ലോക്ക് ഡൗണില്‍ നിന്ന് എല്‍പിജി സിലിണ്ടര്‍ ഡെലിവറിയെ ഒഴിവാക്കി

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

21 ദിവസത്തെ ദേശീയ ലോക്ക് ഡൗണ്‍ കാലയളവില്‍ പാചകവാതക സിലിണ്ടറുകളുടെ വിതരണം സാധാരണ നിലയിലായിരിക്കുമെന്നും ഉപയോക്താക്കള്‍ പരിഭ്രാന്തരാകേണ്ട സാഹചര്യം നിലവിലില്ലെന്നും ഓയില്‍ മാര്‍ക്കറ്റിംഗ് കമ്പനികള്‍ അറിയിച്ചു. ' #ഇന്‍ഡേന്‍ എല്‍പിജി സിലിണ്ടറുകള്‍ സുഗമമായി വിതരണം ചെയ്യുന്നുണ്ടെന്ന് ഉറപ്പാക്കുന്നതിനാവശ്യമായ എല്ലാ മുന്‍കരുതലുകളും ഞങ്ങള്‍ സ്വീകരിക്കുന്നു. സാധാരണ ഓര്‍ഡറുകള്‍ അനുസരിച്ച് സിലിണ്ടര്‍ വിതരണം നടക്കുന്നുണ്ട്', ഇന്ത്യന്‍ ഓയില്‍ കോര്‍പ്പറേഷന്‍ (ഐഒസി) ട്വിറ്ററില്‍ കുറിച്ചു.

എല്‍പിജി
 

എല്‍പിജി വിതരണ സ്ഥാപനങ്ങള്‍ തുറന്നിരിക്കുകയാണെന്നും സിലിണ്ടറുകളുടെ സുഗമമായ വിതരണം ഉറപ്പാക്കാന്‍ പ്ലാന്റുകള് മുഴുവന്‍ സമയവും പ്രവര്‍ത്തിക്കുകയാണെന്നും ഭാരത് പെട്രോളിയം (ബിപിസിഎല്‍) പറഞ്ഞു. പ്രതിസന്ധി ഘട്ടങ്ങളിലും സിലിണ്ടറുകള്‍ സുഗമമായി വീടുകളിലെത്തിക്കാന്‍ പ്രാപ്തരാണെന്നും ദയവ് ചെയ്ത് പരിഭ്രാന്തരായി ബുക്കിംഗുകള്‍ നടത്തരുതെന്നും ബിപിസിഎല്‍ ഉപഭോക്താക്കളെ അറിയിച്ചു.

എല്‍പിജി

ലോക്ക് ഡൗണില്‍ നിന്ന് എല്‍പിജി റീട്ടെയില്‍, സ്റ്റേറേജ് ഔട്ട്‌ലെറ്റുകളെ ഒഴിവാക്കിക്കൊണ്ടുള്ള മാര്‍ഗനിര്‍ദേശങ്ങള്‍ കേന്ദ്ര ആഭ്യന്തര മന്ത്രാലയം പുറത്തിറക്കിയിട്ടുണ്ട്. മിക്ക ഗതാഗത സേവനങ്ങളും നിരോധിച്ചിരിക്കുമ്പോഴും ഇന്നലെ പുറത്തിറക്കിയ പുതുക്കിയ മാര്‍ഗനിര്‍ദേശങ്ങള്‍ എല്‍പിജി സിലിണ്ടറുകളുടെ വിതരണത്തെ അനുവദിക്കുന്നു. എല്‍പിജി സിലിണ്ടറുകളുടെ സുഗമമായ വിതരണത്തെ മുന്‍നിര്‍ത്തി രാജ്യത്തെ എല്‍പിജി പ്രവര്‍ത്തനങ്ങളുടെ നിയന്ത്രണം ഏറ്റെടുക്കുന്നതായി കേന്ദ്ര പെട്രോളിയം-പ്രകൃതി വാതക വകുപ്പ് മന്ത്രി ധര്‍മേന്ദ്ര പ്രധാന്‍ ഇന്നലെ അറിയിച്ചു.

ലോക്ക് ഡൗണില്‍ സ്‌റ്റോറുകള്‍ അടച്ചു; ഓണ്‍ലൈനില്‍ വമ്പന്‍ ഡിസ്‌കൗണ്ട് നല്‍കി ഫാഷന്‍ ബ്രാന്‍ഡുകള്‍

ഗ്യാസ്

സിലിണ്ടറുകള്‍ ബുക്ക് ചെയ്യുന്നതിനായി ഗ്യാസ് ഏജന്‍സികളിലേക്ക് പോകരുതെന്ന് ചണ്ഡീഗഢ് ഭരണകൂടം ജനങ്ങളോട് ആവശ്യപ്പെട്ടു. ഇതിനു പകരം ഫോണിലൂടെ സിലിണ്ടര്‍ ബുക്ക് ചെയ്യുന്ന രീതി ഏവരും സ്വീകരിക്കണമെന്നും ഇവര്‍ ആവശ്യപ്പെട്ടു. എല്‍പിജി സിലിണ്ടര്‍ വില എല്ലാ മാസത്തിന്റെയും തുടക്കത്തില്‍ പരിഷ്‌കരിക്കുന്നതാണ്. കഴിഞ്ഞ അഞ്ച് മാസങ്ങളിലെ കണക്കെടുക്കുമ്പോള്‍, എല്‍പിജി വില സിലിണ്ടറിന് 35.5 രൂപ ഉയര്‍ന്നിട്ടുണ്ട്. ദില്ലിയില്‍ 14.2 കിലോഗ്രാം സബ്‌സിഡിരഹിത എല്‍പിജി സിലിണ്ടറിന് 805 രൂപയോളം വിലവരും. കഴിഞ്ഞ മാസമിത് 858 രൂപയായിരുന്നു.

കോവിഡ് 19; ഹാന്‍ഡ് സാനിറ്റൈസര്‍ വില്‍പ്പനയില്‍ വന്‍ വളര്‍ച്ചയെന്ന് നീല്‍സണ്‍ റിപ്പോര്‍ട്ട്

എല്‍പിജി

കൊല്‍ക്കത്തയില്‍ 839 രൂപ, മുംബൈയില്‍ 776.5 രൂപ, ചെന്നൈയില്‍ 826 രൂപ എന്നിങ്ങനെയാണ് എല്‍പിജി സിലിണ്ടറിന്റെ വില. സര്‍ക്കാര്‍ നിര്‍ദേശമനുസരിച്ച് രാജ്യമെമ്പാടുമുള്ള എല്‍പിജി, വിപണി വിലയില്‍ മാത്രമെ ലഭ്യമാകൂ. എന്നിരുന്നാലും, ഒരു വര്‍ഷത്തില്‍ 14.2 കിലോ വീതമുള്ള 12 സിലിണ്ടറുകള്‍ ഗാര്‍ഹിക ആവശ്യത്തിന് സബ്‌സിഡി നിരക്കില്‍ ലഭിക്കും. വിപണി വിലയ്ക്ക് എല്‍പിജി വാങ്ങാന്‍ ഗുണഭോക്താക്കള്‍ ഉപയോഗിക്കുന്ന ബാങ്ക് അക്കൗണ്ടുകളിലേക്ക് സബ്‌സിഡി തുക സര്‍ക്കാര്‍ നേരിട്ട് കൈമാറുന്നു.

English summary

ലോക്ക് ഡൗണില്‍ നിന്ന് എല്‍പിജി സിലിണ്ടര്‍ ഡെലിവറിയെ ഒഴിവാക്കി | lpg cylinder delivery exempted from lockdown no need to panic booking

lpg cylinder delivery exempted from lockdown no need to panic booking
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more
X