വിപണി ഉണര്‍ന്നു; സെന്‍സെക്‌സ് 460 പോയിന്റ് നഷ്ടത്തില്‍; 14,200 പോയിന്റ് വലംവെച്ച് നിഫ്റ്റി

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

മുംബൈ: വിപണി വീണ്ടും നഷ്ടത്തില്‍ വ്യാപാരം ആരംഭിച്ചു. രാവിലെ സെന്‍സെക്‌സ് സൂചിക 460 പോയിന്റ് ചോര്‍ന്ന് 47,246 എന്ന നില രേഖപ്പെടുത്തി (0.96 ശതമാനം തകര്‍ച്ച). എന്‍എസ്ഇ നിഫ്റ്റി ഫിഫ്റ്റി സൂചിക 133 പോയിന്റ് ഇടറി 14,160 എന്ന നിലയിലും ഇടപാടുകള്‍ നടത്തുന്നു.

 

ഇന്ത്യയില്‍ പ്രതിദിന കോവിഡ് കേസുകളുടെ എണ്ണം 3 ലക്ഷം കടന്ന സാഹചര്യം വിപണിയില്‍ ആശങ്ക പടര്‍ത്തുന്നുണ്ട്. സെന്‍സെക്‌സില്‍ ഡോക്ടര്‍ റെഡ്ഢീസ് ലബോറട്ടറീസ് (1.72 ശതമാനം), സണ്‍ ഫാര്‍മ (1.33 ശതമാനം), ബജാജ് ഓട്ടോ (1.07 ശതമാനം), ഓഎന്‍ജിസി (0.63 ശതമാനം), എച്ച്‌സിഎല്‍ ടെക്‌നോളജീസ് (0.06 ശതമാനം) ഓഹരികളാണ് രാവിലെ മുന്നേറുന്നത്.

വിപണി ഉണര്‍ന്നു; സെന്‍സെക്‌സ് 460 പോയിന്റ് നഷ്ടത്തില്‍; 14,200 പോയിന്റ് വലംവെച്ച് നിഫ്റ്റി

മറുഭാഗത്ത് അള്‍ട്രാടെക് സിമന്റ് (-3.57 ശതമാനം), ഇന്‍ഡസ്ഇന്‍ഡ് ബാങ്ക് (-3.11 ശതമാനം), ആക്‌സിസ് ബാങ്ക് (-2.16 ശതമാനം), ടെക്ക് മഹീന്ദ്ര (-1.85 ശതമാനം), ഏഷ്യന്‍ പെയിന്റ്‌സ് (-1.81 ശതമാനം), എന്‍ടിപിസി (-1.72 ശതമാനം), ബജാജ് ഫൈനാന്‍സ് (-1.65 ശതമാനം), ഹിന്ദുസ്താന്‍ യൂണിലെവര്‍ (-1.56 ശതമാനം), മഹീന്ദ്ര ആന്‍ഡ് മഹീന്ദ്ര (-1.54 ശതമാനം), ഐസിഐസിഐ ബാങ്ക് (-1.40 ശതമാനം), നെസ്‌ലെ ഇന്ത്യ (-1.38 ശതമാനം), ബജാജ് ഫിന്‍സെര്‍വ് (-1.33 ശതമാനം) ഓഹരികള്‍ നഷ്ടം നേരിടുന്നവരുടെ പട്ടികയില്‍ പ്രധാനികളാവുന്നു.

വിശാല വിപണികളുടെ കാര്യമെടുത്താല്‍ ബിഎസ്ഇ മിഡ്ക്യാപ് സൂചിക 0.6 ശതമാനവും ബിഎസ്ഇ സ്‌മോള്‍ക്യാപ് സൂചിക 0.2 ശതമാനവും വീതം നഷ്ടം കുറിക്കുന്നുണ്ട്. വ്യവസായങ്ങള്‍ അടിസ്ഥാനപ്പെടുത്തിയുള്ള വില സൂചികകളില്‍ നിഫ്റ്റി ഫാര്‍മയും നിഫ്റ്റി മെറ്റലും 1 ശതമാനം വീതം മുന്നേറ്റം കാഴ്ച്ചവെക്കുന്നു. ഇതേസമയം നിഫ്റ്റി ബാങ്ക്, നിഫ്റ്റി സ്വകാര്യ ബാങ്ക്, നിഫ്റ്റി എഫ്എംസിജി സൂചികകള്‍ 1 ശതമാനം വീതം താഴോട്ടുപോയി. സിയന്റ്, ടാറ്റ എല്‍സി ഉള്‍പ്പെടെ 10 കമ്പനികള്‍ കഴിഞ്ഞപാദത്തിലെ സാമ്പത്തിക ഫലം ഇന്ന് പുറത്തുവിടും.

ബിറ്റ്‌കോയിന്‍

വന്‍കുതിപ്പിന് ശേഷം ഇന്റര്‍നെറ്റ് ലോകത്ത് ബിറ്റ്‌കോയിന്‍ ഒരിക്കല്‍ക്കൂടി കിതയ്ക്കുകയാണ്. ഏപ്രില്‍ 13 -ന് 63,500 ഡോളര്‍ നിലവാരം തൊട്ട ക്രിപ്‌റ്റോകറന്‍സി ബിറ്റ്‌കോയിന്‍ 10 ദിവസങ്ങള്‍ക്കിപ്പുറം 54,000 ഡോളറിലേക്ക് കൂപ്പുകുത്തി. ബിറ്റ്‌കോയിന്‍ യൂണിറ്റൊന്നിന് 54,037.30 ഡോളറാണ് ഇന്ന് നിരക്ക്. ഇന്ത്യന്‍ രൂപയില്‍ ബിറ്റ്‌കോയിന്‍ വാങ്ങണമെങ്കില്‍ യൂണിറ്റൊന്നിന് 40.73 ലക്ഷം രൂപ മുടക്കണം.

English summary

Stock Market Open: Sensex Falls 450 Points; Nifty Hovers At 14,200 Level

Stock Market Open: Sensex Falls 450 Points; Nifty Hovers At 14,200 Level. Read in Malayalam.
Story first published: Thursday, April 22, 2021, 9:46 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X