ചാഞ്ചാട്ടങ്ങള്‍ക്ക് നടുവില്‍ വിപണി; 1 ലക്ഷം കോടി വിപണിമൂല്യം കുറിച്ച് ടാറ്റ സ്റ്റീല്‍, ലോഹ ഓഹരികളില്‍ കുതിപ്പ്

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

മുംബൈ: ചാഞ്ചാട്ടങ്ങളോടെയാണ് വിപണിയുടെ ഇന്നത്തെ പ്രയാണം. നഷ്ടങ്ങളും നേട്ടങ്ങളും നിറഞ്ഞ 'കയറ്റിറക്കങ്ങള്‍' ഇടവേളകളില്‍ കടന്നുവരുന്നു. രാവിലെ 49,400 പോയിന്റ് നിലയിലാണ് ബോംബെ സൂചികയുടെ (സെന്‍സെക്‌സ്) തുടക്കം. എന്‍എസ്ഇ നിഫ്റ്റി സൂചിക 14,700 പോയിന്റ് നിലയില്‍ തൂങ്ങിയാടുന്നുണ്ട്. ഓഎന്‍ജിസി, കൊട്ടാക്ക് മഹീന്ദ്ര ബാങ്ക്, എച്ച്ഡിഎഫ്‌സി ബാങ്ക്, ഐസിഐസിഐ ബാങ്ക് ഓഹരികളിലെ തകര്‍ച്ചയാണ് സെന്‍സെക്‌സിനെ കാര്യമായി പിന്നോട്ടു വലിക്കുന്നത്. ഇതേസമയം എന്‍ടിപിസി, മഹീന്ദ്ര ആന്‍ഡ് മഹീന്ദ്ര, ഹിന്ദുസ്താന്‍ യുണിലെവര്‍ ഓഹരികളുടെ മുന്നേറ്റം സൂചികയ്ക്ക് ആശ്വാസമേകുന്നു.

 
ചാഞ്ചാട്ടങ്ങള്‍ക്ക് നടുവില്‍ വിപണി; 1 ലക്ഷം കോടി വിപണിമൂല്യം കുറിച്ച് ടാറ്റ സ്റ്റീല്‍, ലോഹ ഓഹരികളില്

ടാറ്റ സ്റ്റീല്‍ ലിമിറ്റഡിന്റെ വിപണി മൂല്യം 1 ലക്ഷം കോടി രൂപ തൊട്ടതാണ് വിപണിയിലെ ഇന്നത്തെ പ്രധാന വിശേഷം. തുടക്കവ്യാപാരത്തില്‍ ടാറ്റ സ്റ്റീല്‍ ഓഹരികള്‍ 882.30 രൂപ വരെ വിലനിലവാരം കയ്യടക്കിയത് കാണാം. രാവിലെ സമയം 10 മണിക്ക് ബോംബെ സ്‌റ്റോക്ക് എക്‌സ്‌ചേഞ്ചില്‍ ഓഹരികള്‍ 875.65 രൂപ നിരക്ക് രേഖപ്പെടുത്തിയതിന് പിന്നാലെയായിരുന്നു കമ്പനിയുടെ വിപണി മൂല്യം 1 ലക്ഷം കോടി രൂപ മറികടന്നത്. ഇതോടെ ടാറ്റ ഗ്രൂപ്പില്‍ നിന്നും 1 ലക്ഷം കോടി രൂപ വിപണി മൂല്യം കുറിക്കുന്ന നാലാമത്തെ സംരംഭമായി ടാറ്റ സ്റ്റീല്‍. ചൊവാഴ്ച്ച മെറ്റല്‍ ഓഹരികളില്‍ കാര്യമായ മുന്നേറ്റം ദൃശ്യമാണ്. ജെഎസ്ഡബ്ല്യു സ്റ്റീല്‍, സെയില്‍, ജെഎസ്പിഎല്‍ ഓഹരികള്‍ 1.5 ശതമാനം മുതല്‍ 2.3 ശതമാനം വരെ നേട്ടം ഇന്ന് കയ്യടക്കുന്നു.

ചൈനയിലെ ഫാക്ടറി പ്രവര്‍ത്തനങ്ങള്‍ പൂര്‍വ്വാധികം ശക്തിയോടെ തിരിച്ചെത്തിയ സാഹചര്യം ലോഹ, ഖനന മേഖലകളില്‍ പുത്തനുണര്‍വ് സമ്മാനിക്കുകയാണ്. ഇടക്കാലത്തേക്ക് ഈ തരംഗം തുടരുമെന്നും മെറ്റല്‍ ഓഹരികള്‍ വന്‍ മുന്നേറ്റം കാഴ്ച്ചവെക്കുമെന്നും ഈ രംഗത്തുള്ള വിദഗ്ധര്‍ അഭിപ്രായപ്പെടുന്നു. ദേശീയ വിപണിയില്‍ സ്വര്‍ണം, വെള്ളി നിരക്കുകളിലും നേരിയ വര്‍ധനവ് സംഭവിച്ചത് കാണാം. എംസിഎക്‌സില്‍ (മള്‍ട്ടി കമ്മോഡിറ്റി എക്‌സ്‌ചേഞ്ച്) 10 ഗ്രാം സ്വര്‍ണം 0.35 ശതമാനം വര്‍ധനവോടെ 45,503 രൂപ വില രേഖപ്പെടുത്തുന്നു. കിലോയ്ക്ക് 0.6 ശതമാനം കൂടി 64,943 രൂപയെന്ന നിരക്കിലാണ് വെള്ളിയുടെ വ്യാപാരം പുരോഗമിക്കുന്നത്. തിങ്കളാഴ്ച്ച വ്യാപാരത്തില്‍ സ്വര്‍ണം 0.15 ശതമാനവും വെള്ളി 0.9 ശതമാനം വീണിരുന്നു. കഴിഞ്ഞ ഒരു മാസമായി 45,000 രൂപയ്ക്കും 44,100 രൂപയ്ക്കും ഇടയിലാണ് സ്വര്‍ണത്തിന്റെ പ്രയാണം.

Read more about: stock market share market bitcoin
English summary

Stock Market: Sensex Rebounds 200 Points; Nifty At 14,700 Level; Tata Steel Touches Rs 1 Trillion Market Cap

Stock Market: Sensex Rebounds 200 Points; Nifty At 14,700 Level; Tata Steel Touches Rs 1 Trillion Market Cap. Read in Malayalam.
Story first published: Tuesday, April 6, 2021, 10:42 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X