കൊറോണ ഭീതി, പ്രതിരോധ പ്രവർത്തനങ്ങൾക്ക് 11 കോടി രൂപ ധനസഹായം പ്രഖ്യാപിച്ച് ഹോണ്ട

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts
Read more about: honda coronavirus

കൊറോണ വൈറസിനെതിരായ പോരാട്ടത്തിൽ കൂടുതൽ കമ്പനികൾ സഹായഹസ്തം നീട്ടുന്നു. ജാപ്പനീസ് വാഹന നിർമ്മാതാക്കളായ ഹോണ്ട കേന്ദ്ര സർക്കാരിന് സഹായസഹകരണങ്ങൾ പ്രഖ്യാപിച്ചു. ഹോണ്ട ഗ്രൂപ്പിന്റെ കോര്‍പറേറ്റ് സാമൂഹ്യ ഉത്തരവാതിത്വ വിഭാഗമായ ഹോണ്ട ഇന്ത്യ ഫൗണ്ടേഷന്‍ ഇന്ത്യയിലെ കൊവിഡ്-19 പ്രതിരോധ പ്രവര്‍ത്തനങ്ങള്‍ക്കായി 11 കോടി രൂപ ദുരിതാശ്വാസ നിധിയിലേക്ക് സംഭാവന നല്‍കും. സഹായത്തിന്റെ ഭാഗമായി വിവിധ സര്‍ക്കാര്‍ ഏജന്‍സികള്‍ക്ക് ഹോണ്ടയുടെ ഹൈ പ്രഷര്‍ ബാക്ക്പാക്ക് സ്‌പ്രെയറുകളുടെ 2000 യൂണിറ്റുകള്‍ അടിയന്തരമായി നല്‍കും.

 

കൊറോണ ഭീതി, പ്രതിരോധ പ്രവർത്തനങ്ങൾക്ക് 11 കോടി രൂപ ധനസഹായം പ്രഖ്യാപിച്ച് ഹോണ്ട

ഭാരം കുറഞ്ഞ ശക്തമായ ഈ സ്‌പ്രെയറുകള്‍ ആശുപത്രി, പൊതുഗതാഗതം, റയില്‍വേ സ്റ്റേഷനുകള്‍, പൊതു കാന്റീനുകള്‍, പൊതുയിടങ്ങള്‍ തടങ്ങിയവ അണുവിമുക്തമാക്കാന്‍ ഉപയോഗിക്കാം. സര്‍ക്കാരുമായി ആലോചിച്ചാണ് ഹോണ്ട ഇതിനു വേണ്ട നടപടികള്‍ സ്വീകരിച്ചത്. ഇന്ത്യയുടെ കൊവിഡ് പ്രതിരോധ പ്രവര്‍ത്തനങ്ങള്‍ക്ക് ഓട്ടോ വ്യവസായ രംഗത്തു നിന്നുള്ള സഹായങ്ങളുടെ ഭാഗമാണിത്.

Most Read: ജിയോ വരിക്കാർക്ക് വീണ്ടും സൌജന്യ കോൾ ഓഫർ, കൂടുതൽ വിവരങ്ങൾ അറിയാം

വൈറസിന്റെ വ്യാപനം തടയുന്നതില്‍ കൈകഴുകല്‍ പോലെതന്നെ പൊതുയിടങ്ങളുടെ ശുചീകരണവും നിര്‍ണായകമാണ്. കൂടാതെ പ്രാദേശിക തലത്തില്‍ എല്ലാ ഉത്പാദന യൂണിറ്റുകളും തദ്ദേശ സ്ഥാപനങ്ങളുടെ പ്രവര്‍ത്തനങ്ങളെ പിന്തുണയ്ക്കും. ഹോണ്ടയുടെ നിർമ്മാണശാലകളിലുള്ള ആമ്പുലന്‍സുകളെല്ലാം മെഡിക്കല്‍ ആവശ്യങ്ങള്‍ക്കായി ലഭ്യമാക്കും.

Most Read: മൊറട്ടോറിയം; ക്രെഡിറ്റ് കാർഡ് കുടിശ്ശികയ്‌ക്ക് പലിശ ഈടാക്കും

ഹോണ്ടയുടെ ഉല്‍പ്പാദന ശാലകളുള്ള സംസ്ഥാനങ്ങളുടെ ദുരിതാശ്വാസ ഫണ്ടിലേക്കും ഹോണ്ട സംഭാവന ചെയ്യും. ഒപ്പം ഹോണ്ടയുടെ ഇന്ത്യയിലെ സഹകാരികളായ സ്ഥാപനങ്ങളും ഒരു ദിവസത്തെ വേതനം സംഭാവന ചെയ്യും.

Most Read: പോസ്റ്റ് ഓഫീസ് സേവിംഗ്‌സ് സ്‌കീമുകള്‍ ഈടാക്കുന്ന നിരക്കുകള്‍ ഇങ്ങനെ

സമൂഹത്തിന്റെ എല്ലാ തലങ്ങളിലും അപ്രതീക്ഷിതമായ സാഹചര്യമാണ് കൊവിഡ്-19 സൃഷ്ടിച്ചിട്ടുള്ളത്. എന്നാൽ കൊറോണ വൈറസിനെതിരായ ഇന്ത്യയുടെ പ്രവര്‍ത്തനങ്ങള്‍ക്ക് വ്യക്തികളും കോര്‍പറേറ്റുകളും സഹായവുമായി മുന്നോട്ട് വരുന്നുണ്ട്. ഹോണ്ട സാമ്പത്തിക സഹായം കൂടാതെ ബാക്ക് സ്‌പ്രെയറുകള്‍ക്കായുള്ള 2000 യൂണിറ്റ് എഞ്ചിനുകളും നല്‍കുന്നുണ്ടെന്നും നിര്‍ണായക ഘട്ടത്തില്‍ പൊതുയിടങ്ങള്‍ അണുമുക്തമാക്കുന്നതിന് ഇത് സര്‍ക്കാരിന് ഉപകാരപ്രദമാകുമെന്നും ഹോണ്ട ഇന്ത്യ ഫൗണ്ടേഷന്‍ ചെയര്‍മാന്‍ മിനോരു കാറ്റോ ബുധനാഴ്ച്ച പറഞ്ഞു. കോവിഡ്-19നെതിരായ സര്‍ക്കാരിന്റെ പോരാട്ടത്തില്‍ ഹോണ്ട കൂടെയുണ്ടെന്നും ഇദ്ദേഹം കൂട്ടിച്ചേർത്തു.

English summary

കൊറോണ ഭീതി, പ്രതിരോധ പ്രവർത്തനങ്ങൾക്ക് 11 കോടി രൂപ ധനസഹായം പ്രഖ്യാപിച്ച് ഹോണ്ട

Honda To Donate Rs 11 Crore For The Fight Against Coronavirus. Read in Malayalam.
Story first published: Wednesday, April 1, 2020, 18:16 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X