എസ്ബിഐ ഇന്റര്‍നെറ്റ് ബാങ്കിങ് ഞായറാഴ്ച മുടങ്ങും; എപ്പോള്‍, എങ്ങനെ, എന്തുകൊണ്ട്? അറിയാം

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

ദില്ലി: രാജ്യത്തെ ഏറ്റവും വലിയ ബാങ്ക് ഏതെന്ന് ചോദിച്ചാല്‍ ഒരുനിമിഷം പോലും ആലോചിക്കാതെ ആര്‍ക്കും മറുപടി പറയാം. അത് സ്റ്റേറ്റ് ബാങ്ക് ഓഫ് ഇന്ത്യ എന്ന എസ്ബിഐ ആണ്. ഏറ്റവും അധികം ഉപഭോക്താക്കള്‍ ഇന്റര്‍നെറ്റ് ബാങ്കിങ് ഉപയോഗിക്കുന്ന ബാങ്കുകളില്‍ ഒന്നുകൂടിയാണ് എസ്ബിഐ.

 

ജൂലായ് 4, ഞായറാഴ്ച എസ്ബിഐയുടെ ഇന്റര്‍നെറ്റ് ബാങ്കിങ് സേവനങ്ങളില്‍ തടസ്സം നേരിടും എന്നാണ് അധികൃതര്‍ അറിയിച്ചിട്ടുള്ളത്. എപ്പോള്‍, എങ്ങനെ, എന്തുകൊണ്ട് എന്ന് പരിശോധിക്കാം....

ജൂലായ് 4 ന്

ജൂലായ് 4 ന്

ജൂലായ് 4 ഞായറാഴ്ച് എസ്ബിയുടെ ഇന്റര്‍നെറ്റ് ബാങ്ക് സേവനങ്ങള്‍ മുടങ്ങും എന്നാണ് ബാങ്ക് അധികൃതര്‍ അറിയിച്ചിട്ടുള്ളത്. എന്തായാലും മുഴുവന്‍ സമയവും ഇത്തരം ഒരു പ്രശ്‌നം ഉപഭോക്താക്കള്‍ക്ക് നേരിടേണ്ടി വരില്ല. രണ്ടര മണിക്കൂറോളം മാത്രമേ ഈ പ്രശ്‌നം ഉണ്ടാകൂ.

എപ്പോള്‍

എപ്പോള്‍

സാധാരണ ഇടപാടുകള്‍ നടക്കുന്ന സമയത്തല്ല ഇന്റര്‍നെറ്റ് ബാങ്കിങ് സേവനങ്ങള്‍ക്ക് തടസ്സം നേരിടുക എന്നതില്‍ ആശ്വസിക്കാം. പുലര്‍ച്ചെ 3.25 മുതല്‍ 5.50 വരെ ആയിരിക്കും. മെയിന്റനന്‍സ് പ്രവര്‍ത്തനങ്ങള്‍ നടക്കുന്നതിനാല്‍ ആണ് ഈ സമയത്ത് സേവനങ്ങള്‍ക്ക് തടസ്സം നേരിടുക എന്നാണ് ബാങ്ക് അറിയിച്ചിട്ടുള്ളത്.

ഒന്നും വര്‍ക്ക് ആവില്ല

ഒന്നും വര്‍ക്ക് ആവില്ല

ഇന്റര്‍നെറ്റ് ബാങ്കിങ് സേവനങ്ങള്‍ തടസ്സപ്പെടും എന്ന് പറയുമ്പോള്‍ നെറ്റ് ബാങ്കിങ് മാത്രമല്ല തടസ്സപ്പെടുക. യോനോ, യോനോ ലൈറ്റ്, യുപിഐ സേവനങ്ങളും ഈ സമയത്ത് ലഭ്യമാവില്ലെന്നാണ് അധികൃതര്‍ വ്യക്തമാക്കിയിട്ടുളളത്. ഇത്തരത്തില്‍ ഒരു തടസ്സം നേരിടുന്നതില്‍ ഖേദിക്കുന്നു എന്നും ഔദ്യോഗിക ട്വിറ്റര്‍ ഹാന്‍ഡിലിലൂടെ എസ്ബിഐ അറിയിച്ചു.

കഴിഞ്ഞ മാസവും

കഴിഞ്ഞ മാസവും

ഇന്റര്‍നെറ്റ് ബാങ്കിങ് സംബന്ധിച്ചും മൊബൈല്‍ ബാങ്കിങ് സംബന്ധിച്ചും എല്ലാം എസ്ബിഐയെ സംബന്ധിച്ച് ഉപഭോക്താക്കള്‍ക്ക് പലവിധ പരാതികള്‍ ഉണ്ട്. കഴിഞ്ഞ മാസവും മെയിന്റനന്‍സ് പ്രവര്‍ത്തനങ്ങളുടെ പേരില്‍ ഏറെ നേരം ഇന്റര്‍നെറ്റ് ബാങ്കിങും യോനോയും യുപിഐയും എല്ലാം എസ്ബിഐയില്‍ തടസ്സപ്പെട്ടിരുന്നു.

ഒടിപി എപ്പോള്‍ വരും

ഒടിപി എപ്പോള്‍ വരും

എസ്ബിഐ സംബന്ധിച്ച് ഏറ്റവും വലിയ പരാതി ഒടിപിയെ കുറിച്ചാണ്. ഇടപാടുനടത്താന്‍ ആയി ഒടിപിയ്ക്ക് കാത്തിരിക്കേണ്ടി വരും പലപ്പോഴും. ചില ഘട്ടങ്ങളില്‍ സമയപരിധി കഴിഞ്ഞതിന് ശേഷമായിരിക്കും ഒടിപി ലഭിക്കുക എന്നും പരാതിയുണ്ട്. മെയിന്റനന്‍സ് പ്രവര്‍ത്തനങ്ങള്‍ നടത്തുമ്പോള്‍ ഈ പ്രശ്‌നം പരിഹരിക്കപ്പെടുമോ എന്നാണ് ഉപഭോക്താക്കളുടെ ചോദ്യം.

ഏറ്റവും വലിയ ബാങ്ക്

ഏറ്റവും വലിയ ബാങ്ക്

ഇന്ത്യയിലെ ഏറ്റവും വലിയ ബാങ്ക് ആണ് എസ്ബിഐ. രാജ്യത്താകമാനം 22,000 ബ്രാഞ്ചുകളുണ്ട്. 57,889 എടിഎം കൗണ്ടുകളും ഉണ്ട്. 2020 ഡിസംബര്‍ 31 വരെയുള്ള കണക്ക് പ്രകാരം 8.5 കോടി ഇന്റര്‍നെറ്റ് ബാങ്കിങ് ഉപഭോക്താക്കളുണ്ട് എസ്ബിഐയ്ക്ക്. 109 കോടി മൊബൈല്‍ ബാങ്കിങ് ഉപഭോക്താക്കളും ഉണ്ട്. 13.5 കോടി യുപിഐ ഉപഭോക്താക്കളും എസ്ബിഐയ്ക്കുണ്ട്.

English summary

SBI Internet Banking services will not be available for more than two hours on July 4, Sunday | എസ്ബിഐ ഇന്റര്‍നെറ്റ് ബാങ്കിങ് ഞായറാഴ്ച മുടങ്ങും; എപ്പോള്‍, എങ്ങനെ, എന്തുകൊണ്ട്? അറിയാം

SBI Internet Banking services will not be available for more than two hours on July 4, Sunday
Story first published: Saturday, July 3, 2021, 20:44 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X