സോവറിൻ ഗോൾഡ് ബോണ്ട്, തിങ്കളാഴ്ച സബ്‌സ്‌ക്രിപ്‌ഷനായി തുറക്കും: അറിയേണ്ട 6 കാര്യങ്ങൾ

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

സോവറിൻ ഗോൾഡ് ബോണ്ടുകൾ തിങ്കളാഴ്ച സബ്‌സ്‌ക്രിപ്‌ഷനായി തുറക്കും. ഇന്ത്യൻ സർക്കാരിനുവേണ്ടി റിസർവ് ബാങ്ക് ബോണ്ടുകളുടെ ഇഷ്യു വില ഒരു ഗ്രാമിന് 5,051 രൂപയായാണ് നിശ്ചയിച്ചിരിക്കുന്നത്. ഓൺലൈനിൽ അപേക്ഷിക്കുകയും ഡിജിറ്റൽ മോഡ് വഴി സ്വർണം വാങ്ങുകയും ചെയ്യുന്ന നിക്ഷേപകർക്ക് ഒരു ഗ്രാമിന് 50 രൂപ കിഴിവ് ലഭിക്കും. അവർക്ക് ഇഷ്യു വില ഗ്രാമിന് 5,001 രൂപയാണ്. സോവറിൻ ഗോൾഡ് ബോണ്ട് സ്കീം 2020-21-സീരീസ് VII ന്റെ സബ്സ്ക്രിപ്ഷൻ ഒക്ടോബർ 16ന് അവസാനിക്കും.

 

കുറഞ്ഞ വില

കുറഞ്ഞ വില

അഞ്ചാം വർഷത്തിനുശേഷം എക്സിറ്റ് ഓപ്ഷനുമായി എട്ട് വർഷത്തേക്ക് മെച്യൂരിറ്റി കാലാവധിയാണ് ഗോൾഡ് ബോണ്ടുകൾക്കുള്ളത്. അന്നത്തെ സ്വർണ വിലയെ അടിസ്ഥാനമാക്കിയായിരിക്കും വീണ്ടെടുക്കൽ വില. ഓഗസ്റ്റിലെ ഏറ്റവും ഉയർന്ന നിരക്കിൽ നിന്ന് സ്വർണ്ണ വില ഗണ്യമായി കുറഞ്ഞ സമയത്താണ് ഈ ഏറ്റവും പുതിയ സീരിസ് വിൽപ്പനയ്ക്ക് എത്തുന്നത്. ഫ്യൂച്ചേഴ്സ് വിപണിയിൽ 10 ഗ്രാമിന് 56,200 രൂപയാണ് നിലവിലെ സ്വർണ നിരക്ക്.

സ്വർണ്ണ വില തുടർച്ചയായ മൂന്നാം ദിവസവും കുറഞ്ഞു, വെള്ളി വിലയിലും കനത്ത ഇടിവ്

ഇഷ്യു വില

ഇഷ്യു വില

ഏറ്റവും പുതിയ സ്വർണ്ണ ബോണ്ടുകളുടെ ഇഷ്യു വില നിശ്ചയിച്ചിരിക്കുന്നത് ലളിതമായ ശരാശരി ക്ലോസിംഗ് വിലയെ അടിസ്ഥാനമാക്കിയാണ്. ഒക്ടോബർ 07 മുതൽ ഒക്ടോബർ 09 വരെയുള്ള വിലകളുടെ ശരാശരിയാണ് ഇഷ്യൂ വിലയായി തിരഞ്ഞെടുത്തിരിക്കുന്നത്. ഇന്ത്യൻ സർക്കാരിനുവേണ്ടി റിസർവ് ബാങ്കാണ് സോവറിൻ ഗോൾഡ് ബോണ്ടുകൾ നൽകുന്നത്.

7.15% പലിശയ്ക്ക് സർക്കാരിന്റെ ഫ്ലോട്ടിംഗ് റേറ്റ് ബോണ്ടുകൾ; നേട്ടങ്ങൾ നിരവധി, അറിയേണ്ട കാര്യങ്ങൾ

കുറഞ്ഞ നിക്ഷേപം

കുറഞ്ഞ നിക്ഷേപം

ഭൌതിക സ്വർണ്ണത്തിന്റെ ആവശ്യം കുറയ്ക്കുന്നതിനും ആഭ്യന്തര സമ്പാദ്യത്തിന്റെ ഒരു ഭാഗം സാമ്പത്തിക ലാഭത്തിലേക്ക് മാറ്റുന്നതിനുമായി 2015 നവംബറിലാണ് സോവറിൻ സ്വർണ്ണ ബോണ്ട് പദ്ധതി ആരംഭിച്ചത്. അനുവദനീയമായ ഏറ്റവും കുറഞ്ഞ നിക്ഷേപം 1 ഗ്രാം സ്വർണ്ണമാണ്.

സോവറിൻ ഗോൾഡ് ബോണ്ട് സബ്‌സ്‌ക്രിപ്‌ഷൻ ഇന്ന് മുതൽ: നിങ്ങൾ അറിയേണ്ട 10 കാര്യങ്ങൾ

ബോണ്ട് വിൽക്കുന്നത് എവിടെ​?

ബോണ്ട് വിൽക്കുന്നത് എവിടെ​?

ബാങ്കുകൾ (ചെറുകിട ധനകാര്യ ബാങ്കുകളും പേയ്‌മെന്റ് ബാങ്കുകളും ഒഴികെ), സ്റ്റോക്ക് ഹോൾഡിംഗ് കോർപ്പറേഷൻ ഓഫ് ഇന്ത്യ (എസ്എച്ച്സിഐഎൽ), നിയുക്ത പോസ്റ്റോഫീസുകൾ, അംഗീകൃത സ്റ്റോക്ക് എക്സ്ചേഞ്ചുകൾ (എൻ‌എസ്‌ഇ, ബി‌എസ്‌ഇ) എന്നിവയിലൂടെയാണ് സ്വർണ്ണ ബോണ്ടുകൾ വിൽക്കുക.

പലിശ

പലിശ

വാങ്ങുന്നയാൾ കാലാവധി പൂർത്തിയാകുന്നതുവരെ ഭൌതികമല്ലാത്ത സ്വർണ്ണത്തിൽ നിക്ഷേപിക്കാനുള്ള ഫലപ്രദമായ മാർഗമാണ് സോവറിൻ ഗോൾഡ് ബോണ്ട് എന്ന് വിദഗ്ദ്ധർ പറയുന്നു. ഗോൾഡ് ബോണ്ടുകൾ നിക്ഷേപകർക്ക് 2.50% വാർഷിക പലിശ നിരക്ക് വാഗ്ദാനം ചെയ്യുന്നുണ്ട്. ഡിമാറ്റ് രൂപത്തിൽ കൈവശം വച്ചാൽ നിക്ഷേപകന് സ്വർണം സംഭരിക്കുന്നതിനെക്കുറിച്ച് ആശങ്കപ്പെടേണ്ടതില്ല, ഭൌതിക സ്വർണ്ണത്തിൽ നിന്ന് വ്യത്യസ്തമായി ജിഎസ്ടി ലെവിയും ഇല്ല.

നികുതി രഹിതം

നികുതി രഹിതം

മെച്യുരിറ്റി സമയത്ത് മൂലധന നേട്ടങ്ങൾ ഉണ്ടെങ്കിൽ അത് നികുതി രഹിതമാണ്. സ്വർണ്ണ ബോണ്ടുകളിൽ ലഭ്യമായ ഏറ്റവും മികച്ച ആനുകൂല്യമാണിത്.

English summary

Sovereign Gold Bond 2020-21-Series VII opens Monday for subscription: 6 things to know | സോവറിൻ ഗോൾഡ് ബോണ്ട്, തിങ്കളാഴ്ച സബ്‌സ്‌ക്രിപ്‌ഷനായി തുറക്കും: അറിയേണ്ട 6 കാര്യങ്ങൾ

Subscriptions to the Sovereign Gold Bond Scheme 2020-21-Series VII expire on October 16. Read in malayalam.
Story first published: Saturday, October 10, 2020, 14:35 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X