റിലയന്‍സ്, ഓഎന്‍ജിസി ഓഹരികളുടെ ബലത്തില്‍ സെന്‍സെക്‌സിന് നേട്ടം

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

മുംബൈ: ചാഞ്ചാട്ടങ്ങള്‍ക്കൊടുവില്‍ ഓഹരി വിപണി വ്യാഴാഴ്ച്ച നേട്ടത്തില്‍ വ്യാപാരം പൂര്‍ത്തിയാക്കി. അവസാന മണിക്കൂറില്‍ ദിവസത്തിലെ ഏറ്റവും ഉയര്‍ന്ന നില കയ്യെത്തിപ്പിടിച്ച ഇന്ത്യന്‍ സൂചികകള്‍ അവസാന നിമിഷം ഒരല്‍പ്പം പിന്‍വാങ്ങുന്നതും നിക്ഷേപകര്‍ കണ്ടു. 257 പോയിന്റ് കയറി 51,039.31 എന്ന നിലയിലാണ് ബിഎസ്ഇ സെന്‍സെക്‌സ് സൂചിക ഇടപാടുകള്‍ക്ക് വിരാമമിട്ടത്. എന്‍എസ്ഇയില്‍ നിഫ്റ്റി ഫിഫ്റ്റി സൂചിക 115 പോയിന്റ് മുന്നേറി 15,097.35 എന്ന നിലയില്‍ വ്യാപാരം പൂര്‍ത്തീകരിച്ചു.

 
റിലയന്‍സ്, ഓഎന്‍ജിസി ഓഹരികളുടെ ബലത്തില്‍ സെന്‍സെക്‌സിന് നേട്ടം

റിലയന്‍സ് ഇന്‍ഡസ്ട്രീസ്, ടാറ്റ കണ്‍സള്‍ട്ടന്‍സി സര്‍വീസസ്, ആക്‌സിസ് ബാങ്ക്, എന്‍ടിപിസി, ഇന്‍ഡസ്ഇന്‍ഡ് ബാങ്ക് ഓഹരികളുടെ ബലത്തിലാണ് സെന്‍സെക്‌സിന്റെ മുന്നേറ്റം. സെന്‍സെക്‌സില്‍ എന്‍ടിപിസി ഓഹരികള്‍ 4.8 ശതമാനം വരെ ഉയര്‍ന്നു. 4.4 ശതമാനം നേട്ടം ഓഎന്‍ജിസി, റിലയന്‍സ് ഇന്‍ഡസ്ട്രീസ്, ഇന്‍ഡസ്ഇന്‍ഡ്, ആക്‌സിസ് ബാങ്ക്, പവര്‍ ഗ്രിഡ് ഓഹരികളും കാഴ്ച്ചവെച്ചിട്ടുണ്ട്. ഇതേസമയം, നഷ്ടം സംഭവിച്ചവരുടെ പട്ടികയില്‍ ഐസിഐസിഐ ബാങ്കാണ് പ്രധാനി. നിക്ഷേപകര്‍ ലാഭമെടുപ്പിലേക്ക് തിരിഞ്ഞതോടെ ഐസിഐസിഐ ബാങ്ക് ഓഹരികള്‍ 2 ശതമാനത്തോളം താഴ്ന്നു. നെസ്‌ലെ ഇന്ത്യ, എല്‍ ആന്‍ഡ് ടി, ടൈറ്റന്‍ കമ്പനി, ഹിന്ദുസ്താന്‍ യുണിലെവര്‍, അള്‍ട്രാടെക്ക് സിമന്റ്, എച്ച്ഡിഎഫ്‌സി എന്നിവരും നഷ്ടത്തിലാണ് ദിനം അവസാനിപ്പിച്ചത്.

വിശാല വിപണികളില്‍ ബിഎസ്ഇ സ്‌മോള്‍ക്യാപ് സൂചിക മിഡ്ക്യാപ്, ലാര്‍ജ്ക്യാപ് സൂചികകളെ പിന്നിലാക്കി 20,305 എന്ന നിലയില്‍ ഇടപാടുകള്‍ക്ക് തിരശ്ശീലയിട്ടു (1.4 ശതമാനം നേട്ടം). ദിവസ വ്യാപാരത്തിനിടെ സ്‌മോള്‍ക്യാപ് സൂചിക 20,321 എന്ന റെക്കോര്‍ഡ് തൊടുന്നതിനും നിക്ഷേപകര്‍ സാക്ഷിയായി. മറുഭാഗത്ത് ബിഎസ്ഇ മിഡ്ക്യാപ് സൂചിക 1 ശതമാനം നേട്ടതോടെ 20,334 എന്ന നിലയിലാണ് വ്യാപാരം അവസാനിപ്പിച്ചത്. മേഖല തിരിച്ച് പരിശോധിച്ചാല്‍ 4 ശതമാനം ഉയര്‍ന്ന നിഫ്റ്റി ലോഹ സൂചികയാണ് കൂട്ടത്തിലെ താരം. നിഫ്റ്റി റിയല്‍റ്റി സൂചിക 1.7 ശതമാനവും പൊതുമേഖലാ ബാങ്ക്, ഫാര്‍മ, ഓട്ടോ സൂചികകള്‍ 1 ശതമാനം വീതവും മുന്നേറി.

English summary

Stock Market Close: Sense Advances 258 Points Led By Reliance And ONGC Shares, Nifty At 15,097

Stock Market Close: Sense Advances 258 Points Led By Reliance And ONGC Shares, Nifty At 15,097. Read in Malayalam.
Story first published: Thursday, February 25, 2021, 16:11 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X