നേരിയ നേട്ടം കുറിച്ച് വിപണി; 9 ശതമാനം കുതിച്ച് വിപ്രോ ഓഹരികള്‍

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

മുംബൈ: വെള്ളിയാഴ്ച്ച നേരിയ നേട്ടത്തില്‍ വിപണി വ്യാപാരം പൂര്‍ത്തിയാക്കി. അവസാന മണി മുഴങ്ങുമ്പോള്‍ ബിഎസ്ഇ സെന്‍സെക്‌സ് സൂചിക 28 പോയിന്റ് ഉയര്‍ന്ന് 48,832 എന്ന നില രേഖപ്പെടുത്തി (0.06 ശതമാനം നേട്ടം). എന്‍എസ്ഇ നിഫ്റ്റി ഫിഫ്റ്റി സൂചിക 36 പോയിന്റ് വര്‍ധിച്ച് 14,618 എന്ന നിലയിലും ഇടപാടുകള്‍ക്ക് തിരശ്ശീലയിട്ടു (0.25 ശതമാനം നേട്ടം). ഇന്നത്തെ വ്യാപാരത്തിനിടെ ഒരുഘട്ടത്തില്‍ സെന്‍സെക്‌സ് 49,089 പോയിന്റ് വരെയും നിഫ്റ്റി 14,698 പോയിന്റ് വരെയും മുന്നേറിയിരുന്നു. വെള്ളിയാഴ്ച്ച വിപ്രോ ഓഹരികളാണ് കാര്യമായ നേട്ടം കയ്യടക്കിയത്. ദിവസ വ്യാപാരത്തിനിടെ വിപ്രോ ഓഹരികള്‍ 10 ശതമാനം വരെ ഉയരുകയുണ്ടായി.

 

നേരിയ നേട്ടം കുറിച്ച് വിപണി; 9 ശതമാനം കുതിച്ച് വിപ്രോ ഓഹരികള്‍

മാര്‍ച്ചിലെ സാമ്പത്തിക ഫലം പുറത്തുവന്ന സാഹചര്യത്തിലാണ് വിപ്രോയുടെ കുതിപ്പ്. അവസാന മണി മുഴങ്ങുമ്പോള്‍ നിഫ്റ്റിയില്‍ വിപ്രോ ഓഹരികള്‍ 9 ശതമാനം ഉണര്‍വ് രേഖപ്പെടുത്തി. വിപ്രോയെ കൂടാതെ ഹിന്‍ഡാല്‍കോ, ഏഷ്യന്‍ പെയിന്റ്‌സ്, സിപ്ല, ബിപിസിഎല്‍, എച്ച്‌സിഎല്‍ ടെക്‌നോളജീസ്, അള്‍ട്രാടെക്ക് സിമന്റ് ഓഹരികളും ദേശീയ സ്‌റ്റോക്ക് എക്‌സ്‌ചേഞ്ചില്‍ ഭേദപ്പെട്ട പ്രകടനം കാഴ്ച്ചവെച്ചു. മേല്‍പ്പറഞ്ഞ ഓഹരികള്‍ 2 മുതല്‍ 4 ശതമാനം വരെ മുന്നേറ്റമാണ് ഇന്ന് നടത്തിയത്. മറുഭാഗത്ത് ടാറ്റ സ്റ്റീല്‍, എല്‍ ആന്‍ഡ് ടി, ഐസിഐസിഐ ബാങ്ക്, എസ്ബിഐ, ബജാജ് ഫൈനാന്‍സ്, ജെഎസ്ഡബ്ല്യു സ്റ്റീല്‍ ഓഹരികള്‍ നഷ്ടം നേരിടുന്നവരില്‍ പ്രധാനികളായി. 2 ശതമാനം വരെ നഷ്ടം മേല്‍പ്പറഞ്ഞ ഓഹരികളില്‍ സംഭവിച്ചു.

വിശാല വിപണികളിലാണ് നിക്ഷേപകര്‍ ഇന്ന് കാര്യമായ ശ്രദ്ധ ചെലുത്തിയത്. ബിഎസ്ഇ മിഡ്ക്യാപ്, സ്‌മോള്‍ക്യാപ് സൂചികകള്‍ യഥാക്രമം 1.2 ശതമാനവും 1.05 ശതമാനവും വീതം മുന്നേറി. വ്യവസായങ്ങള്‍ അടിസ്ഥാനപ്പെടുത്തിയുള്ള വില സൂചികകളില്‍ നിഫ്റ്റി ഫാര്‍മ 2 ശതമാനം നേട്ടം കയ്യടക്കി. നിഫ്റ്റി ഓട്ടോ, നിഫ്റ്റി ഐടി, നിഫ്റ്റി മെറ്റല്‍, നിഫ്റ്റി എഫ്എംസിജി സൂചികകകള്‍ 0.6 മുതല്‍ 1.2 ശതമാനം വരെ നേട്ടം കുറിച്ചത് കാണാം. ഇതേസമയം നിഫ്റ്റി ബാങ്ക്, നിഫ്റ്റി പൊതുമേഖലാ ബാങ്ക്, നിഫ്റ്റി റിയല്‍റ്റി സൂചികകളില്‍ 0.6 ശതമാനം വരെ തകര്‍ച്ച ദൃശ്യമായി.

ആഗോള ചിത്രം പരിശോധിച്ചാല്‍ എംഎസ്‌സിഐയുടെ ആഗോള സൂചിക 0.1 ശതമാനം ഉയര്‍ന്നു; ബ്രിട്ടീഷ് സൂചികയായ എഫ്ടിഎസ്ഇ 100 0.5 ശതമാനവും നേട്ടം കുറിച്ചു. ജപ്പാന് വെളിയിലുള്ള ഏഷ്യാ പസിഫിക് ഓഹരികളുടെ എംഎസ്‌സിഐ സൂചിക 0.5 ശതമാനവും ഷാങ്ഹായി സൂചിക 0.8 ശതമാനവും ജപ്പാന്റെ നിക്കെയ് സൂചിക 0.1 ശതമാനവും വീതം വെള്ളിയാഴ്ച്ച മുന്നേറി.

English summary

Stock Market Close: Sensex Up By 28 Points; Wipro Shares Surge 9 Per Cent

Stock Market Close: Sensex Up By 28 Points; Wipro Shares Surge 9 Per Cent. Read in Malayalam.
Story first published: Friday, April 16, 2021, 16:14 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X