വിപണി ഉണര്‍ന്നു; സെന്‍സെക്‌സ് 100 പോയിന്റ് കയറി, 13 ശതമാനം കുതിച്ച് ഐഡിബിഐ ബാങ്ക്

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

മുംബൈ: നേരിയ നേട്ടത്തില്‍ വിപണി വ്യാപാരം ആരംഭിച്ചു. ഏഷ്യന്‍ വിപണികളിലെ ഉണര്‍വ് ഇന്ത്യന്‍ സൂചികകളെയും രാവിലെ സ്വാധീനിക്കുകയാണ്. ബിഎസ്ഇ സെന്‍സെക്‌സ് സൂചിക 100 പോയിന്റ് കയറി 48,760 എന്ന നിലയില്‍ ഇടപാടുകള്‍ക്ക് തുടക്കമിട്ടു; എന്‍എസ്ഇ നിഫ്റ്റി ഫിഫ്റ്റി സൂചിക 14,650 മാര്‍ക്കിലേക്കും കടന്നെത്തി. ബജാജ് ഓട്ടോ, ഓഎന്‍ജിസി, ബജാജ് ഫൈനാന്‍സ് ഓഹരികളാണ് സെന്‍സെക്‌സില്‍ രാവിലെ തിളങ്ങുന്നത്. 1 ശതമാനം നേട്ടം ഈ ഓഹരികളില്‍ കാണാം.

 

വിപണി ഉണര്‍ന്നു; സെന്‍സെക്‌സ് 100 പോയിന്റ് കയറി, 13 ശതമാനം കുതിച്ച് ഐഡിബിഐ ബാങ്ക്

മറ്റു വ്യക്തിഗത സ്‌റ്റോക്കുകളില്‍ ഐഡിബിഐ ബാങ്ക് 13 ശതമാനത്തോളം മുന്നേറ്റം കാഴ്ച്ചവെക്കുന്നുണ്ട്. ബാങ്കിന്റെ ഓഹരി വിറ്റഴിക്കലിന് സാമ്പത്തിക കാര്യ ക്യാബിനറ്റ് സമിതി അനുമതി നല്‍കിയതാണ് ഐഡിബിഐയുടെ കുതിപ്പിന് കാരണം. ഐഡിബിഐ ബാങ്കിന്റെ മാനേജ്‌മെന്റ് നിയന്ത്രണം കൈമാറാനും സമിതി തീരുമാനിച്ചിട്ടുണ്ട്. വ്യവസായങ്ങള്‍ അടിസ്ഥാനപ്പെടുത്തിയുള്ള വില സൂചികകള്‍ എല്ലാം രാവിലെ നേട്ടത്തിലാണ് ഇടപാടുകള്‍ നടത്തുന്നത്. കൂട്ടത്തില്‍ നിഫ്റ്റി ഫാര്‍മ സൂചിക 0.9 ശതമാനവുമായി മുന്നില്‍ നില്‍ക്കുന്നു.

ഇന്ന് 25 കമ്പനികളാണ് മാര്‍ച്ച് പാദത്തിലെ സാമ്പത്തിക കണക്കുകള്‍ പുറത്തുവിടാന്‍ ഒരുങ്ങുന്നത്. ഹീറോ മോട്ടോകോര്‍പ്പ്, അദാനി പവര്‍, അദാനി ട്രാന്‍സ്മിഷന്‍, സെഞ്ച്വറി ടെക്‌സ്റ്റൈല്‍സ് ആന്‍ഡ് ഇന്‍ഡ്‌സ്ട്രീസ്, കോഫോര്‍ജ്, ടാറ്റ കണ്‍സ്യൂമര്‍ പ്രോഡക്ട്‌സ് തുടങ്ങിയവര്‍ ഇക്കൂട്ടത്തിലുണ്ട്.

ബിറ്റ്‌കോയിന്‍

വന്‍വീഴ്ച്ചയ്ക്ക് ശേഷം ഇന്റര്‍നെറ്റ് ലോകത്ത് ബിറ്റ്‌കോയിന്‍ പതിയെ ഉണരുകയാണ്. ഏപ്രില്‍ 13 -ന് 63,500 ഡോളര്‍ നിലവാരം തൊട്ട ക്രിപ്റ്റോകറന്‍സി ബിറ്റ്കോയിന്‍ 10 ദിവസങ്ങള്‍ക്കിപ്പുറം 49,000 ഡോളറിലേക്ക് കൂപ്പുകുത്തിയിരുന്നു. എന്തായാലും ബിറ്റ്കോയിന്റെ ക്ഷീണം പതിയെ വിട്ടുമാറുന്നു. ബിറ്റ്കോയിന്‍ യൂണിറ്റൊന്നിന് 57,313 ഡോളറാണ് ഇന്ന് നിരക്ക്; ഇന്നലെ രാവിലത്തെ നിരക്ക് 54,853.60 ഡോളര്‍. ഇന്ത്യന്‍ രൂപയില്‍ ബിറ്റ്കോയിന്‍ വാങ്ങണമെങ്കില്‍ യൂണിറ്റൊന്നിന് 42.32 ലക്ഷം രൂപ മുടക്കണം.

English summary

Stock Market Open: Sensex Gains 100 Points, Nifty At 14,650 Level, IDBI Bank Surges 13 Per Cent

Stock Market Open: Sensex Gains 100 Points, Nifty At 14,650 Level, IDBI Bank Surges 13 Per Cent. Read in Malayalam.
Story first published: Thursday, May 6, 2021, 9:58 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X