സ്വര്‍ണവില മുകളിലേക്ക്; 4 ദിവസം കൊണ്ട് 360 രൂപ കൂടി — അറിയാം സ്വര്‍ണം, വെള്ളി നിരക്കുകള്‍

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

കൊച്ചി: കേരളത്തില്‍ സ്വര്‍ണവില മുകളിലേക്ക് കുതിക്കുകയാണ്. ജൂലായ് മാസത്തിലെ ഏറ്റവും ഉയര്‍ന്ന നിരക്ക് സ്വര്‍ണം ഇന്നും തിരുത്തി. വെള്ളിയാഴ്ച്ച സ്വര്‍ണം പവന് വില 36,200 രൂപയാണ് വില. ഗ്രാമിന് വില 4,525 രൂപയും. പവന് 80 രൂപയും ഗ്രാമിന് 10 രൂപയുമാണ് ഇന്ന് വര്‍ധിച്ചത്.

 

സംസ്ഥാനത്ത് കഴിഞ്ഞ നാല് ദിവസം കൊണ്ട് പവന് 360 രൂപയും ഗ്രാമിന് 45 രൂപയും കൂടി. ഈ മാസം ഒന്നാം തീയതിയാണ് പൊന്ന് ഏറ്റവും കുറഞ്ഞ നിലവാരത്തില്‍ വില്‍പ്പന നടത്തിയത് (35,200 രൂപ). ജൂണില്‍ സ്വര്‍ണം രേഖപ്പെടുത്തിയ ഏറ്റവും ഉയര്‍ന്ന വിലനിലവാരം പവന് 36,960 രൂപയാണ് (ജൂണ്‍ 3). ഏറ്റവും കുറഞ്ഞ വിലനിലവാരം 35,000 രൂപയും (ജൂണ്‍ 30). കഴിഞ്ഞമാസം സ്വര്‍ണം പവന് 1,960 രൂപ കുറഞ്ഞിരുന്നു.

സ്വർണവില

മെയ് മാസം 1,680 രൂപയുടെ വിലവര്‍ധനവാണ് സ്വര്‍ണം കുറിച്ചത്. ഏപ്രിലിലും പവന്‍ വില 1,720 രൂപ വര്‍ധിക്കുകയുണ്ടായി. ഇതേസമയം, മാര്‍ച്ചില്‍ 1,560 രൂപയും ഫെബ്രുവരിയില്‍ 2,640 രൂപയും പവന് വില കുറഞ്ഞിരുന്നു. സംസ്ഥാനത്തെ വെള്ളി നിരക്കിലും ഇന്ന് മാറ്റമുണ്ട്. 1 ഗ്രാം വെള്ളിക്ക് 69.70 രൂപയാണ് വെള്ളിയാഴ്ച്ച വില. 8 ഗ്രാം വെള്ളിക്ക് വില 557.60 രൂപ.

പ്രധാന നഗരങ്ങളിൽ വില

ഇന്ത്യയിലെ പ്രധാന നഗരങ്ങളിലെ സ്വര്‍ണവില ചുവടെ കാണാം (8 ഗ്രാം 22 കാരറ്റ് സ്വര്‍ണം).

  • ബെംഗളൂരു: പവന് 36,200 രൂപ
  • ചെന്നൈ: പവന് 36,528 രൂപ
  • ദില്ലി: പവന് 37,848 രൂപ
  • ഹൈദരാബാദ്: പവന് 36,200 രൂപ
  • കൊല്‍ക്കത്ത: പവന് 38,168 രൂപ
  • ലഖ്‌നൗ: പവന് 37,848 രൂപ
  • മുംബൈ: പവന് 37,992 രൂപ
  • സൂറത്ത്: പവന് 38,128 രൂപ
ദേശീയ വിപണിയിൽ

ഇന്ന് ദേശീയ വിപണിയില്‍ സ്വര്‍ണവിലയില്‍ വലിയ ചലനങ്ങളില്ല. പ്രമുഖ ചരക്ക് വ്യാപാര കേന്ദ്രമായ എംസിഎക്സില്‍ (മള്‍ട്ടി കമ്മോഡിറ്റി എക്സ്ചേഞ്ച്) 10 ഗ്രാമിന് 48,381 രൂപയാണ് സ്വര്‍ണം വില കുറിക്കുന്നത് (0.04 ശതമാനം നേട്ടം). വെള്ളിയില്‍ ഉണര്‍വ് കാണാം. കിലോയ്ക്ക് 69,911 രൂപ നിരക്കില്‍ വെള്ളി വ്യാപാരം പുരോഗമിക്കുന്നു (0.33 ശതമാനം നേട്ടം). പറഞ്ഞുവരുമ്പോള്‍ നാലാഴ്ച്ചയിലേറെയായി 70,000 മാര്‍ക്കിന് തൊട്ടരികില്‍ വെള്ളി ഇടപാടുകള്‍ നടത്താന്‍ തുടങ്ങിയിട്ട്.

യുഎസ് ഫെഡ് പ്രഖ്യാപനം

അമേരിക്കന്‍ സമ്പദ്‌വ്യവസ്ഥ പഴയനിലയില്‍ തിരിച്ചെത്തിക്കാന്‍ എല്ലാ പിന്തുണയും നല്‍കുമെന്ന യുഎസ് ഫെഡറല്‍ ചെയര്‍മാന്‍ ജെറോം പവലിന്റെ പ്രഖ്യാപനം സ്വര്‍ണവിലയെ കാര്യമായി സ്വാധീനിച്ചില്ലെന്നത് ഇവിടെ പ്രത്യേകം പരാമര്‍ശിക്കണം. വലിയ സാമ്പത്തിക പാക്കേജുകള്‍ എന്നും പൊന്നിനെ പിന്തുണയ്ക്കാറുണ്ട്. സാമ്പത്തിക പാക്കേജുകള്‍ പണപ്പെരുപ്പം വര്‍ധിപ്പിക്കും. പണപ്പെരുപ്പത്തെയും നാണ്യയിടിവിനെയും ചെറുക്കാന്‍ നിക്ഷേപകര്‍ സ്വര്‍ണത്തെയാണ് ആശ്രയിക്കാറ്.

രാജ്യാന്തര വിപണിയിൽ

എന്തായാലും കഴിഞ്ഞ നാലാഴ്ച്ചക്കിടെയുള്ള ഉയര്‍ന്ന നിലയിലാണ് സ്വര്‍ണം ഇപ്പോഴുള്ളത്. അമേരിക്കന്‍ ബോണ്ട് വരുമാനം ക്രമപ്പെടുന്നത് സ്വര്‍ണത്തിന് ഗുണം ചെയ്യുന്നുണ്ട്. ഇന്ന് രാജ്യാന്തര വിപണിയിലും സ്വര്‍ണത്തിന് കാര്യമായ മാറ്റങ്ങളില്ല. ഔണ്‍സിന് 1,829.14 ഡോളര്‍ എന്ന നിലയില്‍ സ്വര്‍ണ വ്യാപാരം പുരോഗമിക്കുന്നു (0.25 ശതമാനം നേട്ടം).

ഇതേസമയം, ഈ വാരം 1.2 ശതമാനം നേട്ടം കുറിക്കാന്‍ പൊന്നിന് സാധിച്ചിട്ടുണ്ട്. അമേരിക്കന്‍ സ്വര്‍ണ ഫ്യൂച്ചറുകള്‍ 0.1 ശതമാനം ഉയര്‍ന്ന് 1,830.30 ഡോളര്‍ നിരക്കിലാണ് വെള്ളിയാഴ്ച്ച ഇടപാടുകള്‍ നടത്തുന്നത്.

മറ്റു ലോഹങ്ങൾ

രാജ്യാന്തര വിപണിയില്‍ വെള്ളിയും ചലനങ്ങളില്ലാതെ തുടരുന്നു. വെള്ളിയുടെ ഔണ്‍സ് വില 26.32 ഡോളറാണ് രേഖപ്പെടുത്തുന്നത്. പ്ലാറ്റിനം നിരക്ക് 0.1 ശതമാനം താഴന്ന് 1,136.94 ഡോളറും പലേഡിയം നിരക്ക് 0.1 ശതമാനം ഉയര്‍ന്ന് 2,731.96 ഡോളറിലുമാണ് വന്നുനില്‍ക്കുന്നത്.

Read more about: gold gold price
English summary

Kerala Gold Rate Today: 16th July 2021, Gold Rate Goes Up By Rs 80 For One Pavan In Kerala

Kerala Gold Rate Today: 16th July 2021, Gold Rate Goes Up By Rs 80 For One Pavan In Kerala. Read in Malayalam.
Story first published: Friday, July 16, 2021, 10:40 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X