മെയ് 21: കുതിച്ചുയരുന്നു സ്വര്‍ണവില; ഏപ്രിലില്‍ കൂടിയത് 1,440 രൂപ!

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

കൊച്ചി: സംസ്ഥാനത്ത് സ്വര്‍ണവിലയില്‍ മാറ്റമില്ല. പവന് 36,480 രൂപയും ഗ്രാമിന് 4,560 രൂപയുമായി കേരളത്തില്‍ സ്വര്‍ണവില തുടരുകയാണ്. മെയ് മാസത്തെ ഏറ്റവും ഉയര്‍ന്ന നിരക്കിലാണ് സ്വര്‍ണം ഇപ്പോള്‍. ബുധനാഴ്ച്ച പവന് 36,360 രൂപയും ഗ്രാമിന് 4,545 രൂപയുമായിരുന്നു നിരക്ക്. ഈ മാസം സ്വര്‍ണം രേഖപ്പെടുത്തിയ ഏറ്റവും കുറഞ്ഞ വിലനിലവാരം പവന് 35,040 രൂപയാണ് (മെയ് 1, 2 തീയതികളില്‍).

 

മെയ് മാസം ഇതുവരെ പവന് 1,440 രൂപയുടെ വിലവര്‍ധനവ് സംഭവിച്ചു. ഏപ്രിലില്‍ 1,720 രൂപയാണ് പവന് വില കൂടിയത്. ഇതേസമയം, മാര്‍ച്ചില്‍ 1,560 രൂപയും ഫെബ്രുവരിയില്‍ 2,640 രൂപയും പവന് വില കുറഞ്ഞിരുന്നു. കഴിഞ്ഞമാസം സ്വര്‍ണം കുറിച്ച ഏറ്റവും ഉയര്‍ന്ന നിരക്ക് 36,080 രൂപയും (ഏപ്രില്‍ 22) ഏറ്റവും കുറഞ്ഞ നിരക്ക് 33,320 രൂപയുമായിരുന്നു (ഏപ്രില്‍ 1). സംസ്ഥാനത്തെ വെള്ളി നിരക്കില്‍ ഇന്ന് ചെറിയ മാറ്റമുണ്ട്. 1 ഗ്രാം വെള്ളിക്ക് 71.20 രൂപയാണ് വെള്ളിയാഴ്ച്ച വില. 8 ഗ്രാം വെള്ളിക്ക് വില 569.60 രൂപ.

മെയ് 21: കുതിച്ചുയരുന്നു സ്വര്‍ണവില; ഏപ്രിലില്‍ കൂടിയത് 1,440 രൂപ!

ഇന്ത്യയിലെ പ്രധാന നഗരങ്ങളിലെ സ്വര്‍ണവില ചുവടെ കാണാം (8 ഗ്രാം 22 കാരറ്റ് സ്വര്‍ണം).

ബെംഗളൂരു: പവന് 36,480 രൂപ

ചെന്നൈ: പവന് 36,680 രൂപ

ദില്ലി: പവന് 37,544 രൂപ

ഹൈദരാബാദ്: പവന് 35,480 രൂപ

കൊല്‍ക്കത്ത: പവന് 37,480 രൂപ

മംഗലാപുരം: പവന് 35,480 രൂപ

മുംബൈ: പവന് 36,800 രൂപ

മൈസൂരു: പവന് 36,480 രൂപ

ദേശീയ വിപണിയില്‍ ഇന്ന് സ്വര്‍ണവില കുറയുകയാണുണ്ടായത്. പ്രമുഖ ചരക്ക് വ്യാപാര കേന്ദ്രമായ എംസിഎക്സില്‍ (മള്‍ട്ടി കമ്മോഡിറ്റി എക്സ്ചേഞ്ച്) 10 ഗ്രാമിന് 48,358 രൂപ സ്വര്‍ണം വില രേഖപ്പെടുത്തുന്നു. ഇടിവ് 0.4 ശതമാനം. വെള്ളിയുടെ കിലോ നിരക്ക് 71,748 രൂപയിലുമെത്തി; ഇടിവ് 0.8 ശതമാനം. എംസിഎക്സ് വിലയിലും 1,500 രൂപയോളം വിലവര്‍ധനവിലാണ് സ്വര്‍ണം ദേശീയ വിപണിയില്‍ വില്‍പ്പനയ്ക്ക് വരുന്നത്. ഈ വാരം തുടരെ വില കുറഞ്ഞെങ്കിലും കഴിഞ്ഞ നാലു മാസത്തിനിടെയുള്ള ഏറ്റവും ഉയര്‍ന്ന നിലയിലാണ് സ്വര്‍ണം ഇപ്പോഴുള്ളത്. പണപ്പെരുപ്പം കൂടുമെന്ന ആശങ്കയും കോവിഡ് കേസുകളുടെ വ്യാപനവും ഇന്ത്യയില്‍ സ്വര്‍ണവിലയെ സ്വാധീനിക്കുന്നു. ക്രിപ്‌റ്റോ വിപണിയിലെ വലിയ ചാഞ്ചാട്ടവും പുതിയ സാഹചര്യത്തില്‍ സ്വര്‍ണത്തിന് ഗുണം ചെയ്യുകയാണ്.

 

രാജ്യാന്തര വിപണിയിലും ഇന്ന് സ്വര്‍ണവില കുറഞ്ഞത് കാണാം. ഓഹരി വിപണികളിലെ കുതിപ്പ് സ്വര്‍ണത്തിന് ക്ഷീണം ചെയ്യുകയാണ്. എന്നാല്‍ ദുര്‍ബലമായ ഡോളര്‍ സൂചിക പൊന്നിന്റെ വന്‍വീഴ്ച്ചയ്ക്ക് തടയിട്ടു. ഔണ്‍സിന് 1,872.21 ഡോളര്‍ നിരക്കിലാണ് സ്വര്‍ണ വ്യാപാരം ഇന്ന് പുരോഗമിക്കുന്നത്. 0.2 ശതമാനം ഇടിവ്. എന്നാല്‍ ഈ ആഴ്ച്ചയിലെ പൂര്‍ണ ചിത്രം വിലയിരുത്തിയാല്‍ 1.5 ശതമാനം നേട്ടം സ്വര്‍ണം കയ്യടക്കിയത് കാണാം. മറ്റു വിലയേറിയ ലോഹങ്ങളില്‍ വെള്ളി 0.1 ശതമാനം തകര്‍ച്ചയോടെ 27.72 ഡോളറിലെത്തി. പ്ലാറ്റിനത്തിന്റെ ഔണ്‍സ് നിരക്ക് 0.4 ശതമാനം കൂടി 1,200.57 ഡോളറും രേഖപ്പെടുത്തുന്നു.

Read more about: gold price gold
English summary

Kerala Gold Rate Today: 21st May 2021, One Pavan Gold Rate Remains Highest For The Month In Kerala

Kerala Gold Rate Today: 21st May 2021, One Pavan Gold Rate Remains Highest For The Month In Kerala. Read in Malayalam.
Story first published: Friday, May 21, 2021, 13:37 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X