എസ്ബിഐ ഹ്രസ്വകാല വായ്പകളുടെ പലിശ നിരക്ക് വീണ്ടും കുറച്ചു; പുതിയ നിരക്ക് അറിയാം

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

ഇന്ത്യയിലെ ഏറ്റവും വലിയ പൊതുമേഖലാ ബാങ്കായ സ്റ്റേറ്റ് ബാങ്ക് ഓഫ് ഇന്ത്യ (എസ്‌ബി‌ഐ) ഇന്ന് രാവിലെ വായ്പകളുടെ എംസിഎൽആർ നിരക്ക് കുറച്ചതായി പ്രഖ്യാപിച്ചു. എം‌സി‌എൽ‌ആർ നിരക്ക് 5-10 ബേസിസ് പോയിന്റാണ് കുറച്ചിരിക്കുന്നത്. അതായത് മൂന്ന് മാസം വരെ കാലാവധിയുള്ള വായ്പകളുടെ പലിശ നിരക്കാണ് ബാങ്ക് കുറച്ചിരിക്കുന്നത്. 2020 ജൂലൈ 10 മുതൽ പുതിയ നിരക്കുകൾ പ്രാബല്യത്തിൽ വരും. വായ്പ എടുക്കൽ വർദ്ധിപ്പിക്കുന്നതിനും ഡിമാൻഡ് പുനരുജ്ജീവിപ്പിക്കുന്നതിനുമായി ചെറിയ കാലാവധികളിലുള്ള വായ്പകളുടെ നിരക്ക് കുറച്ചതായി ബാങ്ക് പ്രസ്താവനയിൽ പറയുന്നു.

 

പതിനാലാമത്തെ നിരക്ക് കുറയ്ക്കൽ

പതിനാലാമത്തെ നിരക്ക് കുറയ്ക്കൽ

എസ്‌ബി‌ഐ നൽകുന്ന വിവരം അനുസരിച്ച് ഇത് ബാങ്കിന്റെ എം‌സി‌എൽ‌ആറിൽ തുടർച്ചയായ പതിനാലാമത്തെ കുറവാണ്. ഈ പരിഷ്കരണത്തോടെ, എസ്‌ബി‌ഐയുടെ 3 മാസം വരെയുള്ള വായ്പകളുടെ എം‌സി‌എൽ‌ആർ നിരക്ക് 6.65 ശതമാനമായി കുറയും. ഇത് ബാഹ്യ ബെഞ്ച്മാർക്ക് അടിസ്ഥാനമാക്കിയുള്ള വായ്പാ നിരക്കിന് (ഇബി‌എൽ‌ആർ) തുല്യമാണ്. ഒരു വർഷം, രണ്ട് വർഷം, മൂന്ന് വർഷം എന്നീ കാലാവധികളിലെ എംസി‌എൽ‌ആർ നിരക്ക് യഥാക്രമം 7% , 7.2% , 7.3% എന്നിങ്ങനെയാണ്.

പരിഷ്കരിച്ച എംസിഎൽആർ

പരിഷ്കരിച്ച എംസിഎൽആർ

എസ്‌ബി‌ഐയുടെ എം‌സി‌എൽ‌ആർ വിപണിയിലെ ഏറ്റവും താഴ്ന്ന നിലയിലാണെന്നും ബാങ്ക് പ്രസ്താവനയിൽ വ്യക്തമാക്കി. വിവിധ കാലാവധികളിലുള്ള ബാങ്കിന്റെ പരിഷ്കരിച്ച എംസിഎൽആർ നിരക്ക് ചുവടെ ചേർക്കുന്നു.

എസ്‌ബിഐയുടെ യോനോ ആപ്പ് ഉണ്ടോ? നിമിഷ നേരം കൊണ്ട് ഡിജിറ്റൽ സേവിംഗ്‌സ് അക്കൗണ്ട് തുറക്കാം

കാലാവധികളും നിരക്കുകളും

കാലാവധികളും നിരക്കുകളും

  • ഒരു രാത്രി - 6.65%
  • ഒരു മാസം - 6.65%
  • മൂന്ന് മാസം - 6.65%
  • ആറ് മാസം - 6.95%
  • ഒരു വർഷം - 7%
  • രണ്ട് വർഷം - 7.2%
  • മൂന്ന് വർഷം 7.3 %

ഭവനവായ്‌പ; വിവിധ ബാങ്കുകളുടെ പലിശ, പ്രോസസ്സിംഗ് ഫീസ് എന്നിവ താരതമ്യപ്പെടുത്തുമ്പോൾ

മറ്റ് നിരക്ക് കുറയ്ക്കലുകൾ

മറ്റ് നിരക്ക് കുറയ്ക്കലുകൾ

ജൂണിൽ ബാങ്ക് പ്രധാന വായ്പാ നിരക്കുകളായ എംസി‌എൽ‌ആർ, എക്സ്റ്റേണൽ ബെഞ്ച്മാർക്ക് നിരക്ക് (ഇബിആർ) എന്നിവ യഥാക്രമം 25 ബേസിസ് പോയിന്റുകളും 40 ബേസിസ് പോയിന്റുകളും കുറച്ചിരുന്നു. ഒരു വർഷത്തെ എംസി‌എൽ‌ആർ പ്രതിവർഷം 7 ശതമാനമായി കുറഞ്ഞു.

എടിഎമ്മിൽ നിന്ന് കാശ് പിൻവലിക്കൽ: ജൂലൈ 1 മുതൽ പുതിയ മാറ്റം, അറിയേണ്ട കാര്യങ്ങൾ

റിസർവ് ബാങ്ക് നിരക്ക് കുറയ്ക്കൽ

റിസർവ് ബാങ്ക് നിരക്ക് കുറയ്ക്കൽ

ബാഹ്യ ബെഞ്ച്മാർക്ക് വായ്‌പാ നിരക്കും റെപ്പോ-ലിങ്ക്ഡ് ലെൻഡിംഗ് നിരക്കും ബന്ധപ്പെടുത്തി വായ്പ ലഭിക്കുന്ന വായ്പക്കാർക്ക് റിസർവ് ബാങ്ക് പ്രഖ്യാപിച്ച 40 ബേസിസ് പോയിന്റ് നിരക്ക് കുറയ്ക്കലും ബാങ്ക് ഉപഭോക്താക്കൾക്ക് കൈമാറി. ഇതോടെ എസ്‌ബി‌ഐയുടെ ഇബി‌ആറും ആർ‌എൽ‌എൽ‌ആറും യഥാക്രമം 40 ബി‌പി‌എസ് കുറഞ്ഞ് 6.65 ശതമാനമായും 6.25 ശതമാനമായും കുറഞ്ഞു.

English summary

SBI cuts interest rates on short-term loans, new rates here | എസ്ബിഐ ഹ്രസ്വകാല വായ്പകളുടെ പലിശ നിരക്ക് വീണ്ടും കുറച്ചു; പുതിയ നിരക്ക് അറിയാം

State Bank of India (SBI), India's largest public sector lender, today announced that it has reduced its MCLR rate on loans. Read in malayalam.
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X