അമേരിക്കന്‍ എണ്ണ വാങ്ങിക്കൂട്ടി ഇന്ത്യ; ചൈനയെ പിന്തള്ളി പുതിയ നീക്കം... ഗള്‍ഫ് എണ്ണ കുറച്ചു

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

മുംബൈ: അമേരിക്കയില്‍ നിന്ന് കൂടുതലായി എണ്ണ വാങ്ങുകയാണ് ഇന്ത്യ. ഈ വര്‍ഷം മാര്‍ച്ച് വരെയുള്ള കണക്കുകള്‍ പ്രകാരം അമേരിക്കയില്‍ നിന്ന് ഏറ്റവും കൂടുതല്‍ എണ്ണ വാങ്ങുന്ന രാജ്യം ഇന്ത്യയാണ്. 2020ല്‍ ഇത് ചൈനയായിരുന്നു. ചൈനയെ പിന്തള്ളി ഇന്ത്യ അമേരിക്കന്‍ എണ്ണയെ ആശ്രയിക്കുകയാണ്. മറ്റൊരു പ്രധാന കാര്യം, ഗള്‍ഫ് എണ്ണയില്‍ നിന്ന് അകലുകയാണ് ഇന്ത്യ. വില കുറയ്ക്കാന്‍ നടപടി സ്വീകരിക്കണമെന്ന ഇന്ത്യയുടെ ആവശ്യം സൗദി അറേബ്യ തള്ളിയതാണ് പുതിയ നീക്കത്തിന് കാരണം. ഇന്ത്യ പുതിയ തീരുമാനങ്ങള്‍ എടുത്തത് സൗദി അറേബ്യയ്ക്ക് തിരിച്ചടിയാകും.

 

അമേരിക്കന്‍ എണ്ണ വാങ്ങിക്കൂട്ടി ഇന്ത്യ; ചൈനയെ പിന്തള്ളി പുതിയ നീക്കം... ഗള്‍ഫ് എണ്ണ കുറച്ചു

പ്രതിദിനം 421000 ബാലല്‍ എണ്ണയാണ് ഇന്ത്യ അമേരിക്കയില്‍ നിന്ന് വാങ്ങുന്നത്. 2021ലെ ആദ്യ മൂന്ന് മാസത്തെ കണക്കാണിത്. 2020ല്‍ ഇന്ത്യ അമേരിക്കയില്‍ നിന്ന് പ്രതിദിനം 287000 ബാരല്‍ എണ്ണയാണ് വാങ്ങിയിരുന്നത്. സൗദിയുമായി ഉടക്കിയതിനെ തുടര്‍ന്നാണ് ഇന്ത്യ ബദല്‍മാര്‍ഗം തേടിയത്. അമേരിക്കന്‍ എണ്ണ വാങ്ങുന്നത് 2019നേക്കാള്‍ 26 ശതമാനം 2020ല്‍ ഇന്ത്യ കൂട്ടിയിരുന്നു. ഈ വര്‍ഷം വാങ്ങല്‍ വീണ്ടും ഉയര്‍ത്തിയിരിക്കുകയാണ്.

അമേരിക്കന്‍ കയറ്റുമതിയുടെ പത്ത് ശതമാനം എണ്ണ ഇന്ത്യയിലേക്കാണ്. ഇന്ത്യയ്ക്ക് ശേഷം ദക്ഷിണ കൊറിയയും ചൈനയുമാണ് രണ്ടും മൂന്നും സ്ഥാനങ്ങളില്‍. അമേരിക്കയില്‍ നിന്ന് ദക്ഷിണ കൊറിയ വാങ്ങുന്നത് പ്രതിദിനം 313000 ബാരല്‍ എണ്ണയാണ്. ചൈനയാകട്ടെ 295000 ബാരല്‍ എണ്ണയും.

40 വര്‍ഷം അമേരിക്ക എണ്ണ കയറ്റുമതി നിരോധിച്ചിരുന്നു. ഈ നിരോധനം നീക്കിയത് 2016ലാണ്. തുടര്‍ന്നാണ് ഇന്ത്യ അമേരിക്കന്‍ എണ്ണ വാങ്ങാന്‍ തുടങ്ങിയത്. നാല് വര്‍ഷം പിന്നിടുമ്പോള്‍ ഏറ്റവും കൂടുതല്‍ അമേരിക്കന്‍ എണ്ണ വാങ്ങുന്ന രാജ്യമായി ഇന്ത്യ മാറി. അമേരിക്കന്‍ ഉപരോധം നീങ്ങിയാല്‍ ഇറാനില്‍ നിന്നും എണ്ണ വാങ്ങുന്നതിനും ഇന്ത്യ ആലോചിക്കുന്നുണ്ട്.

English summary

India Number 1 country to Import Crude Oil From The US

India Number 1 country to Import Crude Oil From The US
Story first published: Tuesday, April 13, 2021, 12:41 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X