ഇന്ത്യയിൽ ടിക്ടോക്ക് കൂട്ട പിരിച്ചുവിടൽ നടത്തുന്നു?

ആപ്പ് നിരോധിച്ചിട്ടുണ്ടെങ്കിലും ഇന്ത്യയിലെ ടിക്ടോക്ക് ജീവനക്കാർ ശമ്പളപ്പട്ടികയിൽ തുടരുകയും വ്യത്യസ്ത ജോലികളിൽ പ്രവർത്തിക്കുകയും ചെയ്തിരുന്നുവെന്നാണ് വിവരം. എന്നാൽ ഏറ്റവും പുതിയ റിപ്പോർട്ടുകൾ പ്രകാരം ടിക് ടോക്ക് ഇന്ത്യയിൽ വൻതോതിൽ പിരിച്ചുവിടലുകൾ പ്രഖ്യാപിച്ചിട്ടുണ്ട്

ടീമിന്റെ വലുപ്പം കുറയ്ക്കാൻ കമ്പനി നിർബന്ധിതരായിരിക്കുകയാണെങ്കിലും ഇന്ത്യയിൽ വളരെ കുറച്ച് നിർണായക റോളുകൾ മാത്രമേ നിലനിർത്തുകയുള്ളൂവെന്നാണ് അറിയുന്നത്. എന്നാൽ ഈ വാർത്തയോട് കമ്പനി ഔദ്യോഗികമായി പ്രതികരിച്ചിട്ടില്ല.

ചൈനീസ് ആപ്പായ ടിക്ടോക്കിന്റെ നിരോധനം ഇന്ത്യൻ നിർമിത ആപ്പുകൾക്ക് അനുകൂലമായ സാഹചര്യമാണ് ഇപ്പോൾ. ടിക്ടോക്കിന് കേന്ദ്രസർക്കാർ നിരോധനം ഏർപ്പെടുത്തിയതോടെ ചിങ്കാരി, ടക്കാടക്ക്, ജോഷ് തുടങ്ങിയ ഷോർട്ട് വീഡിയോ ആപ്പുകൾ വിപണി വിഹിതത്തിന്റെ 40 ശതമാനം പിടിച്ചെടുത്തിട്ടുണ്ട്.

ഒടുവിൽ ട്രംപിന് സമ്മതം, ഒറാക്കിളും വാൾമാർട്ടും ടിക് ടോക്കിൽ പങ്കാളിയാകുന്നതിൽ ട്രംപിന്റെ അനുമതി