എച്ച്ഡിഎഫ്‌സിക്ക് പുതിയ പൊന്‍തൂവല്‍; വിപണി മൂല്യം 5 ലക്ഷം കോടി പിന്നിട്ടു

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

രാജ്യത്തെ പ്രമുഖ വായ്പ ദാതാക്കളായ എച്ച്ഡിഎഫ്‌സിയുടെ വിപണി മൂല്യം 5 ലക്ഷം കോടി രൂപ പിന്നിട്ടു. വെള്ളിയാഴ്ച്ച ബോംബെ സ്‌റ്റോക്ക് എക്‌സ്‌ചേഞ്ചില്‍ എച്ച്ഡിഎഫ്‌സി ഓഹരികള്‍ നടത്തിയ മുന്നേറ്റമാണ് കമ്പനിയെ പുതിയ നാഴികക്കല്ലില്‍ എത്തിച്ചത്.

 

ദിവസ വ്യാപാരത്തിനിടെ ഓഹരി വില 2,795.50 രൂപ തൊട്ടതിന് പിന്നാലെ എച്ച്ഡിഎഫ്‌സിയുടെ മൊത്തം വിപണി മൂല്യം 5.03 ലക്ഷം കോടി രൂപയായി വര്‍ധിച്ചു. കഴിഞ്ഞ വര്‍ഷം മാര്‍ച്ചില്‍ കുത്തനെ തകര്‍ന്ന എച്ച്ഡിഎഫ്‌സിയുടെ ഓഹരി വില 11 മാസം കൊണ്ട് പൂര്‍വനിലയിലേക്ക് തിരിച്ചുവന്നത് കാണാം.

പൊൻകിരീടം

നിലവില്‍ 5 ലക്ഷം കോടി രൂപ വിപണി മൂല്യം പിന്നിടുന്ന ആറാമത്തെ ഇന്ത്യന്‍ കമ്പനിയാണ് എച്ച്ഡിഎഫ്‌സി ലിമിറ്റഡ്. റിലയന്‍സ് ഇന്‍ഡസ്ട്രീസ് ലിമിറ്റഡ്, ടാറ്റ കണ്‍സള്‍ട്ടന്‍സി സര്‍വീസസ് ലിമിറ്റഡ്, എച്ച്ഡിഎഫ്‌സി ബാങ്ക് ലിമിറ്റഡ്, ഹിന്ദുസ്താന്‍ യുണിലെവര്‍ ലിമിറ്റഡ്, ഇന്‍ഫോസിസ് ലിമിറ്റഡ് കമ്പനികള്‍ക്ക് ഇതിന് മുന്‍പ് ഈ പൊന്‍കിരീടം സ്വന്തമാക്കിയിട്ടുണ്ട്.

ഒന്നാമത്

പറഞ്ഞുവരുമ്പോള്‍ റിലയന്‍സ് ഇന്‍ഡസ്ട്രീസാണ് ഇന്ത്യയിലെ ഏറ്റവും മൂല്യമേറിയ കമ്പനി. 13.02 ലക്ഷം കോടി രൂപ തൊടും റിലയന്‍സിന്റെ വിപണി മൂല്യം. 12.05 ലക്ഷം കോടി രൂപ വിപണി മൂല്യവുമായി ടാറ്റ കണ്‍സള്‍ട്ടന്‍സി സര്‍വീസസ് റിലയന്‍സിന് തൊട്ടുപിന്നില്‍ അണിനിരക്കുന്നു. 8.75 ലക്ഷം കോടി രൂപയാണ് മൂന്നാം സ്ഥാനത്തുള്ള എച്ച്ഡിഎഫ്‌സി ബാങ്കിന്റെ വിപണി മൂല്യം.

ഡിസംബർ പാദം

നേരത്തെ, ഡിസംബര്‍ പാദത്തില്‍ 2,930 കോടി രൂപയാണ് എച്ച്ഡിഎഫ്‌സി അറ്റാദായം കുറിച്ചത്. കൃത്യം ഒരു വര്‍ഷം മുന്‍പുള്ള കണക്ക് പരിശോധിച്ചാല്‍ 65 ശതമാനം ഇടിവ് കമ്പനിക്ക് ലാഭത്തില്‍ സംഭവിച്ചു. ഇതേസമയം, എച്ച്ഡിഎഫ്‌സിയുടെ മൊത്തം പലിശ വരുമാനവും പ്രവര്‍ത്തന വരുമാനവും കഴിഞ്ഞ ത്രൈമാസപാദം കൂടി. 25 ശതമാനം വര്‍ധനവോടെ 4,000 കോടി രൂപയിലാണ് കമ്പനിയുടെ മൊത്തം പലിശ വരുമാനം എത്തിനില്‍ക്കുന്നത്. എച്ച്ഡിഎഫ്‌സിയുടെ പ്രവര്‍ത്തന വരുമാനം 29 ശതമാനം വര്‍ധിച്ച് 4,190 രൂപയിലുമെത്തി.

വായ്പ കൂടി

വായ്പകളുടെ കാര്യത്തിലും എച്ച്ഡിഎഫ്‌സി 9.3 ശതമാനം വളര്‍ച്ച കുറിച്ചിട്ടുണ്ട്. 4.7 ലക്ഷം കോടി രൂപയാണ് വായ്പാ ഇനത്തില്‍ കമ്പനി കയ്യടക്കുന്നത്. വ്യക്തിഗത വായ്പ 10.5 ശതമാനവും വ്യക്തിയിതര വായ്പ 8 ശതമാനവും കൂടി. മാനേജ്‌മെന്റിന് കീഴിലുള്ള മൊത്തം ആസ്തിയിലും 9.3 ശതമാനം വര്‍ധനവ് കാണാം.

ഇന്ത്യയില്‍ വ്യക്തിഗത ഭവന വായ്പാ മേഖല ഉണര്‍ന്ന സാഹചര്യമാണ് ഇപ്പോള്‍. കുറഞ്ഞ പലിശ നിരക്കും സ്ഥലവിലയിലെ തിരുത്തലുകളും ഭവന വായ്പകളുടെ ഡിമാന്‍ഡ് പതിയെ കൂട്ടുന്നു. ഇതേസമയം, നിര്‍മാണത്തിലിരിക്കുന്ന പദ്ധതികള്‍ വൈകുന്നതും ലോക്ക്ഡൗണിനെത്തുടര്‍ന്ന് മന്ദഗതിയിലായ വില്‍പ്പനയും ഭവന വായ്പകളുടെ പ്രചാരത്തിന് ചെറിയ വെല്ലുവിളി ഉയര്‍ത്തുന്നുണ്ട്. ഈ സ്ഥിതിവിശേഷം എച്ച്ഡിഎഫ്‌സിയുടെ ബിസിനസിനെ സ്വാധീനിക്കുന്നു.

Read more about: hdfc
English summary

HDFC Limited's Market Cap Touches Rs 5 Trillion Milestone

HDFC Limited's Market Cap Touches Rs 5 Trillion Milestone. Read in Malayalam.
Story first published: Friday, February 12, 2021, 18:32 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X