടപ്പു സാമ്പത്തികവര്‍ഷം ജൂണ്‍, സെപ്തംബര്‍ ത്രൈമാസ പാദങ്ങള്‍ 5 ശതമാനവും 4.5 ശതമാനവുമാണ് രാജ്യം വളര്‍ച്ച കണ്ടത്. കഴിഞ്ഞ ആറു വർഷത്തിനിടെയുള്ള ഏറ്റവും മന്ദഗതിയിലുള്ള വളർച്ചയാണിതെന്നും ഇവിടെ പ്രത്യേകം പരാമർശിക്കണം.

ചിത്രം മാറുന്നില്ല, ജിഡിപി എസ്റ്റിമേറ്റും 5 ശതമാനം

നേരത്തെ, ഇന്ത്യയുടെ പ്രതീക്ഷിത വളര്‍ച്ചാ നിരക്ക് റിസര്‍വ് ബാങ്ക് വെട്ടിക്കുറച്ചിരുന്നു. 2020 സാമ്പത്തിക വര്‍ഷത്തെ ജിഡിപി വളര്‍ച്ചയില്‍ അഞ്ചു ശതമാനം കുറവാണ് കേന്ദ്ര ബാങ്കും അനുമാനിക്കുന്നത്. മുന്‍പ് 7.4 ശതമാനമായിരുന്നു റിസര്‍വ് ബാങ്ക് പ്രവചിച്ച ഇന്ത്യയുടെ വളര്‍ച്ച. റിസര്‍വ് ബാങ്കിന്് പുറമെ ഗ്ലോബല്‍ റേറ്റിങ് ഏജന്‍സിയായ മൂഡീസും ഇന്ത്യയുടെ പ്രതീക്ഷിത സമ്പദ് വളര്‍ച്ച 5.6 ശതമാനം മാത്രമായി പരിമിതപ്പെടുത്തുകയുണ്ടായി. തൊഴിലില്ലായ്മ വര്‍ധിച്ചതും ഉപഭോക്തൃ ഡിമാന്‍ഡ് ഗണ്യമായി ഇടിഞ്ഞതും രാജ്യത്തിന്റെ വളര്‍ച്ചയെ ബാധിച്ചു. ഇതേസമയം 2020, 2021 വര്‍ഷങ്ങളില്‍ യഥാക്രമം 6.6, 6.7 ശതമാനം നിരക്കില്‍ ഇന്ത്യയുടെ സാമ്പത്തിക വളര്‍ച്ച മൂഡിസ് പ്രവചിച്ചിട്ടുണ്ട്. എന്തായാലും നടപ്പു സാമ്പത്തിക വര്‍ഷം നേരിടുന്ന തിരിച്ചടികള്‍ താത്കാലികം മാത്രമെന്നാണ് കേന്ദ്ര ധനമന്ത്രാലയത്തിന്റെ നിരീക്ഷണം.

Read more about: gdp
English summary

ചിത്രം മാറുന്നില്ല, ജിഡിപി എസ്റ്റിമേറ്റും 5 ശതമാനം

First Advance GDP Estimate At 5 Per Cent. Read in Malayalam.
Company Search
Thousands of Goodreturn readers receive our evening newsletter.
Have you subscribed?
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more
X