മെയ് 7: പൊന്ന് 'കുതിച്ചുയരുന്നു', അറിയാം ഇന്നത്തെ സ്വര്‍ണം, വെള്ളി നിരക്കുകള്‍

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

കൊച്ചി: സ്വര്‍ണവില ചാഞ്ചാടുകയാണ്. സംസ്ഥാനത്ത് പൊന്നിന് വീണ്ടും വില കൂടി. പവന് 400 രൂപയും ഗ്രാമിന് 50 രൂപയുമാണ് ഇന്ന് വര്‍ധിച്ചത്. ഇതോടെ സ്വര്‍ണവില പവന് 35,600 രൂപയും ഗ്രാമിന് 4,450 രൂപയുമായി. മെയ് മാസത്തെ ഏറ്റവും ഉയര്‍ന്ന നിരക്കിലാണ് സ്വര്‍ണം ഇന്ന് വില്‍ക്കപ്പെടുന്നത്. ഇന്നലെ പവന് 35,200 രൂപയും ഗ്രാമിന് 4,400 രൂപയുമായിരുന്നു നിരക്ക്. ഈ മാസം സ്വര്‍ണം രേഖപ്പെടുത്തിയ ഏറ്റവും കുറഞ്ഞ വിലനിലവാരം പവന് 35,040 രൂപയാണ് (മെയ് 1).

 

വിലവർധനവ്

മെയ് മാസം ഇതുവരെ പവന് 560 രൂപയുടെ വിലവര്‍ധനവ് സംഭവിച്ചു. ഏപ്രിലില്‍ 1,720 രൂപയാണ് പവന് വില കൂടിയത്. ഇതേസമയം, മാര്‍ച്ചില്‍ 1,560 രൂപയും ഫെബ്രുവരിയില്‍ 2,640 രൂപയും പവന് വില കുറഞ്ഞിരുന്നു. കഴിഞ്ഞമാസം സ്വര്‍ണം കുറിച്ച ഏറ്റവും ഉയര്‍ന്ന നിരക്ക് 36,080 രൂപയും (ഏപ്രില്‍ 22) ഏറ്റവും കുറഞ്ഞ നിരക്ക് 33,320 രൂപയുമായിരുന്നു (ഏപ്രില്‍ 1). സംസ്ഥാനത്തെ വെള്ളി നിരക്കിലും ഇന്ന് ചെറിയ മാറ്റം സംഭവിച്ചു. 1 ഗ്രാം വെള്ളിക്ക് 71.90 രൂപയാണ് വെള്ളിയാഴ്ച്ച വില. 8 ഗ്രാം വെള്ളിക്ക് വില 575.20 രൂപ.

പ്രധാനനഗരങ്ങളിലെ വില

ഇന്ത്യയിലെ പ്രധാന നഗരങ്ങളിലെ സ്വര്‍ണവില ചുവടെ കാണാം (8 ഗ്രാം 22 കാരറ്റ് സ്വര്‍ണം).

ബെംഗളൂരു — പവന് 35,600 രൂപ

ചെന്നൈ — പവന് 35,976 രൂപ

ഹൈദരാബാദ് — പവന് 35,600 രൂപ

കൊല്‍ക്കത്ത — പവന് 37,080 രൂപ

മംഗലാപുരം — പവന് 35,600 രൂപ

മുംബൈ — പവന് 35,440 രൂപ

മൈസൂര്‍ — പവന് 35,600 രൂപ

ദില്ലി — പവന് 36,488 രൂപ

എംസിഎക്സ്

രാജ്യത്തെ പ്രമുഖ ചരക്ക് വ്യാപാര കേന്ദ്രമായ എംസിഎക്‌സില്‍ (മള്‍ട്ടി കമ്മോഡിറ്റി എക്‌സ്‌ചേഞ്ച്) സ്വര്‍ണം, വെള്ളി നിരക്കുകള്‍ ഇന്ന് വര്‍ധിച്ചിട്ടുണ്ട്. 10 ഗ്രാമിന് 580 രൂപ കൂടി 47,580 രൂപ എന്ന നിരക്കിലാണ് സ്വര്‍ണ ഫ്യൂച്ചറുകളുടെ വില്‍പ്പന നടക്കുന്നത്; വിലവര്‍ധനവ് 1.23 ശതമാനം. വെള്ളിയുടെ കിലോ നിരക്ക് 1,981 രൂപ കൂടി 71,600 രൂപയിലുമെത്തി. വിലവര്‍ധനവ് 2.85 ശതമാനം. രാജ്യാന്തര വിപണിയില്‍ സ്വര്‍ണത്തിന് കാര്യമായ ചലനം ഇന്നില്ല. ഔണ്‍സിന് 1,814.33 ഡോളര്‍ നിരക്കില്‍ സ്വര്‍ണ വ്യാപാരം കമ്പോളത്തില്‍ പുരോഗമിക്കുന്നു.

വില ഉയരാൻ കാരണം

ഫെബ്രുവരിക്ക് ശേഷം ഇതാദ്യമായാണ് സ്വര്‍ണവില 1,800 ഡോളര്‍ നിലവാരത്തില്‍ തിരിച്ചെത്തുന്നത്. അമേരിക്കന്‍ സ്വര്‍ണ ഫ്യൂച്ചറുകളില്‍ 0.1 ശതമാനം ഇടിവ് വെള്ളിയാഴ്ച്ച ദൃശ്യമാണ്. ഔണ്‍സിന് 1,814.30 ഡോളര്‍ നിരക്കിലാണ് യുഎസ് ഗോള്‍ഡ് ഫ്യൂച്ചറുകളുടെ ഇന്നത്തെ ഇടപാട്. ലോകത്തെ മറ്റു പ്രമുഖ കറന്‍സികള്‍ക്കെതിരെ ഡോളര്‍ സൂചിക താഴോട്ടുപോയതും അമേരിക്കയുടെ ട്രഷറി വരുമാനം കുറഞ്ഞതുമാണ് ആഗോള വിപണിയില്‍ സ്വര്‍ണവില ഉയരാന്‍ കാരണം.

മറ്റു ലോഹങ്ങളുടെ വില

കഴിഞ്ഞ ഒരാഴ്ച്ചക്കിടെയുള്ള ഏറ്റവും താഴ്ന്ന നിരക്കിലാണ് ഡോളര്‍ സൂചികയുള്ളത്. 10 വര്‍ഷം കാലാവധിയുള്ള ട്രഷറി ബോണ്ടുകളുടെ വരുമാനം രണ്ടാഴ്ച്ചക്കിടെയുള്ള ഏറ്റവും താഴ്ന്ന നിലയിലേക്കും ഇന്നലെയെത്തി. ബോണ്ട് വരുമാനം കുറയുമ്പോള്‍ പലിശ ലഭിക്കാത്ത സ്വര്‍ണത്തിന്റെ അവസരാത്മക ചിലവ് കുറയും.

മറ്റു വിലയേറിയ ലോഹങ്ങള്‍ പരിശോധിച്ചാല്‍ പലേഡിയത്തിന്റെ ഔണ്‍സ് നിരക്ക് 0.1 ശതമാനം ഇന്ന് കൂടി; വില 2,942.82 ഡോളര്‍. ഈ വരാമാദ്യം 3,017.18 എന്ന എക്കാലത്തേയും ഉയര്‍ന്ന നില പലേഡിയം കാഴ്ച്ചവെച്ചിരുന്നു. വെള്ളിയുടെ ഔണ്‍സ് നിരക്ക് 0.1 ശതമാനം ഇടിഞ്ഞ് 27.26 രൂപയാണ് ഇന്ന് രേഖപ്പെടുത്തുന്നത്. പ്ലാറ്റിനത്തിന്റെ നിരക്കില്‍ ചാഞ്ചാട്ടമില്ല. ഔണ്‍സിന് 1,252.41 ഡോളര്‍ നിലവാരത്തില്‍ പ്ലാറ്റിനം വില്‍പ്പന പുരോഗമിക്കുന്നു.

Read more about: gold price
English summary

Kerala Gold Rate Today: 7th May 2021, Gold Rate Goes Up By Rs 400 For One Pavan In Kerala

Kerala Gold Rate Today: 7th May 2021, Gold Rate Goes Up By Rs 400 For One Pavan In Kerala. Read in Malayalam.
Story first published: Friday, May 7, 2021, 11:06 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X