കിംസ് ഹോസ്പിറ്റല്‍സ് ഐപിഒ ജൂണ്‍ 16 മുതല്‍; ദോഡ് ല ഡയറിയുടെ പ്രാഥമിക ഓഹരി വിൽപ്പനയും അടുത്തവാരം

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

കൊച്ചി: കൃഷ്ണ ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സസ് (കിംസ് ഹോസ്പിറ്റല്‍സ്) പ്രാഥമിക ഓഹരി വില്‍പന ജൂണ്‍ 16 മുതല്‍ 18 വരെ നടക്കും. 10 രൂപ മുഖവിലയുള്ള ഓഹരികള്‍ക്ക് 815 രൂപ മുതല്‍ 825 രൂപ വരെയാണ് പ്രൈസ് ബാന്‍ഡ്. കുറഞ്ഞത് 18 ഓഹരികള്‍ക്കും തുടര്‍ന്ന് അതിന്റെ ഗുണിതങ്ങള്‍ക്കും അപേക്ഷ നല്‍കാം.

 

ഐപിഒയില്‍ 200 കോടി രൂപയുടെ പുതിയ ഓഹരികളും ഉള്‍പ്പെടുന്നുണ്ട്. കമ്പനിയുടെ അര്‍ഹരായ ജീവനക്കാര്‍ക്കു വേണ്ടി 20 കോടി രൂപയുടെ ഓഹരികള്‍ നീക്കി വെച്ചിട്ടുണ്ട്. അര്‍ഹരായ സ്ഥാപന നിക്ഷേപകര്‍ക്കുള്ള ഭാഗത്തിന്റെ അഞ്ചു ശതമാനം മ്യൂച്വല്‍ ഫണ്ടുകള്‍ക്കു ലഭ്യമാക്കും. ലഭ്യമാക്കുന്ന ഓഹരികളുടെ 15 ശതമാനം വരെയാണ് സ്ഥാപനേതര നിക്ഷേപകര്‍ക്കായി നല്‍കുക. പത്തു ശതമാനത്തിലേറെ ചെറുകിട വ്യക്തിഗത നിക്ഷേപകര്‍ക്കു ലഭ്യമാക്കുകയുമില്ല.

കിംസ് ഹോസ്പിറ്റല്‍സ് ഐപിഒ ജൂണ്‍ 16 മുതല്‍; ദോഡ് ല ഡയറിയുടെ പ്രാഥമിക ഓഹരി വിൽപ്പനയും അടുത്തവാരം

ഐപിഒ വഴി ലഭ്യമാക്കുന്ന ഓഹരികള്‍ ബോംബെ സ്റ്റോക്ക് എക്സ്ചേഞ്ചിലും ദേശീയ സ്റ്റോക്ക് എക്സ്ചേഞ്ചിലും ലിസ്റ്റു ചെയ്യും. കോട്ടക് മഹീന്ദ്ര ക്യാപിറ്റല്‍ കമ്പനി, ആക്‌സിസ് ക്യാപിറ്റല്‍, ക്രെഡിറ്റ് സ്യൂസ് സെക്യൂരിറ്റീസ് ഇന്ത്യ, ഐഐഎഫ്എല്‍ സെക്യൂരിറ്റീസ് എന്നിവരാണ് ഈ ഐപിഒയുടെ ബുക്ക് റണ്ണിങ് ലീഡ് മാനേജര്‍മാര്‍.

ദോഡ് ല ഡയറിയുടെ പ്രാഥമിക ഓഹരി വില്‍പനയും അടുത്ത ആഴ്ച്ച നടക്കും. ജൂണ്‍ 16 മുതല്‍ 18 വരെയാണ് പ്രാഥമിക ഓഹരി വിൽപ്പനയ്ക്ക് കളമൊരുങ്ങുക. 421 രൂപ മുതല്‍ 428 രൂപ വരെയാണ് പ്രൈസ് ബാന്‍ഡ്. കുറഞ്ഞത് 35 ഓഹരികള്‍ക്കും തുടര്‍ന്ന് അതിന്‍റെ ഗുണിതങ്ങള്‍ക്കും അപേക്ഷിക്കാം. 50 കോടി രൂപ വരെയുള്ള പുതിയ ഓഹരികളും നിലവിലെ 10,985,444 വരെ ഓഹരികളും ഉള്‍പ്പെട്ടതാണ് ഐപിഒ. നിക്ഷേപകരായ ടിപിജി ദോഡ് ല ഡയറി ഹോള്‍ഡിങ്സിന്‍റെ 9,200,000 ഓഹരികള്‍ വരേയും ഇതില്‍ ഉള്‍പ്പെടുന്നു.

പ്രമോട്ടര്‍മാരായ ദോഡ് ല സുനില്‍ റെഡ്ഡി, ദോഡ് ല ഫാമിലി ട്രസ്റ്റ്, പ്രമോട്ടര്‍ ഗ്രൂപ്പായ ദോഡ് ല ദീപ റെഡ്ഡി എന്നിവരുടെ കൈവശമുള്ള ഓഹരികളും ഐപിഒയില്‍ ഉള്‍പ്പെടുന്നുണ്ട്. ഓഹരികള്‍ ബിഎസ്ഇ, എന്‍എസ്ഇ എന്നിവിടങ്ങളില്‍ ലിസ്റ്റു ചെയ്യും. ഐസിഐസിഐ സെക്യൂരിറ്റീസ്, ആക്സിസ് കാപിറ്റല്‍ എന്നിവരാണ് ബുക്ക് റണ്ണിങ് ലീഡ് മാനേജര്‍മാര്‍.

 

Read more about: ipo stock market share market
English summary

KIMS Hospitals and Dodla Dairy Limited IPOs to open on Wednesday, June 16

KIMS Hospitals and Dodla Dairy Limited IPOs to open on Wednesday, June 16. Read in Malayalam.
Story first published: Friday, June 11, 2021, 21:04 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X