ചരിത്രം കുറിച്ച് എച്ച്ഡിഎഫ്‌സി; വിപണി മൂല്യം 8 ലക്ഷം കോടി കവിഞ്ഞു; രാജ്യത്ത് മൂന്നാമത്

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

മുംബൈ: വിപണി മൂല്യത്തിന്റെ കാര്യത്തില്‍ ചരിത്രം സൃഷ്ടിച്ചിരിക്കുകയാണ് സ്വകാര്യ ബാങ്ക് ആയ എച്ച്ഡിഎഫ്‌സി. എട്ട് ലക്ഷം കോടി കവിഞ്ഞിരിക്കുകയാണ് ബാങ്കിന്റെ വിപണി മൂല്യം.

വിപണി മൂല്യത്തിന്റെ കാര്യത്തില്‍ ഇനി രണ്ട് കമ്പനികള്‍ മാത്രമാണ് ഇന്ത്യയില്‍ എച്ച്ഡിഎഫ്‌സിയ്ക്ക് മുന്നിലുള്ളത്- റിലയന്‍സ് ഇന്‍ഡസ്ട്രീസും പിന്നെ ടാറ്റ കണ്‍സള്‍ട്ടന്‍സി സര്‍വ്വീസസ് എന്ന ടിസിഎസ്സും. ഇവര്‍ക്കൊപ്പമെത്താന്‍ എച്ച്ഡിഎഫ്‌സി ഇനിയും ഒരുപാട് മുന്നോട്ട് കുതിക്കണം എന്നത് മറ്റൊരു വസ്തുതയാണ്. വിശദാംശങ്ങള്‍...

എട്ട് ലക്ഷം കോടി
 

എട്ട് ലക്ഷം കോടി

വിപണി മൂല്യം എട്ട് ലക്ഷം കോടി രൂപ മറികടക്കുക എന്നത് ചെറിയൊരു കാര്യമല്ല. എച്ച്ഡിഎഫ്‌സിയുടെ വിപണി മൂല്യം ഇപ്പോള്‍ എത്തിനില്‍ക്കുന്നത് 8.02 ലക്ഷം കോടി രൂപയിലാണ്. വലിയ നേട്ടം തന്നെയാണിത്.

ഓഹരി മൂല്യം ഉയര്‍ന്നപ്പോള്‍

ഓഹരി മൂല്യം ഉയര്‍ന്നപ്പോള്‍

എച്ച്ഡിഎഫ്‌സി ഓഹരികളുടെ മൂല്യം ദിനം പ്രതി ഉയര്‍ന്നുകൊണ്ടിരിക്കുകയാണ്. കഴിഞ്ഞ ദിവസം മൂന്ന് ശതമാനം ആയിരുന്നു വളര്‍ച്ചയെങ്കില്‍ ഇന്നത് രണ്ട് ശതമാനം ആണ്. ബോംബെ സ്‌റ്റോക്ക് എക്‌സ്‌ചേഞ്ചില്‍ എച്ച്ഡിഎഫ്‌സി ഓഹരി വില 1,464 രൂപ വരെ എത്തി. ചരിത്രത്തിലെ ഏറ്റവും ഉയര്‍ന്ന വിലയാണിത്.

ചരിത്രം സൃഷ്ടിച്ചു

ചരിത്രം സൃഷ്ടിച്ചു

ഓഹരി മൂല്യത്തില്‍ വന്‍ വര്‍ദ്ധനയുണ്ടായപ്പോള്‍ വിപണി മൂല്യത്തിലും ചരിത്രം സൃഷ്ടിച്ചിരിക്കുകയാണ് എച്ച്ഡിഎഫ്‌സി ബാങ്ക് ഇപ്പോള്‍. ഈ വര്‍ഷം മാത്രം എച്ച്ഡിഎഫ്‌സിയുടെ ഓഹരികളില്‍ 14 ശതമാനത്തിന്റെ നേട്ടമാണ് ഉണ്ടായിട്ടുള്ളത്.

മികച്ച മുന്നേറ്റം

മികച്ച മുന്നേറ്റം

കൊവിഡ് ബാധ കാര്യമായി ബാധിച്ചിട്ടില്ലാത്ത ബാങ്കുകളില്‍ ഒന്നാണ് എച്ച്ഡിഎഫ്‌സി. ലസാമ്പത്തിക വര്‍ഷത്തിന്റെ സെപ്തംബറില്‍ അവസാനിച്ച പാദത്തില്‍ ബാങ്കിന്റെ അറ്റാദായത്തില്‍ 18 ശതമാനത്തിന്റെ വളര്‍ച്ചയായിരുന്നു ഉണ്ടായിരുന്നത്. ഇതിനൊപ്പം നിഷ്‌ക്രിയ ആസ്തിയില്‍ ഉണ്ടായ കുറവും ബാങ്കിന്റെ മുന്നേറ്റത്തെ സഹായിച്ചിട്ടുണ്ട്.

മുന്നില്‍ ആരൊക്കെ

മുന്നില്‍ ആരൊക്കെ

മാര്‍ക്കറ്റ് ക്യാപിറ്റ (വിപണി മൂല്യം) ലിന്റെ കാര്യത്തില്‍ രാജ്യത്ത് ഒന്നാം സ്ഥാനത്തുള്ളത് മുകേഷ് അംബാനിയുടെ റിലയന്‍സ് ഇന്‍ഡസ്ട്രീസ് ലിമിറ്റഡ് ആണ്. 13.33 ലക്ഷം കോടി രൂപയാണ് ആര്‍ഐഎല്ലിന്റെ വിപണി മൂല്യം കണക്കാക്കുന്നത.

തൊട്ടുമുന്നില്‍ ടിസിഎസ്

തൊട്ടുമുന്നില്‍ ടിസിഎസ്

വിപണി മൂല്യത്തിന്റെ കാര്യത്തില്‍ എച്ച്ഡിഎഫ്‌സി ബാങ്കിന്റെ ഏറ്റവും അടുത്ത എതിരാളി ടാറ്റ കണ്‍സള്‍ട്ടന്‍സി സര്‍വ്വീസസ് (ടിസിഎസ്) ആണ്. നിലവില്‍ 10.22 ലക്ഷം കോടി രൂപയാണ് ടിസിഎസിന്റെ വിപണി മൂല്യം. പത്ത് ലക്ഷം കോടി വിപണി മൂല്യം കടന്ന രണ്ടാമത്തെ ഇന്ത്യന്‍ കമ്പനി കൂടിയാണ് ടിസിഎസ്.

English summary

HDFC crosses 8 lakh crore Market Capital, the third Indian company to achieve this | ചരിത്രം കുറിച്ച് എച്ച്ഡിഎഫ്‌സി; വിപണി മൂല്യം 8 ലക്ഷം കോടി കവിഞ്ഞു; രാജ്യത്ത് മൂന്നാമത്

HDFC crosses 8 lakh crore Market Capital, the third Indian company to achieve this
Story first published: Wednesday, November 25, 2020, 14:04 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X