പെട്രോള്‍ വില 100 രൂപയിലേക്ക്; അറിയാം കേരളത്തിലെ ഇന്നത്തെ പെട്രോള്‍, ഡീസല്‍ നിരക്കുകള്‍

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

തിരുവനന്തപുരം: സംസ്ഥാനത്ത് തുടര്‍ച്ചയായ 13 ആം ദിവസവും പെട്രോള്‍, ഡീസല്‍ വില കൂടി. ഇന്ന് പെട്രോളിനും ഡീസലിനും ലീറ്ററിന് 39 പൈസ വീതം വര്‍ധിച്ചു. ഇതോടെ തലസ്ഥാന നഗരിയായ തിരുവനന്തപുരത്ത് പെട്രോള്‍ വില 92.69 രൂപ രേഖപ്പെടുത്തി. ഡീസല്‍ വില 87.22 രൂപയായി ഉയര്‍ന്നു.

കൊച്ചിയില്‍ ഇന്ന് പെട്രോളിന് 90.85 രൂപയാണ്. ഡീസലിന് 85.49 രൂപയും. ഈ മാസം മാത്രം പെട്രോളിന് 3.87 രൂപയും ഡീസലിന് 4.30 രൂപയും വര്‍ധിച്ചു കഴിഞ്ഞു. രാജ്യത്തെ മറ്റു പ്രധാന നഗരങ്ങളിലും ഇന്ധനവില സര്‍വകാല റെക്കോര്‍ഡിലേക്ക് കുതിക്കുകയാണ്.

പ്രധാന നഗരങ്ങളിലെ വില
 

ദില്ലിയില്‍ പെട്രോള്‍ വില 90.58 രൂപയും ഡീസല്‍ വില 80.97 രൂപയും രേഖപ്പെടുത്തുന്നു. നോയിഡയില്‍ പെട്രോളിന് 88.92 രൂപയാണ് നിരക്ക്. ഡീസലിന് 81.41 രൂപയും. വാണിജ്യ തലസ്ഥാനമായ മുംബൈയിലും സ്ഥിതി രൂക്ഷമാണ്. 38 പൈസ വര്‍ധിച്ച സാഹചര്യത്തില്‍ മുംബൈയില്‍ പെട്രോള്‍ വില 97 രൂപ പിന്നിട്ടു. ഡീസല്‍ ലീറ്ററിന് 87.06 രൂപയാണ് ഇന്ന് നഗരത്തില്‍ നിരക്ക്. കൊല്‍ക്കത്തയില്‍ പെട്രോളിന് 91.78 രൂപയും ഡീസലിന് 84.56 രൂപയുമാണ് വില.

വില കൂടി

ചെന്നൈയിലും ഇന്ധനനിരക്ക് കുതിച്ചുയര്‍ന്നു. ചെന്നൈ നഗരത്തില്‍ ഒരു ലീറ്റര്‍ പെട്രോളിന് 92.59 രൂപ വില നല്‍കണം. ഡീസലിന് 85.98 രൂപയും. ബെംഗളൂരുവില്‍ പെട്രോളിന് 93.67 രൂപയും ഡീസലിന് 85.84 രൂപയുമാണ് പുതുക്കിയ നിരക്ക്. എണ്ണക്കമ്പനികള്‍ 39 പൈസ കൂട്ടിയ സാഹചര്യത്തില്‍ ബെംഗളൂരുവില്‍ 1.30 രൂപയാണ് പെട്രോളിന് ശനിയാഴ്ച്ച വില കൂടിയത്.

ഇനിയും ഉയരും

ഇന്ത്യയില്‍ ഇന്ധനവില കുതിക്കുന്ന പശ്ചാത്തലത്തില്‍ രാജസ്താന്‍, മധ്യപ്രദേശ് സംസ്ഥാനങ്ങളിലെ പല നഗരങ്ങളിലും പെട്രോള്‍ വില 100 കടന്നിട്ടുണ്ട്. നിലവില്‍ പെട്രോളിനും ഡീസലിനും ഏറ്റവും കൂടുതല്‍ നികുതി ചുമത്തുന്ന സംസ്ഥാനങ്ങളാണ് രാജസ്താനും മധ്യപ്രദേശും. രാജ്യാന്തര വിപണിയില്‍ അസംസ്‌കൃത എണ്ണവില വര്‍ധിക്കുന്ന സാഹചര്യത്തിലാണ് ഇന്ത്യയില്‍ ഇന്ധനനിരക്കുകള്‍ കൂടുന്നത്. നിലവില്‍ ബ്രെന്‍ഡ് ക്രൂഡ് വില 65 ഡോളറിലേക്ക് കടന്നുവരികയാണ്. വരും ദിവസങ്ങളിലും എണ്ണവില കൂടുമെന്ന് എണ്ണക്കമ്പനികള്‍ സൂചന നല്‍കിയിട്ടുണ്ട്.

നികുതി കുറയ്ക്കില്ല

രാജ്യാന്തര വിപണിയിലെ അസംസ്‌കൃത എണ്ണവിലയും രൂപയുടെ വിനിമയ നിരക്കും അടിസ്ഥാനപ്പെടുത്തിയാണ് രാജ്യത്ത് പ്രതിദിനം ഇന്ധനവില പുതുക്കപ്പെടുന്നത്. പറഞ്ഞുവരുമ്പോള്‍ 2018 ഒക്ടോബറിന് ശേഷം രാജ്യം കാണുന്ന ഏറ്റവും ഉയര്‍ന്ന ഇന്ധനവിലവര്‍ധനവാണ് ഇപ്പോഴത്തേത്. അന്ന് പെട്രോള്‍, ഡീസല്‍ വില നിയന്ത്രണമില്ലാതെ കുതിക്കുന്ന സാഹചര്യമുണ്ടായപ്പോള്‍ കേന്ദ്രം എക്‌സൈസ് തീരുവ കുറയ്ക്കാന്‍ നടപടിയെടുത്തിരുന്നു.

എന്നാല്‍ നിലവിലെ സാഹചര്യത്തില്‍ എണ്ണവില പിടിച്ചുനിര്‍ത്താന്‍ എക്‌സൈസ് തീരുവ കുറയ്ക്കില്ലെന്ന് കേന്ദ്ര പെട്രോളിയം മന്ത്രി ധര്‍മ്മേന്ദ്ര പ്രധാന്‍ പാര്‍ലമെന്റില്‍ അറിയിച്ചിട്ടുണ്ട്.

Read more about: fuel prices
English summary

Kerala Petrol, Diesel Price: Rates Continue To Soar To New Highs On Saturday

Kerala Petrol, Diesel Price: Rates Continue To Soar To New Highs On Saturday. Read in Malayalam.
Story first published: Saturday, February 20, 2021, 9:50 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X