ജനുവരി 1 മുതല്‍ ചെക്ക് ഇടപാടുകള്‍ക്ക് പുതിയ നിയമം വരുന്നൂ

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

2021 ജനുവരി 1 മുതല്‍ ചെക്ക് വഴിയുള്ള ഇടപാടുകള്‍ക്ക് പുതിയ ചട്ടം വരുന്നൂ. ചെക്ക് തട്ടിപ്പുകള്‍ തടയുക ലക്ഷ്യമിട്ട് പുതിയ 'പോസിറ്റീവ് പേ' സംവിധാനം ആവിഷ്‌കരിച്ചിരിക്കുകയാണ് റിസര്‍വ് ബാങ്ക്. 50,000 രൂപയ്ക്ക് മുകളിലുള്ള ചെക്കുകള്‍ അതിവേഗം ക്ലിയര്‍ ചെയ്യാന്‍ പുതിയ നടപടിക്ക് സാധിക്കും.

ജനുവരി 1 മുതല്‍ ചെക്ക് ഇടപാടുകള്‍ക്ക് പുതിയ നിയമം വരുന്നൂ

 

'പോസിറ്റീവ് പേ'യ്ക്ക് കീഴില്‍ ചെക്ക് നല്‍കുന്ന വ്യക്തി ഇടപാടുമായി ബന്ധപ്പെട്ട എല്ലാ വിവരങ്ങളും ബാങ്കിന് കൈമാറണം. ഇഷ്യൂ ചെയ്യുന്ന സമയത്ത് അക്കൗണ്ട് ഉടമ നല്‍കുന്ന വിവരങ്ങള്‍ അടിസ്ഥാനപ്പെടുത്തിയാകും അതത് ബാങ്കുകള്‍ ചെക്ക് പ്രോസസ് ചെയ്യുക. ചെക്കുകള്‍ക്ക് പോസിറ്റീവ് പേ സംവിധാനം ഏര്‍പ്പെടുത്തണമോ എന്ന കാര്യം അക്കൗണ്ട് ഉടമകള്‍ക്ക് തീരുമാനിക്കാം. എന്നാല്‍ 5 ലക്ഷം രൂപയ്ക്ക് മുകളിലുള്ള ചെക്ക് ഇടപാടുകള്‍ക്ക് പുതിയ ചട്ടം ബാങ്കുകള്‍ നിര്‍ബന്ധമാക്കും.

Most Read: രാജ്യത്ത് ആർടിജിഎസ് സേവനങ്ങൾ 24 മണിക്കൂറും: അർദ്ധരാത്രി 12 മുതൽ പ്രാബല്യത്തിൽ, ചട്ടങ്ങൾ ഇങ്ങനെ..

പോസിറ്റീവ് പേ: അറിയണം ഇക്കാര്യങ്ങള്‍

— പോസിറ്റീവ് പേയ്ക്ക് കീഴില്‍ ഇഷ്യു ചെയ്യുന്ന ചെക്കിന്റെ വിവരങ്ങള്‍ അക്കൗണ്ട് ഉടമ ബാങ്കിനെ അറിയിക്കേണ്ടതുണ്ട്. തീയതി, ചെക്ക് നല്‍കുന്ന/കൈപ്പറ്റുന്നയാളുടെ പേര്, ചെക്കിലെ തുക തുടങ്ങിയവ എസ്എംഎസോ മൊബൈല്‍ ആപ്പോ ഇന്റര്‍നെറ്റ് ബാങ്കിങ്ങോ വഴി ബന്ധപ്പെട്ട വ്യക്തിക്ക് ബാങ്കിന് കൈമാറാം.

— ചെക്ക് ബാങ്കിലെത്തുമ്പോള്‍ അക്കൗണ്ട് ഉടമ നല്‍കിയ വിവരങ്ങള്‍ ചെക്കിലുള്ള വിവരങ്ങളുമായി പോസിറ്റീവ് പേ സംവിധാനം ഒത്തുനോക്കും. വിവരങ്ങള്‍ കൃത്യമല്ലെന്നുണ്ടെങ്കില്‍ ചെക്ക് പ്രോസസ് ചെയ്യപ്പെടില്ല. നല്‍കിയ വിവരങ്ങളില്‍ തെറ്റുണ്ടെന്ന് കണ്ടാല്‍ ഇഷ്യൂ ചെയ്ത വ്യക്തിയുടെ പക്കലേക്ക് ചെക്ക് തിരിച്ചയക്കപ്പെടും.

— നിലവില്‍ സിടിസ് സംവിധാനം (ചെക്ക് ട്രങ്കേഷന്‍ സിസ്റ്റം) വഴിയാണ് ബാങ്കുകള്‍ ചെക്ക് പരിശോധിക്കുന്നത്. ദേശീയ പേമെന്റ് കോര്‍പ്പറേഷന്റെ സഹായത്തോടെ പുതിയ പോസിറ്റീവ് പേ സൗകര്യം കൂടി സിടിഎസിന്റെ ഭാഗമാവും.

— 50,000 രൂപയ്ക്ക് മുകളില്‍ ഇഷ്യൂ ചെയ്യുന്ന എല്ലാ ചെക്കുകളിലും പോസിറ്റീവ് പേ ഏര്‍പ്പെടുത്താനുള്ള സൗകര്യം ബാങ്കുകള്‍ അക്കൗണ്ട് ഉടമകള്‍ക്ക് നല്‍കും. എന്നാല്‍ ഇടപാട് പോസിറ്റീവ് പേയിലൂടെ വേണമോയെന്ന കാര്യം വ്യക്തികള്‍ക്ക് തീരുമാനിക്കാം. ഇതേസമയം, 5 ലക്ഷം രൂപയ്ക്ക് മുകളിലൂടെ ചെക്ക് ഇടപാടുകള്‍ക്ക് പോസിറ്റീവ് പേ നിര്‍ബന്ധമായിരിക്കും.

Read more about: cheque rbi
English summary

Reserve Bank To Implement Positive Pay For Cheque Payments From January 1st

Reserve Bank To Implement Positive Pay For Cheque Payments From January 1st. Read in Malayalam.
Story first published: Sunday, December 13, 2020, 19:37 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X