ഓല, യൂബര്‍ ടാക്‌സികളെ തോല്‍പ്പിക്കാന്‍ മഹീന്ദ്ര — വരുന്നൂ അലൈറ്റ് ക്യാബുകള്‍

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

ഇന്ത്യയിലെ ഓണ്‍ലൈന്‍ ടാക്‌സി ലോകത്ത് ഓല, യൂബര്‍ കമ്പനികളുടെ അപ്രമാദിത്വമാണ്. എന്നാല്‍ ഇതൊന്നും വാഹന നിര്‍മ്മാതാക്കളായ മഹീന്ദ്രയെ അലട്ടുന്നില്ല. അലൈറ്റ് (Alyte) എന്ന പുതിയ ക്യാബ് സേവനത്തിന് തുടക്കമിടാന്‍ ഒരുങ്ങുകയാണ് മഹീന്ദ്ര ആന്‍ഡ് മഹീന്ദ്ര. രാജ്യത്തെ കോര്‍പ്പറേറ്റ് ജീവനക്കാരെ അലൈറ്റ് ലക്ഷ്യമിടും. അടുത്ത മൂന്നുവര്‍ഷംകൊണ്ട് അലൈറ്റ് നിരയില്‍ വൈദ്യുത വാഹനങ്ങള്‍ക്ക് പ്രാമുഖ്യം ലഭിക്കുമെന്ന് കമ്പനി അറിയിച്ചുകഴിഞ്ഞു.

ഓല, യൂബര്‍ ടാക്‌സികളെ തോല്‍പ്പിക്കാന്‍ മഹീന്ദ്ര — വരുന്നൂ അലൈറ്റ് ക്യാബുകള്‍

 

പുതിയ ക്യാബ് സേവനം തുടങ്ങുന്നതിനൊപ്പം തങ്ങളുടെ മൊബിലിറ്റി സംരംഭങ്ങളെല്ലാം ഒരു കുടക്കീഴില്‍ കൊണ്ടുവരാനും മഹീന്ദ്ര ലക്ഷ്യമിടുന്നുണ്ട്. ആദ്യഘട്ടത്തില്‍ മഹീന്ദ്ര ലോജിസ്റ്റിക്‌സിന് കീഴിലാണ് അലൈറ്റ് പ്രവര്‍ത്തിക്കുക. എന്നാല്‍ വൈകാതെ അലൈറ്റ്, മേരു ക്യാബ്‌സ്, ഗ്ലൈഡ്, ഫസ്റ്റ് ചോയിസ് സേവനങ്ങളെ പുതിയ ബിസിനസ് ശാഖയ്ക്ക് കീഴില്‍ മഹീന്ദ്ര കൊണ്ടുവരും. 'മൊബിലിറ്റി സര്‍വീസസ്' എന്നായിരിക്കും ഇതിന് പേര്. മേരു ക്യാബ്‌സില്‍ മഹീന്ദ്രയ്ക്ക് സിംഹഭാഗം ഓഹരികളുണ്ട്. വൈദ്യുത വാഹനങ്ങളെ മാത്രം ആശ്രയിച്ച് മഹീന്ദ്ര നടത്തുന്ന ക്യാബ് സേവനമാണ് ഗ്ലൈഡ്. സെക്കന്‍ഡ് ഹാന്‍ഡ് കാര്‍ വിപണിയില്‍ ഫസ്റ്റ് ചോയിസിലൂടെയും കമ്പനി സാന്നിധ്യമറിയിക്കുന്നു.

പ്രത്യേക മൊബൈല്‍ ആപ്പ്

മാര്‍ച്ചില്‍ അലൈറ്റ് ക്യാബുകള്‍ ഓടിത്തുടങ്ങാനിരിക്കെ, പ്രത്യേക മൊബൈല്‍ ആപ്ലിക്കേഷന്‍ പുറത്തിറക്കുന്ന തിരക്കിലാണ് ഇപ്പോള്‍ മഹീന്ദ്ര ലോജിസ്റ്റിക്‌സ്. കോര്‍പ്പറേറ്റ് കമ്പനികളുമായി കരാര്‍ അടിസ്ഥാനത്തിലായിരിക്കും അലൈറ്റ് ക്യാബുകള്‍ സഹകരിക്കുക. ജീവനക്കാരെ വീടുകളില്‍ നിന്നും ഓഫീസിലേക്കും തിരിച്ചും എത്തിക്കാനായിരിക്കും കരാര്‍. ഇതിന് പുറമെ കമ്പനിയുടെ ആവശ്യങ്ങള്‍ക്കായുള്ള യാത്രകള്‍ക്കും അലൈറ്റ് ക്യാബുകള്‍ ലഭ്യമാകും. മൊബൈല്‍ ആപ്ലിക്കേഷന്‍ വഴിയാകും കോര്‍പ്പറേറ്റ് ജീവനക്കാര്‍ക്ക് ക്യാബ് ബുക്ക് ചെയ്യാന്‍ സാധിക്കുക. കരാര്‍ ഒപ്പിട്ട കമ്പനിയിലെ ജീവനക്കാര്‍ക്ക് എംപ്ലോയ്‌മെന്റ് ഐഡി മുഖേന അലൈറ്റ് ആപ്ലിക്കേഷന്‍ ഉപയോഗിക്കാം.

അലൈറ്റ് എങ്ങനെ വേറിട്ടുനില്‍ക്കും?

നിലവില്‍ ഓലയാണ് കോര്‍പ്പറേറ്റ് ടാക്‌സി സേവനരംഗം അടക്കിവാഴുന്നത്. ഓലയുടെ കുതിപ്പു കണ്ട് അടുത്തിടെ യൂബറും പ്രത്യേക ബിസിനസ് ഫീച്ചര്‍ അവതരിപ്പിക്കുകയുണ്ടായി. എന്തായാലും ഇപ്പോഴത്തെ കണക്കുകള്‍ പ്രകാരം പതിനായിരത്തില്‍പ്പരം കമ്പനികള്‍ ഓല കോര്‍പ്പറേറ്റ് സൗകര്യം ഉപയോഗപ്പെടുത്തുന്നുണ്ട്. ഈ അവസരത്തില്‍ മഹീന്ദ്രയുടെ അലൈറ്റ് എങ്ങനെ വേറിട്ടുനില്‍ക്കും? പ്രധാന ചോദ്യമിതാണ്. ബിസിനസ്-ടു-ബിസിനസ് നയമാണ് അലൈറ്റ് പിന്തുടരുന്നത്. എതിരാളികള്‍ പിന്തുടരുന്നതാകട്ടെ ബിസിനസ്-ടു-കണ്‍സ്യൂമര്‍ പോളിസിയും.

English summary

Mahindra Alyte Cabs | ഓല, യൂബര്‍ ടാക്‌സികളെ തോല്‍പ്പിക്കാന്‍ മഹീന്ദ്ര — വരുന്നൂ അലൈറ്റ് ക്യാബുകള്‍

Mahindra To Compete With Ola, Uber With Alyte. Read in Malayalam.
Story first published: Monday, March 2, 2020, 14:34 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more
X