പെട്രോള്‍ വിലയില്‍ 'സെഞ്ച്വറിയടിച്ച്' രാജസ്ഥാന്‍... ഒരു ലിറ്റര്‍ പ്രീമിയം പെട്രോളിന് 102.07 രൂപ!

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

ജയ്പൂര്‍: പെട്രോള്‍ വില സെഞ്ച്വറി അടിക്കുന്ന ദിവസം ഇന്ത്യയില്‍ അധികം ദൂരെയല്ലെന്ന് ഏറെക്കുറേ ഉറപ്പായിട്ടുണ്ട്. അന്താരാഷ്ട്ര വിപണിയില്‍ വില ഇടിഞ്ഞപ്പോഴും പെട്രോളിനും ഡീസലിനും വില കൂടിയ രാജ്യമായിരുന്നു ഇന്ത്യ.

 

പെട്രോള്‍ വില ലിറ്ററിന് നൂറ് രൂപ കടക്കാന്‍ ഒരുങ്ങുകയാണ് രാജസ്ഥാനില്‍ എന്നാണ് വാര്‍ത്ത. ഒരു ലിറ്റര്‍ പെട്രോളിന് രാജസ്ഥാനില്‍ 99 രൂപ വരെ വില എത്തിയിരിക്കുന്നു എന്നാണ് ലൈവ് മിന്റ് റിപ്പോര്‍ട്ട് ചെയ്യുന്നത്. പ്രീമിയം പെട്രോളിന്റെ വില ലിറ്ററിന് 100 രൂപ കടക്കുകയും ചെയ്തിട്ടുണ്ട്. വിശദാംശങ്ങള്‍.,.

ഒരു രൂപ കുറവ്

ഒരു രൂപ കുറവ്

തുടര്‍ച്ചയായി ആറാം ദിവസവും ഇന്ധന വില കൂടിയിരിക്കുകയാണ്. രാജസ്ഥാനില്‍ പെട്രോള്‍ ലിറ്ററിന് 99 രൂപയാണ് ഫെബ്രുവരി 14 ന് ഉള്ള വില. ഡീസലിന് ലിറ്ററിന് 91 രൂപയും.

വില കൂടുന്നു

വില കൂടുന്നു

ആറ് ദിവസത്തെ തുടര്‍ച്ചയായ വില വര്‍ദ്ധന തന്നെയാണ് രാജസ്ഥാനില്‍ റെക്കോര്‍ഡ് വിലയിലേക്ക് പെട്രോളിനെ എത്തിച്ചിട്ടുള്ളത്. 29 പൈസയാണ് പെട്രോളിന് ഒടുവില്‍ കൂടിയത്. ഡീസലിന് 32 പൈസയും കൂടിയിട്ടുണ്ട്.

വ്യത്യസ്ത വില

വ്യത്യസ്ത വില

രാജസ്ഥാനും ഇന്ത്യയില്‍ തന്നെ അല്ലേ. പിന്നെങ്ങനെയാണ് ഇത്രയും വില വ്യത്യാസം വരുന്നത് എന്നാകും പലരും ചിന്തിക്കുന്നത്. ഓരോ സംസ്ഥാനത്തേയും പ്രാദേശിക നികുതികളും ട്രാന്‍സ്‌പോര്‍ട്ടേഷന്‍ ചെലവുകളും അനുസരിച്ച് പെട്രോള്‍- ഡീസല്‍ വിലകളില്‍ വ്യത്യാസം ഉണ്ടാകും. അത് തന്നെയാണ് രാജസ്ഥാനിലെ ഈ ഉയര്‍ന്ന വിലയുടെ കാരണവും.

99 കടന്നു

99 കടന്നു

രാജ്യത്ത് ഇന്ധനങ്ങള്‍ക്ക് ഏറ്റവും അധികം വാറ്റ് ഏര്‍പ്പെടുത്തിയിട്ടുള്ള സംസ്ഥാനം രാജസ്ഥാന്‍ ആണ്. ശ്രീഗംഗാനഗറില്‍ ഫെബ്രുവരി 14 ഞായറാഴ്ച പെട്രോളിന്റെ വില 99.29 രൂപയായി ഉയര്‍ന്നു. ഡീസല്‍ വില ലിറ്ററിന് 91.17 രൂപയും ആയിട്ടുണ്ട്.

കുറച്ചിട്ടും ഇതാണ് സ്ഥിതി

കുറച്ചിട്ടും ഇതാണ് സ്ഥിതി

പെട്രോളിനും ഡീസലിനും ഏര്‍പ്പെടുത്തിയ വാറ്റ് വെട്ടിക്കുറയ്ക്കാന്‍ കഴിഞ്ഞ മാസം രാജസ്ഥാന്‍ സര്‍ക്കാര്‍ തയ്യാറായിരുന്നു. രണ്ട് ശതമാനം കുറച്ചെങ്കിലും ഇപ്പോഴും 36 ശതമാനം ആണ് പെട്രോളിന്റെ വാറ്റ്. ഡീസലിന് 26 ശതമാനവും.

100 കടന്നിട്ടുണ്ട്

100 കടന്നിട്ടുണ്ട്

രാജസ്ഥാനില്‍ തന്നെ പെട്രോള്‍ വില 100 രൂപ കടന്നിട്ടുണ്ട്. പ്രീമിയം പെട്രോളിനാണ് ലിറ്ററിന് 100 രൂപ കവിഞ്ഞത്. 102.07 രൂപയാണ് ഒരു ലിറ്റര്‍ പ്രീമിയം/ബ്രാന്‍ഡഡ് പെട്രോളിന്റെ വില. സമാന നിലവാരത്തിലുള്ള ഡീസലിന് 94.83 രൂപയും കൊടുക്കണം.

മുംബൈയില്‍ റെക്കോര്‍ഡ് വില

മുംബൈയില്‍ റെക്കോര്‍ഡ് വില

മുംബൈയിലും പെട്രോളിന് റെക്കോര്‍ഡ് വിലയില്‍ എത്തിയിട്ടുണ്. ഏറ്റവും ഒടുവിലത്തെ കണക്ക് പ്രകാരം ഒരു ലിറ്റര്‍ പെട്രോളിന് 95.21 രൂപയാണ്. കൊല്‍ക്കത്തില്‍ പെട്രോള്‍ വില ലിറ്ററിന് 90.01 രൂപയും ചെന്നൈയില്‍ 90.96 രൂപയും ആണ്. ബെംഗളൂരുവില്‍ 91.70 രൂപയും ഹൈദരാബാദില്‍ 92.26 രൂപയും ആണ് ഒരു ലിറ്റര്‍ പെട്രോളിന് വില.

ആറ് ദിവസം

ആറ് ദിവസം

തുടര്‍ച്ചയായി ആറ് ദിവസം പെട്രോളിനും ഡീസലിനും വില കൂടി എന്ന് നേരത്തേ പറഞ്ഞുവല്ലോ. ഈ ദിവസങ്ങളില്‍ മൊത്തം ഒരു ലിറ്റര്‍ പെട്രോളിന് 1.80 രൂപയാണ് വര്‍ദ്ധിച്ചത്. ഒരു ലിറ്റര്‍ ഡീസലിന് 1.88 രൂപയും.

English summary

Premium Petrol Price crosses Rs 100 per liter in Rajasthan | പെട്രോള്‍ വിലയില്‍ 'സെഞ്ച്വറിയടിച്ച്' രാജസ്ഥാന്‍... ഒരു ലിറ്റര്‍ പ്രീമിയം പെട്രോളിന് 102.07 രൂപ!

Premium Petrol Price crosses Rs 100 per liter in Rajasthan
Story first published: Sunday, February 14, 2021, 18:23 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X