സംസ്ഥാനത്ത് സ്വര്‍ണവില കൂടി; അറിയാം ഇന്നത്തെ നിരക്കുകള്‍

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

കൊച്ചി: കേരളത്തില്‍ സ്വര്‍ണവില കൂടി. പവന് 280 രൂപയും ഗ്രാമിന് 35 രൂപയുമാണ് ഇന്ന് വില കൂടിയത്. ഇതോടെ ചൊവാഴ്ച്ച സ്വര്‍ണം പവന് 33,960 രൂപയായി; ഗ്രാമിന് വില 4,245 രൂപ. തിങ്കളാഴ്ച്ച 33,680 രൂപയായിരുന്നു പവന് വില. ഫെബ്രുവരിയില്‍ പവന് 2,640 രൂപ സ്വര്‍ണത്തിന് കുറയുകയുണ്ടായി. കേന്ദ്ര ബജറ്റ് ദിനമായ ഫെബ്രുവരി ഒന്നിന് 36,800 രൂപയാണ് സ്വര്‍ണം വില രേഖപ്പെടുത്തിയത്. എന്നാല്‍ സ്വര്‍ണത്തിനും വെള്ളിക്കും ഇറക്കുമതി തീരുവ വെട്ടിക്കുറയ്ക്കുമെന്ന് ബജറ്റില്‍ സര്‍ക്കാര്‍ പ്രഖ്യാപിച്ചു; പിന്നാലെ സ്വര്‍ണത്തിന്റെ വിലയും താഴോട്ടു പോയി. വെള്ളി വിലയിലും ഇന്ന് മാറ്റം സംഭവിച്ചു. 1 ഗ്രാം വെള്ളിക്ക് 67.90 രൂപയാണ് ശനിയാഴ്ച്ച നിരക്ക്. 8 ഗ്രാം വെള്ളിക്ക് വില 543.20 രൂപ.

സംസ്ഥാനത്ത് സ്വര്‍ണവില കൂടി; അറിയാം ഇന്നത്തെ നിരക്കുകള്‍

 

ആഗോള വിപണിയിലെ ചലനം അടിസ്ഥാനപ്പെടുത്തി ദേശീയ വിപണിയില്‍ സ്വര്‍ണം കഴിഞ്ഞ 10 മാസത്തിനിടെയുള്ള ഏറ്റവും താഴ്ന്ന നിലയിലേക്ക് ചുരുങ്ങിയത് കാണാം. പ്രമുഖ ചരക്ക് വ്യാപാരയിടമായ എംസിഎക്‌സില്‍ (മള്‍ട്ടി കമ്മോഡിറ്റി എക്‌സ്‌ചേഞ്ച്) സ്വര്‍ണം 0.6 ശതമാനം തകര്‍ച്ചയോടെ 45,283 രൂപയിലെത്തി (10 ഗ്രാമിന്). ഓഗസ്റ്റില്‍ 57,000 രൂപ രേഖപ്പെടുത്തിയ സ്വര്‍ണത്തിന് ആറു മാസം കൊണ്ടാണ് 12,000 രൂപയോളം വിലയിടിഞ്ഞത്.

ആഗോള വിപണിയില്‍ ബുധനാഴ്ച്ച സ്വര്‍ണത്തിന് വീണ്ടും കാലിടറി. അമേരിക്കയുടെ ട്രഷറി വരുമാനം വര്‍ധിക്കുന്നത് സ്വര്‍ണവിലയില്‍ സമ്മര്‍ദ്ദം ചെലുത്തുകയാണ്. ഇന്ന് സ്വര്‍ണം ഔണ്‍സിന് 1,734.16 ഡോളറാണ് നിരക്ക്. വിലയിടിവ് 0.2 ശതമാനം. കഴിഞ്ഞവാരം സാധാരണ നിലയിലെത്തിയ അമേരിക്കയുടെ ട്രഷറി വരുമാനം ഇന്നലെ 1.4 ശതമാനം വര്‍ധിക്കുകയായിരുന്നു. ഇതോടെ നഷ്ടസാധ്യതയില്ലാത്ത അമേരിക്കന്‍ ബോണ്ടുകള്‍ വാങ്ങാനായി നിക്ഷേപകര്‍ക്ക് താത്പര്യം. സ്വര്‍ണത്തിന്റെ ഡിമാന്‍ഡ് ഈ സാഹചര്യത്തില്‍ കുറഞ്ഞു.

സമ്പദ്ഘടനകളുടെ തിരിച്ചുവരവ് മുന്‍നിര്‍ത്തിയുള്ള ഓഹരി വിപണികളുടെ കുതിപ്പും അമേരിക്കന്‍ ഡോളറിന്റെ കരുത്തും സുരക്ഷിത നിക്ഷേപമായ സ്വര്‍ണത്തിന്റെ മാറ്റ് കുറയ്ക്കുന്നുണ്ട്. സ്വര്‍ണത്തിന് പുറമെ മറ്റു വിലയേറിയ ലോഹങ്ങളും ഇന്ന് തകര്‍ച്ച നേരിടുന്നത് കാണാം. വെള്ളിയുടെ ഔണ്‍സ് നിരക്ക് 0.3 ശതമാനം താഴോട്ടു പോയി. 26.67 ഡോളറാണ് ഇന്ന് വെള്ളിക്ക് വില. പ്ലാറ്റിനം 0.3 ശതമാനം ഇടിവോടെ 1,200.50 ഡോളര്‍ വില കുറിക്കുന്നു. ഇതേസമയം, പലേഡിയത്തിന് ബുധനാഴ്ച്ച വില കൂടി. ഔണ്‍സിന് 0.6 ശതമാനം വര്‍ധനവോടെ 2,376.50 ഡോളറിലാണ് പലേഡിയം ചുവടുറപ്പിക്കുന്നത്.

Read more about: gold price kerala
English summary

Kerala Gold Price: Pavan Sees Rs 280 Increase On Wednesday; 1 Pavan Records Rs 33,960

Kerala Gold Price: Pavan Sees Rs 280 Increase On Wednesday; 1 Pavan Records Rs 33,960. Read in Malayalam.
Story first published: Wednesday, March 3, 2021, 15:15 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X