വിപണിയില്‍ ചാഞ്ചാട്ടാം; പൊതുമേഖലാ ബാങ്ക് ഓഹരികള്‍ മുന്നേറുന്നു, ഐടി താഴോട്ട്

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

മുംബൈ: വെള്ളിയാഴ്ച്ച ചാഞ്ചാട്ടങ്ങളോടെ വിപണി ഇടപാടുകള്‍ ആരംഭിച്ചു. തുടക്കവ്യാപാരത്തില്‍ ബിഎസ്ഇ സെന്‍സെക്‌സ് സൂചിക 48,760 പോയിന്റ് നിലയില്‍ ചുറ്റിത്തിരിയുകയാണ്. കൂടുതല്‍ വിശാലമായ എന്‍എസ്ഇ നിഫ്റ്റി ഫിഫ്റ്റി സൂചിക 14,700 മാര്‍ക്കിലും തുടരുന്നു.

 

സെന്‍സെക്‌സില്‍ ഏഷ്യന്‍ പെയിന്റ്‌സാണ് രാവിലെ തിളങ്ങുന്നത്. ഏഷ്യന്‍ പെയിന്റ്‌സ് ഓഹരികളില്‍ 4 ശതമാനം ഉയര്‍ച്ച കാണാം. ടൈറ്റന്‍ കമ്പനി, സ്റ്റേറ്റ് ബാങ്ക് ഓഫ് ഇന്ത്യ (എസ്ബിഐ), ഐടിസി ഓഹരികളും നേട്ടക്കാരുടെ പട്ടികയിലുണ്ട്. 1 ശതമാനം വീതം നേട്ടമാണ് ഈ ഓഹരികള്‍ രാവിലെ കയ്യടക്കുന്നത്. മറുഭാഗത്ത് ടാറ്റ കണ്‍സള്‍ട്ടന്‍സി സര്‍വീസസ് (ടിസിഎസ്), മഹീന്ദ്ര ആന്‍ഡ് മഹീന്ദ്ര, ടെക്ക് മഹീന്ദ്ര ഓഹരികള്‍ 1 ശതമാനം നഷ്ടം കുറിച്ച് ഏറ്റവും പിന്നില്‍ നില്‍ക്കുന്നു.

വിപണിയില്‍ ചാഞ്ചാട്ടാം; പൊതുമേഖലാ ബാങ്ക് ഓഹരികള്‍ മുന്നേറുന്നു, ഐടി താഴോട്ട്

വ്യവസായങ്ങള്‍ അടിസ്ഥാനപ്പെടുത്തിയുള്ള നിഫ്റ്റി സൂചികകളില്‍ ഐടി മാത്രമാണ് തുടക്കത്തില്‍ അടിപതറുന്നത്. മറ്റെല്ലാവരും നേട്ടത്തില്‍ മുന്നേറുകയാണ്. കൂട്ടത്തില്‍ നിഫ്റ്റി പൊതുമേഖലാ ബാങ്ക് സൂചിക 2 ശതമാനം വരെ കുതിപ്പ് രേഖപ്പെടുത്തുന്നു. ഇന്ന് 41 കമ്പനികളാണ് മാര്‍ച്ച് പാദത്തിലെ സാമ്പത്തിക ഫലം പുറത്തുവിടാന്‍ തയ്യാറെടുക്കുന്നത്. ലാര്‍സന്‍ ആന്‍ഡ് ടര്‍ബോ, ഡോക്ടര്‍ റെഡ്ഢീസ് ലബോറട്ടറീസ്, സിപ്ല, ആദിത്യ ബിര്‍ല ക്യാപിറ്റല്‍, ജസ്റ്റ് ഡയല്‍, മൈന്‍ഡ്‌സ്‌പേസ് ബിസിനസ് പാര്‍ക്ക്‌സ് തുടങ്ങിയ മുന്‍നിര കമ്പനികള്‍ ഈ പട്ടികയിലുണ്ട്. മാര്‍ച്ച് പാദത്തില്‍ ലാര്‍സന്‍ ആന്‍ഡ് ടര്‍ബോ മികച്ച പ്രകടനം കുറിച്ചെന്നാണ് മിക്ക സാമ്പത്തിക വിദഗ്ധരുടെയും പ്രവചനം. കഴിഞ്ഞ ത്രൈമാസപാദത്തില്‍ 17,500 കോടിയോളം രൂപയുടെ ഓര്‍ഡര്‍ കമ്പനി കരസ്ഥമാക്കിയിരുന്നു.

ബിറ്റ്‌കോയിന്‍

ഒരിടവേളയ്ക്ക് ശേഷം ഇന്റര്‍നെറ്റ് ലോകത്ത് ബിറ്റ്‌കോയിന്‍ വീണ്ടും ഇടിയുകയാണ്. ഏപ്രില്‍ 13 -ന് 63,500 ഡോളര്‍ നിലവാരം തൊട്ട ക്രിപ്റ്റോകറന്‍സി ബിറ്റ്കോയിന്‍ ഒരു മാസങ്ങള്‍ക്കിപ്പുറം 50,000 ഡോളറിനും താഴേക്ക് കൂപ്പുകുത്തി. ബിറ്റ്കോയിന്‍ യൂണിറ്റൊന്നിന് 49,227 ഡോളറാണ് ഇന്ന് നിരക്ക്; ഇന്നലെ രാവിലത്തെ നിരക്ക് 49,694 ഡോളര്‍. ഇന്ത്യന്‍ രൂപയില്‍ ബിറ്റ്കോയിന്‍ വാങ്ങണമെങ്കില്‍ യൂണിറ്റൊന്നിന് 36.22 ലക്ഷം രൂപയാണ് ഇന്ന് മുടക്കേണ്ടത്.

English summary

Stock Market Open: Sensex, Nifty Fluctuate Between Losses And Gains; IT Stocks Fall

Stock Market Open: Sensex, Nifty Fluctuate Between Losses And Gains; IT Stocks Fall. Read in Malayalam.
Story first published: Friday, May 14, 2021, 9:43 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X