കേരളത്തില്‍ ചരിത്രത്തിലാദ്യമായി പെട്രോള്‍ വില 100 കടന്നു; പ്രീമിയം പെട്രോളിന് 'സെഞ്ച്വറി'

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

തിരുവനന്തപുരം: സംസ്ഥാന ചരിത്രത്തില്‍ ആദ്യമായി പെട്രോള്‍ വില 100 രൂപ കടന്നിരിക്കുന്നു എന്നതാണ് ഞെട്ടിപ്പിക്കുന്ന വാര്‍ത്ത. മറ്റ് പല സംസ്ഥാനങ്ങളിലും നേരത്തേ തന്നെ ഇത് സംഭവിച്ചിരുന്നു. ഇപ്പോഴത് കേരളത്തിലേക്കും എത്തിയിരിക്കുകയാണ്.

 

പ്രീമിയം പെട്രോളിനാണ് ഇപ്പോള്‍ പലയിടത്തും നൂറ് രൂപ കടന്നിരിക്കുന്നത്. വിലവര്‍ദ്ധന ഈ രീതിയില്‍ തുടരുകയാണെങ്കില്‍, സാധാരണ പെട്രോളിനും ലിറ്ററിന് 100 രൂപ കടക്കുന്ന ദിവസങ്ങള്‍ വിദൂരമല്ലെന്ന് ഉറപ്പാണ്. വിശദാംശങ്ങള്‍ നോക്കാം...

നാല് ജില്ലകളില്‍

നാല് ജില്ലകളില്‍

നാല് ജില്ലകളില്‍ ആണ് ഇപ്പോള്‍ പ്രീമിയം പെട്രോളിന്റെ വില ലിറ്ററിന് 100 രൂപ കടന്നിരിക്കുന്നത്. തിരുവനന്തപുരം, പാലക്കാട്, വയനാട്, ഇടുക്കി ജില്ലകളില്‍ ആണ് ഇത് സംഭവിച്ചിരിക്കുന്നത്. സാധാരണ പെട്രോളിനേക്കാള്‍ ഇന്ധന ക്ഷമതയും ഗുണനിലവാരവും കൂടുതലുള്ള പെട്രോള്‍ ആണ് പ്രീമിയം പെട്രോള്‍.

വിലകള്‍ ഇങ്ങനെ

വിലകള്‍ ഇങ്ങനെ

തിരുവനന്തപുരത്ത് പ്രീമിയം പെട്രോളിന് ഒരു ലിറ്ററിന്റെ വില 100.20 രൂപയായാണ് ഉയര്‍ന്നിരിക്കുന്നത്. വയനാട്ടിലെ സുല്‍ത്താന്‍ ബത്തേരിയില്‍ ഇത് ്100.24 രൂപയാണ്. അടിമാലിയില്‍ വില 100.40 രൂപയായാണ് ഉയര്‍ന്നത്. കട്ടപ്പനയില്‍ എത്തുമ്പോള്‍ ഇത് 100.35 രൂപയാകുന്നു. അണക്കരയില്‍ 101.03 പൈസ എത്തു. പാലക്കാട് പ്രീമിയം പെട്രോളിന് 100.16 രൂപ കൊടുക്കണം.

ഇന്നത്തെ വര്‍ദ്ധന

ഇന്നത്തെ വര്‍ദ്ധന

ഏറ്റവും ഒടുവില്‍ പെട്രോളിനും ഡീസലിനും വര്‍ദ്ധിപ്പിച്ചിരിക്കുന്നത് ഒരു ലിറ്ററിന് 28 പൈസ വീതം ആണ്. ഇതോടെ കൊച്ചിയിലെ പെട്രോള്‍ വില 95.43 രൂപയില്‍ എത്തി. കോഴിക്കോട് 95.68 രൂപയും തിരുവനന്തപുരം 97.38 രൂപയും ആണ് ഒരു ലിറ്റര്‍ പെട്രോളിന്റെ വില. ഡീസലിന് കൊച്ചിയില്‍ 91.88 രൂപയാണ് വില. കോഴിക്കോട് 91.03 രൂപയും തിരുവനന്തപുരത്ത് 92.31 രൂപയും കൊടുക്കണം.

37 ദിവസത്തിനിടെ

37 ദിവസത്തിനിടെ

അഞ്ച് സംസ്ഥാനങ്ങളിലെ നിയമസഭാ തിരഞ്ഞെടുപ്പ് കാലയളവില്‍ ആയിരുന്നു പെട്രോള്‍, ഡീസല്‍ വില മാറാതെ നിന്നത്. തിരഞ്ഞെടുപ്പ് ഫലം വന്നതിന് പിറകെ വില വര്‍ദ്ധനയും തുടങ്ങി. കഴിഞ്ഞ 37 ദിവസത്തിനെ പെട്രോള്‍, ഡീസല്‍ വിലയില്‍ 21 തവണയാണ് വര്‍ദ്ധന ഉണ്ടായിരിക്കുന്നത്.

ഈ മാസം മൂന്നാം തവണ

ഈ മാസം മൂന്നാം തവണ

ജൂണ്‍ മാസത്തില്‍ ഇത് മൂന്നാം തവണയാണ് പെട്രോളിന്റേയും ഡീസലിന്റേയും വില വര്‍ദ്ധിപ്പിച്ചത്. ഇന്നത്തേത് തുടര്‍ച്ചയായ രണ്ടാം ദിവസത്തെ വര്‍ദ്ധനയാണ്. രാജ്യത്ത് പല സംസ്ഥാനങ്ങളിലും കൊവിഡ് ലോക്ക്ഡൗണ്‍ നിലനില്‍ക്കുന്നതിനാല്‍ ഇന്ധന ഉപഭോഗത്തില്‍ വലിയ കുറവ് വന്നിട്ടുണ്ട് എന്നാണ് റിപ്പോര്‍ട്ടുകള്‍.

വന്‍ പ്രതിസന്ധി

വന്‍ പ്രതിസന്ധി

കൊവിഡ് മഹാമാരിയെ തുടര്‍ന്ന് കടുത്ത പ്രതിസന്ധിയിലൂടെയാണ് ജനജീവിതം മുന്നോട്ട് പോകുന്നത്. അതിനൊപ്പം ഇന്ധന വിലവര്‍ദ്ധന കൂടി ആകുമ്പോള്‍ ഇരട്ട പ്രഹരമാണ് ഏല്‍ക്കേണ്ടി വരുന്നത്. ഇന്ധനവില കൂടുന്നത് അവശ്യവസ്തുക്കളുടെ വിലക്കയറ്റത്തിനും വഴിവയ്ക്കും.

ബിറ്റ്‌കോയിന്‍ മുതല്‍ ഡോജ് വരെ — അറിയാം ഇന്നത്തെ ക്രിപ്‌റ്റോകറന്‍സി നിരക്കുകള്‍

നേട്ടത്തില്‍ ചുവടുവെച്ച് വിപണി: മാര്‍ച്ച് പാദത്തിലെ ഫലം പ്രഖ്യാപിക്കാന്‍ എംആര്‍എഫ്

English summary

Premium Petrol Price crosses Rs 100 per litre in Kerala first time in history

Premium Petrol Price crosses Rs 100 per litre in Kerala first time in history. Premium petrol price crossed rs 100 per litre in 4 districts.
Story first published: Monday, June 7, 2021, 12:13 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X