റെക്കോര്‍ഡ് ഉയരം തൊട്ട് സെന്‍സെക്‌സും നിഫ്റ്റിയും; വിപണിയില്‍ കുതിപ്പ്

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

മുംബൈ: ആഗോള വിപണികള്‍ കിതയ്ക്കുമ്പോഴും ഇന്ത്യന്‍ വിപണി വെള്ളിയാഴ്ച്ചയും തേരോട്ടം തുടരുകയാണ്. രാവിലെത്തന്നെ സെന്‍സെക്‌സും നിഫ്റ്റിയും പുതിയ ഉയരങ്ങള്‍ തൊട്ടു. ബിഎസ്ഇ സെന്‍സെക്‌സ് സൂചിക 56 പോയിന്റ് കൂട്ടിച്ചേര്‍ത്ത് 53,215 എന്ന നിലയ്ക്കാണ് തുടക്കമിട്ടത് (0.11 ശതമാനം നേട്ടം). എന്‍എസ്ഇ നിഫ്റ്റി ഫിഫ്റ്റി സൂചിക 25 പോയിന്റ് കയറി 15,949 എന്ന നിലയും കയ്യടക്കി. ഇന്നത്തെ വ്യാപാരത്തിനിടെ ബോംബെ സൂചിക 53,291 പോയിന്റും നിഫ്റ്റി 15,962.25 പോയിന്റുമെന്ന എക്കാലത്തേയും ഉയര്‍ന്ന നില കുറിച്ചത് കാണാം.

 
റെക്കോര്‍ഡ് ഉയരം തൊട്ട് സെന്‍സെക്‌സും നിഫ്റ്റിയും; വിപണിയില്‍ കുതിപ്പ്

രാവിലെ സെന്‍സെക്‌സില്‍ ഐടിസി (0.95 ശതമാനം), ഏഷ്യന്‍ പെയിന്റ്‌സ് (0.64 ശതമാനം), ടാറ്റ സ്റ്റീല്‍ (0.54 ശതമാനം), റിലയന്‍സ് (0.54 ശതമാനം), പവര്‍ഗ്രിഡ് (0.52 ശതമാനം), ഭാരതി എയര്‍ടെല്‍ (0.47 ശതമാനം) ഓഹരികള്‍ മുന്നിലെത്തി. ടെക്ക് മഹീന്ദ്ര (-0.71 ശതമാനം), ഇന്‍ഫോസിസ് (-0.57 ശതമാനം), ആക്‌സിസ് ബാങ്ക് (-0.44 ശതമാനം), എല്‍ ആന്‍ഡ് ടി (-0.39 ശതമാനം), ഐസിഐസിഐ ബാങ്ക് (-0.29 ശതമാനം) ഓഹരികള്‍ ഏറ്റവും പിന്നിലും സ്ഥാനം പിടിച്ചു.

വ്യാഴാഴ്ച്ച വിപ്രോ പുറത്തുവിട്ട സാമ്പത്തിക ഫലം കമ്പനിയുടെ ചരിത്രത്തിലെ ഏറ്റവും മികവാര്‍ന്ന പാദങ്ങളിലൊന്നാണ്. കഴിഞ്ഞതവണ വിപ്രോയുടെ ലാഭം 35.7 ശതമാനം കൂടി 3,243 കോടി രൂപയായി (വാര്‍ഷികാടിസ്ഥാനത്തില്‍). കമ്പനിയുടെ വരുമാനം 22.3 ശതമാനം വര്‍ധിച്ച് 18,525 കോടി രൂപയിലും എത്തി. മുന്‍പാദത്തെ അപേക്ഷിച്ച് ജൂണില്‍ 12.4 ശതമാനം വരുമാന വളര്‍ച്ച വിപ്രോ കണ്ടു.

ജൂണില്‍ ഭേദപ്പെട്ട പ്രകടനമാണ് എല്‍ ആന്‍ഡ് ടി ഇന്‍ഫോടെക്കും കുറിച്ചത്. വാര്‍ഷികാടിസ്ഥാനത്തില്‍ കമ്പനിയുടെ ലാഭം 19.3 ശതമാനം കൂടി 496.8 കോടി രൂപയിലെത്തി. ഓഹരിയുടമകള്‍ക്ക് ഓരോ ഓഹരിക്കും 10 രൂപ വീതം ലാഭവിഹിതവും എല്‍ ആന്‍ഡ് ടി പ്രഖ്യാപിച്ചിട്ടുണ്ട്.

വിശാല വിപണികളും ഇന്ന് നേട്ടത്തിലാണ് വ്യാപാരം നടത്തുന്നത്. ബിഎസ്ഇ മിഡ്ക്യാപ് 0.11 ശതമാനവും സ്‌മോള്‍ക്യാപ് 0.38 ശതമാനവും വീതം നേട്ടത്തില്‍ ഇടപാടുകള്‍ തുടരുന്നു. ബിഎസ്ഇ 500 സൂചികയില്‍ സൈന്‍ജീന്‍ ഇന്റര്‍നാഷണല്‍ (9.16 ശതമാനം), ഐടിഐ (8.26 ശതമാനം), ഹാപ്പിയസ്റ്റ് മൈന്‍ഡ് (4.89 ശതമാനം), വോഡഫോണ്‍ ഇന്ത്യ (4.33 ശതമാനം), കാംസ് സര്‍വീസസ് (4.04 ശതമാനം) ഓഹരികള്‍ രാവിലെ കാര്യമായി മുന്നേറുന്നുണ്ട്.

ഇന്ന് 18 കമ്പനികള്‍ ജൂണ്‍ പാദത്തിലെ സാമ്പത്തിക ഫലം പുറത്തുവിടും. എച്ച്ഡിഎഫ്‌സി അസറ്റ് മാനേജ്‌മെന്റ് കമ്പനി, ഡെന്‍ നെറ്റ്‌വര്‍ക്ക്, ജസ്റ്റ് ഡയല്‍, എല്‍ ആന്‍ഡ് ടി ഫൈനാന്‍സ് ഹോള്‍ഡിങ്‌സ് തുടങ്ങിയവര്‍ ഈ നിരയിലുണ്ട്.

English summary

Stock Market Open: Sensex, Nifty Touch New Record High On Friday Early Deals

Stock Market Open: Sensex, Nifty Touch New Record High On Friday Early Deals. Read in Malayalam.
Story first published: Friday, July 16, 2021, 10:05 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X