വിമാന ടിക്കറ്റിന് പണമില്ലാത്ത പ്രവാസികൾക്ക് ആശ്വാസ വാർത്ത; നിങ്ങൾ ചെയ്യേണ്ടത് എന്ത്?

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

ജോലി നഷ്ടപ്പെട്ടും സാമ്പത്തിക പ്രതിസന്ധികളാലും നാട്ടിലേയ്ക്ക് മടങ്ങാൻ ഒരുങ്ങുന്ന പ്രവാസികൾക്ക് ആശ്വാസ വാർത്ത. വന്ദേ ഭാരത് ദൗത്യത്തിന്റെ ഭാഗമായി നാട്ടിലേക്ക് മടങ്ങാനുള്ള വിമാന ടിക്കറ്റിന് നിങ്ങളുടെ പക്കൽ പണമില്ലെങ്കിലും ഇനി പ്രശ്നമില്ല. ഇത്തരത്തിൽ സാമ്പത്തിക ബുദ്ധിമുട്ട് അനുഭവിക്കുന്ന ഇന്ത്യക്കാര്‍ക്ക് എംബസി, കോണ്‍സുലേറ്റ് ക്ഷേമനിധിയില്‍ നിന്നും സഹായം നൽകാനാണ് അധികൃതർ തീരുമാനിച്ചിരിക്കുന്നത്.

രേഖകൾ സമർപ്പിക്കണം
 

രേഖകൾ സമർപ്പിക്കണം

ടിക്കറ്റിനുള്ള സഹായം ആവശ്യമുള്ള, സാമ്പത്തിക ശേഷി കുറഞ്ഞ പ്രവാസി ഇന്ത്യക്കാര്‍ക്കാണ് ഈ സഹായം ലഭിക്കുക. ഇതിനായി പ്രവാസികൾ മതിയായ രേഖകൾ സമർപ്പിക്കണം. രേഖകളുമായി സമീപിച്ചാല്‍ എംബസി, കോണ്‍സുലേറ്റ് ക്ഷേമനിധിയില്‍ നിന്ന് (ICWF) സഹായം ലഭിക്കുമെന്ന് കേന്ദ്ര സര്‍ക്കാരിന് വേണ്ടി അസിസ്റ്റന്റ് സോളിസിറ്റര്‍ ജനറല്‍ തിങ്കളാഴ്ച കേരള ഹൈക്കോടതിയില്‍ ജസ്റ്റിസ് അനു ശിവരാമന് ഉറപ്പ് നല്‍കി.

പ്രവാസികൾക്ക് ആശ്വാസം, മൂന്ന് ശതമാനം പലിശയ്ക്ക് സ്വർണ പണയ വായ്‌പ

അപേക്ഷ

അപേക്ഷ

ടിക്കറ്റിനായുള്ള അപേക്ഷയ്‌ക്കൊപ്പം പാസ്‌പോര്‍ട്ട്, വിസ എന്നിവയാണ് പ്രവാസികൾ സമര്‍പ്പിക്കേണ്ടത്. കൂടാതെ എന്തുകൊണ്ട് ടിക്കറ്റെടുക്കാനുള്ള സാമ്പത്തിക ശേഷി ഇല്ല എന്ന് സ്വയം സാക്ഷ്യപ്പെടുത്തുകയും വേണം. ടിക്കറ്റിനുള്ള അപേക്ഷ, പാസ്‌പോര്‍ട്ടിന്റെ കോപ്പി, വിസയുടെ (എക്‌സിറ്റ് എക്‌സിറ്റ് ആന്‍ഡ് റീ എന്‍ട്രി)കോപ്പി, അതാത് രാജ്യത്തെ തൊഴില്‍ അല്ലെങ്കില്‍ താമസ ഐഡിയുടെ കോപ്പി, അപേക്ഷകരുടെ ഫോണ്‍ നമ്പര്‍ എന്നിവ സഹിതം അതാത് എംബസി കോണ്‍സുലേറ്റുകളിലാണ് അപേക്ഷ സമര്‍പ്പിക്കേണ്ടത്.

പ്രവാസികൾക്ക് സർക്കാരിന്റെ ധനസഹായം; പെൻഷന് പുറമേ ഒറ്റത്തവണ സാമ്പത്തിക സഹായം

കേന്ദ്ര നിലപാട്

കേന്ദ്ര നിലപാട്

സാമ്പത്തിക ബുദ്ധിമുട്ടനുഭവിക്കുന്ന പ്രവാസി ഇന്ത്യക്കാരെ നാട്ടിലെത്തിക്കുന്നതിന് ഗള്‍ഫ് രാജ്യങ്ങളിലെ എംബസി ക്ഷേമനിധി (ഇന്ത്യന്‍ കമ്മ്യൂണിറ്റി വെല്‍ഫെയര്‍ ഫണ്ട്) ഉപയോഗിക്കാന്‍ കേന്ദ്രസര്‍ക്കാരിനും എംബസികള്‍ക്കും കോണ്‍സുലേറ്റുകള്‍ക്കും നിര്‍ദ്ദേശം നല്‍കണം എന്ന് ആവശ്യപ്പെട്ട് കേരള ഹൈക്കോടതിയില്‍ സമര്‍പ്പിച്ച ഹര്‍ജിയിലാണ് കേന്ദ്ര സര്‍ക്കാര്‍ നിലപാട് അറിയിച്ചത്.

പ്രവാസികൾക്ക് പണി പോകുമോ? വ്യവസായ മേഖലകൾ അനിശ്ചിതത്വത്തിൽ, കേരളത്തിന് തിരിച്ചടി

ഹർജി

ഹർജി

വടകര പാലോളിത്താഴയില്‍ ജിഷ, തിരുവനന്തപുരം മടവൂര്‍ പുലിയൂര്‍ക്കോണത്ത് ഷീബ മന്‍സിലില്‍ ഷീബ, കോഴിക്കോട് ഒഞ്ചിയം പുലിക്കോട്ട് കുനിയില്‍ വീട്ടില്‍ മനീഷ, മനുഷ്യാവകാശ പ്രവര്‍ത്തകന്‍ ജോയ് കൈതാരത്ത് എന്നിവരാണ് ഹര്‍ജി സമര്‍പ്പിച്ചത്. അഡ്വ. പി ചന്ദ്രശേഖരന്‍, അഡ്വ. ജോണ്‍ കെ ജോര്‍ജ്, അഡ്വ. ആര്‍ മുരളീധരന്‍ എന്നിവരാണ് ഹര്‍ജിക്കാര്‍ക്ക് വേണ്ടി കോടതിയില്‍ ഹാജരായത്.

English summary

Relief for expatriates, Indian consulate helps to buy flight tickets | വിമാന ടിക്കറ്റിന് പണമില്ലാത്ത പ്രവാസികൾക്ക് ആശ്വാസ വാർത്ത; നിങ്ങൾ ചെയ്യേണ്ടത് എന്ത്?

Relief for migrants preparing to return home after losing their jobs. Read in malayalam.
Story first published: Tuesday, May 26, 2020, 17:57 [IST]
Company Search
Thousands of Goodreturn readers receive our evening newsletter.
Have you subscribed?
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more
X