രണ്ടു ദിവസത്തെ ക്ഷീണം മായ്ച്ചു; സെന്‍സെക്‌സ് 568 പോയിന്റ് തിരിച്ചുപിടിച്ചു, നിഫ്റ്റി 14,500 കടന്നു

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

മുംബൈ: വെള്ളിയാഴ്ച്ച നേട്ടത്തില്‍ വിപണി വ്യാപാരം പൂര്‍ത്തിയാക്കി. ഇന്ന് മെറ്റല്‍, ഓട്ടോ, സാമ്പത്തിക ഓഹരികളില്‍ കാര്യമായ വാങ്ങല്‍ നടന്നതിനെത്തുടര്‍ന്ന് സെന്‍സെക്‌സും നിഫ്റ്റിയും 1 ശതമാനത്തിന് മുകളില്‍ നേട്ടം കുറിച്ചാണ് ആഴ്ച്ച പിന്നിട്ടത്. നിഫ്റ്റി മെറ്റല്‍ സൂചിക 4 ശതമാനത്തിലേറെ ഉയര്‍ന്നു. വ്യവസായങ്ങള്‍ അടിസ്ഥാനപ്പെടുത്തിയുള്ള റിയല്‍റ്റി, ബാങ്ക്, ഫാര്‍മ, ഐടി സൂചികകളും 1.5 ശതമാനം വരെ മുന്നേറി.

 

ഇന്ന് അവസാന മണി മുഴങ്ങുമ്പോള്‍ ബിഎസ്ഇ സെന്‍സെക്‌സ് സൂചിക 568 പോയിന്റ് ഉയര്‍ന്ന് 49,008 നിലയിലേക്ക് തിരിച്ചുവന്നു (1.17 ശതമാനം നേട്ടം). എന്‍എസ്ഇ നിഫ്റ്റി ഫിഫ്റ്റി സൂചിക 14,500 നിലയും തിരിച്ചുപിടിച്ചു. 182.4 പോയിന്റ് ചാടി 14,507 എന്ന നിലയിലാണ് നിഫ്റ്റി ഇടപാടുകള്‍ മതിയാക്കിയത് (1.27 ശതമാനം നേട്ടം).

രണ്ടു ദിവസത്തെ ക്ഷീണം മായ്ച്ചു; സെന്‍സെക്‌സ് 568 പോയിന്റ് തിരിച്ചുപിടിച്ചു, നിഫ്റ്റി 14,500 കടന്നു

ബജാജ് ഫിന്‍സെര്‍വ്, ഏഷ്യന്‍ പെയിന്റ്‌സ്, ഹിന്ദുസ്താന്‍ യുണിലെവര്‍, ടൈറ്റന്‍ കമ്പനി, ബജാജ് ഓട്ടോ, എച്ച്ഡിഎഫ്‌സി ഓഹരികള്‍ സെന്‍സെക്‌സില്‍ താരങ്ങളായി. ഇവര്‍ 2.7 മുതല്‍ 4.4 ശതമാനം വരെ നേട്ടം കയ്യടക്കിയത് കാണാം. നിഫ്റ്റിയില്‍ ടാറ്റ സ്റ്റീല്‍, ടാറ്റ മോട്ടോര്‍സ്, ഭാരതി എയര്‍ടെല്‍, അദാനി പോര്‍ട്‌സ് ഓഹരികള്‍ നേട്ടത്തില്‍ ചുവടുറപ്പിച്ചു. 6 ശതമാനം വരെ നേട്ടം ഇക്കൂട്ടര്‍ കുറിച്ചു. മറുഭാഗത്ത് പവര്‍ഗ്രിഡ് കോര്‍പ്പറേഷന്‍ ഓഫ് ഇന്ത്യ, ഇന്‍ഡസ്ഇന്‍ഡ് ബാങ്ക്, ഐടിസി, മാരുതി സുസുക്കി, യുപിഎല്‍, ടിസിഎസ് ഓഹരികള്‍ ഇന്ന് കാര്യമായ നഷ്ടം ഏറ്റുവാങ്ങി. 2 ശതമാനം വരെ തകര്‍ച്ച മേല്‍പ്പറഞ്ഞ ഓഹരികളില്‍ സംഭവിച്ചു.

ഇന്ന് അരങ്ങേറ്റം കുറിച്ച കല്യാണ്‍ ജ്വല്ലേഴ്‌സ് ഓഹരികള്‍ 73.90 രൂപ നിരക്കിലാണ് ബോംബെ സ്‌റ്റോക്ക് എക്‌സ്‌ചേഞ്ചില്‍ വ്യാപാരം ആരംഭിച്ചത്. ഇഷ്യു വിലയെക്കാളും (87 രൂപ) 15 ശതമാനം ഇടിവിലാണ് ക്യലാണ്‍ ഓഹരികളുടെ തുടക്കം. എന്നാല്‍ ഒരുഘട്ടത്തില്‍ കമ്പനിയുടെ ഓഹരികള്‍ 81 രൂപ വരെ ഉയരുന്നത് നിക്ഷേപകര്‍ കണ്ടു. ഒടുവില്‍ 74.4 രൂപ നിരക്കിലാണ് ആദ്യ ദിനം കല്യാണ്‍ ജ്വല്ലേഴ്‌സ് ഇടപാടുകള്‍ക്ക് തിരശ്ശീലയിട്ടത്. ബെഞ്ച്മാര്‍ക്ക് സൂചികകള്‍ക്കൊപ്പം മികച്ചുനില്‍ക്കാന്‍ മിഡ്ക്യാപ്, സ്‌മോള്‍ക്യാപ് സൂചികകള്‍ക്കും വെള്ളിയാഴ്ച്ച സാധിച്ചു. ബിഎസ്ഇ മിഡ്ക്യാപ് സൂചിക 1.66 ശതമാനവും ബിഎസ്ഇ സ്‌മോള്‍ക്യാപ് സൂചിക 1 ശതമാനവും നേട്ടം ഇന്ന് കണ്ടെത്തി.

Read more about: stock market share market bitcoin
English summary

Stock Market Close: Sensex Gains 568 Points, Nifty Comes Back At 14,500 Level

Stock Market Close: Sensex Gains 568 Points, Nifty Comes Back At 14,500 Level. Read in Malayalam.
Story first published: Friday, March 26, 2021, 16:36 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X